Joon 3:7 - ŊWÀʼ NYÙY

⁷ Lá à yòʼ a ker gháʼ ji m suuy ji á kér fó kfə̀n dzəə́ wír ji wír wo fíy.

Joon 3:7 Iomraidhean Croise

Ŋwàʼ Jov 15:14

Wìr msòŋ á ka, e bó a dzə là shilóm, wír, aá dzəə́ dzəə́n, é bo wù wáa dzə là nsem?

Joon 3:12

Mo m fer vinyo a dzə̀ ve ví kooy e nsay fèn, a ví gháʼ fo vèn biímé, a m lò, a fèr a dzə̀ veé yuv, bo bó yòʼ dzə̀ vèn kìíy mo ví dzəə̀n.

Joon 3:3

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Joon 3:6

Kifá ke wìr dzəə fo bvə̀m ki kù dzə̀ ji wír, a kifá ke Kiyoy ke Nyùy ki dzəə ki dzə̀ ke kí lo a dzə̀ fo Nyùy.

Joon 3:8

Yén ké shwer ki. Wú yii du a dzə̀ fo wú koŋè. Wìr lo, wù kù yù a dzə̀ mo wú shaa, a bó wù yòʼ kì fo wú loòn, a bó yòʼ dzə̀ wù kìíy fo wú du, e jòʼsì. Dzə̀ sá réŋréŋ mo Kiyoy ke Nyùy ki yii gháné, e bó a dzəə́ wír ji wír wo fíy.»

Joon 5:28

«Lá vèn yòʼ a ker gháʼ e kinyò fèn. Vèn kú a kiíy rú ji ghán sí wíy gheén, é wír ve vé‑eè kpukin ne adzə̀me yú jí Wàn Nyùy, e fəə̀kír fo sày,

Kolosia 1:12

a beèrì wun woo Tàr wòsən. Yì‑iì lì wun ven, e nàŋsín ji wír və́ ji vèn fiʼ wìy a dzə e wùn mvə̀m ran, e nəə́ e vijùŋ ve wù lèmèn e wír vəə́ adzə̀m.

Hibru 12:14

Vèn wáa mùm kitávín ji vèn à wíri wáa dzə dzə́ ye juŋe ji nyaáŋ, e kfə̀n a mùm feyì ji vèn wáa ker a dzəʼə̀m ye yí wáa dzə e juŋ, là nsem, a kiíy jii, a wìr bùŋ dzəʼə̀m yee bey, bo bó yòʼ dzə̀ á wù wìy yèn Nyùy.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

Ŋgaà Yen 21:27

A bó yòʼ dzə̀ sá kifá ke kí kér shilóm ki nə̀ə́ é laʼ fèn gheéy. A bó yòʼ dzə̀ sá wír wo wù yii liì kisaŋ, kìn wo wù bóʼti kimboʼtì, wù nə̀ə́ fó. Kù wíy nəə́ wír ve yír sév sí dzəə̀n é ŋwàʼ Wàn Njiì Nyùy wo vé‑eè saŋen yír sé wìr ve á wíy lùŋ sho.