Joon 3:5 - ŊWÀʼ NYÙY

⁵ Jesus bìnèr jii, «Kinyo ke m suuy kìn ki dzə̀ ke ru kí. Aá dzə̀ là fó dzəə́ wír fo mendzə̀v, é Kiyoy ke Nyùy ki kfən dzə̀ə́ ŋgaàŋ, bo bó yòʼ dzə̀ ŋgaàŋ nə̀ə́ e Nyùy mvə̀m saʼ.

Joon 3:5 Iomraidhean Croise

Matio 18:3

e sùúy jii, «M suuy kinyo ke ru kí e vèn jii, a vèn dzə̀ là fó kuvsín, e kfən moo wón ve terií, bo bó yòʼ dzə̀ féyì vèn wìy nə̀ə́ e vijùŋ ve dzəə̀n vé saʼ Nyùy.

Matio 19:24

A m kfə̀n suuy, lo lì jii, a fə̀m dzə̀ ji nyàm yee moo *kamer tósín é si ntar, bo bó yòʼ dzə̀ ŋgaà kav tàv nə̀ə́ e vijùŋ ve dzəə̀n vé saʼ Nyùy.»

Matio 21:31

Fo wón vee abaà víne, vèn yén kén ji wo wù‑uù loòn ntum tàr wov dzə̀ vəné?» Á bìnèr jii, «Dzə̀ wo wù‑uù tenen, e kfə̀n sìíy, e dù.» Jesus nèn sùúy jii, «M suuy e vèn rú jii, wír ve wíri yii nyáŋsi ji á sov mbàm se *bàràʼ wùn aàsàkìi kòóy ne dzə́ə, a nəə́ e vijùŋ ve dzəə̀n vé saʼ Nyùy, a shaà ven vin.

Matio 28:19

Vèn du ri, a ghan vitúm vidzə̀m, a yeʼéy wíri, a bìnèr ji wír vém, a way áwune é ndzəv e yír Nyùy Tàr wùn Wàn, à Kiyoy ke Ranén kí.

Matio 3:11

Joon kfə́n a suúy jii, «M wáy wíri é ndzəv lèn ji á bìnèr ne melív mev. Yii bèy, wìr wùmòʼ wiy fo mǒ bàm, a wù kùʼ, e shaà mo, a bó m yoʼ fə̀m ghèén fó keerí alábáʼ ŋgaàŋ. Wù yíi wìy, é wù wáa way kfə́ wíri a dzə̀ e Kiyoy ke Ranén kí kiwo, a way ámóʼó é və̀y.

Matio 5:20

Vèn wáa kiíy kijuŋ jii, a yii yéné dzə̀ là fó bòŋ, e shaà yé wìr ve á duŋrì nsər Nyùy wùn à yé wìr veé mbìv *Farasi, bo bó yòʼ dzə̀ féyì vèn wìy shòv sáʼ Nyùy e si.

Maak 10:14

Jesus yú, wún vəə́ kìn, wù suúy jii, «Vèn maʼti, é wón ve terií wáa wìy, a yen mo. Lá vèn yòʼ a shèm, bìʼ fo wír ve á wíy nəə́ e vijùŋ ve dzəə̀n vé saʼ Nyùyi kù dzə̀ wír vee moo wón vin.

Maak 16:16

Wìr wo wù biimen, á kfən wày wun e ndzəv wíy lùŋ. Wìr wo wù tenen fó biimé wíy gbù nsaʼ.

Maak 9:47

A fə̀m lò sí wìr, a levtí wun ji wù jáy dzə́ə, ŋgaàŋ mèn. Kí bòŋ ji wù nəə́ e Nyùy mvə̀m saʼ, a wù kér sí e mòʼón, e shaà fo wù wáa ker sí e baà, aá maʼ wun e kirə̀ʼ ké və̀y.

Ŋwàʼ Luk 13:24

«Vèn wáa mùm kitávín fó tosín a dzə̀ fó shùu lav wo wú fárninè, e lùŋ. Vèn wáa kiíy ji wír aníne wíy a mùm fó tosín, a bó á yòʼ wíy a ker dzə́ə.

Ŋwàʼ Luk 13:3

Bó yòʼ dzə̀ bey. A m suuy e vèn jii, a vèn dzə̀ là fó bìnèr melív men, bo vèn kù wíy lày sa bèy adzə̀m.

Ŋwàʼ Luk 13:5

Bó yòʼ dzə̀ bey. A m suuy e vèn jii, a vèn dzə̀ là fóo bìnèr melív men, bo vèn kù wíy lày sa bèy adzə̀m.»

Joon 1:13

A bó á yòʼ dzə̀ wón Nyùy ji vé‑eè dzə̀ə́ áwune bey mo wíri yii lóo dzə, á dzə̀ə́ wán. A bó yòʼ dzə̀ sá ji yì‑iì sìysì wír. Á dzə̀, bìʼ fo wúnwun woo Nyùy siìn Tàr wov.

Joon 3:3

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Joon 3:4

Nikudemon dzə́r jii, «A wìr kùy, a wù kúy ne, á kfə̀n dzə̀ə́ wun e le? A dzə̀ wù kfə̀n nə̀ə́ e yè wóv bvə̀m, wù dzə̀ə́ wun ji akàŋ abaà á?»

Lim Aŋgàa Ntum 2:38

Pita bìnèr jii, «Wìr mòʼón mòʼón biner shiliv sə́, aá wáy ven é ndzəv e Jesus Kristu yir, é Nyùy laysin vinyo vén ve bi ví, e kfə̀n fò ven fómo və wo dzəə̀n Kiyoy ke Ranén kí.

Lim Aŋgàa Ntum 3:19

Vèn biner ri melív men mè, e kfə̀n fo Nyùy, é wù laysin vinyo vén ve bi ví,

Ŋwàʼ woó Rom 14:17

A bó wír ve á dzəə̀n e Nyùy mvə̀m saʼa yòʼ dzə̀ ji á wáa nonín, a yinín. Ké saʼ Nyùy ki dzə̀ jii, á wáa yiì kinyo a dzə̀ ke kí gheenen Nyùy, é melív mev mè wáa dzə nyaáŋ, é Kiyoy ke Ranén kí kfə́n a yiì, aá wáa yu vijuŋ.

Ŋwàʼ woó Rom 8:2

Mo m tatin vèr Jesus Kristu, Kiyoy ke kí fó dzəʼə̀m yee là may ki sí lim e mǒ wùn, a m sí yú lèn a dzə̀ fo rə́ə yee nsər. M bòy ne fo nsər ye yì‑iì lim e mǒ mensə, ŋáʼar vinyo ve bi ví, wáy mo wáyín é kpu.

1 Korin 15:50

Afə̀r vem, é vèn ku nèn a kiíy ji bó yòʼ dzə̀ wún wósən vən, wo dzəə̀n ji jáv wùn à mensə́ mè, wú wìy dù, e yèn sáʼ Nyùy. Bó yòʼ dzə̀ kifá ke kí wíy fòy ki nə̀ə́ é kirə̀ʼ ke bó yòʼ dzə̀ kí mày.

1 Korin 2:12

A Kiyoy ke Nyùy wayin e vèsə́n meliv kí yòʼ lò a dzə̀ fó ndzə fèn. Wù wày a dzə̀ kfə́ kee Kiyoy ji kí wáa yiì, é vèsən wáa kiíy ambùʼmé ve wù bùʼùn vèsən shó adzə̀m.

1 Korin 6:11

Yì‑iì dzə̀ fó mbìy, a ven ámóʼó yii vinyo vee shoon. Nyùy nèn wìy sù vinyo vee shoon fo věn wùn, e lì ven ji və́ vee wír. A wù lèéy ne ji vèn sì á wír vee là njò, bìʼ kinyo ke Tàr wòsən Jesus Kristu wùn Kiyoy ke wun woo Nyùy ki‑iì yiìn fo vèn.

Galatia 6:15

A bó Nyùy yòʼ dzəə́ leey kee ji á sà nàŋsín wír ji woó Juda, mo bó á yoʼ nàŋsín a. Ke wù leey ki dzə̀ ji wìr kfə̀n ne ji wír wo fíy.

Efesor 5:26

Wù‑uù kpù ji áwune fíʼ a dzə wír ve á gheenen fo Nyùy. Wù‑uù fìʼtì kinyo ke Nyùy aáwune, á wáy áwune é ndzəv ji wír ve Nyùy suùn ne njò yev.

1 Pita 1:2

Nyùy woo Tàr wòsən‑eè shòʼ ven a dzə̀ mo wù‑uù sìysìn ne fo ŋgùʼ. Wù nèn wìy tùm Kiyoy kfə́, kí wìy, e nàŋsín ven ji və́ vee wír. A wù‑uù yiì bey, ji vèn wáa dzə, a yu a dzə̀ á fo Jesus Kristu, é mensə́ mvə mè táŋrí ven, é vèn boy fó njò. M nén a lon jii, Nyùy kú a shaà fo mbìy, a leéy fo vèn, a yiì, é melív men mè wáa dzə nyaáŋ.

1 Pita 3:21

Kinyo kee shooy ki wáa dzə kisəəm ké ndzəv ye á wáy wír sho lèn, wù ràn fo wun vinyò ve bi ví. A bó á yòʼ wáy bèy ji á su a dzə̀ lóm fo ŋgaàŋ wùn. Dzə̀ kisəəm ke kí din ji ŋgaàŋ lón fo Nyùy a ji wù ku sù shilív sə́, é shí rán. A wù bòy fo wùn ajay a dzə̀ bìʼ Jesus Kristu wo wù‑uù fəən fó kpu,

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.