Joon 3:3 - ŊWÀʼ NYÙY

³ Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Joon 3:3 Iomraidhean Croise

Jeremia 5:21

«Vèn yuúrí, ven vee viyúŋ, ven vee vinjìŋ ve wíri. Vèn kér sí, a bó vèn yòʼ yén virə́ʼ. Vèn kér vituʼùr, a bó vèn yòʼ yú vinyo.

Esiker 36:26

M wíy fo ven shilív she fíy shi, e way kiyoy ke fíy ki e věn wùn. M wíy fəə́r shilív shén she shí táv moo tíy, e fo shilív she shí boóri e vèn.

Matio 16:17

Jesus yòŋ jii, «Simon woo wan Jona, vishí vé vi bòŋ feyì. Kú a kiíy jii, yiì Tàr wor wo wù dzəə̀n é yuv, é bo à kiíy kinyo kìn, a bó kí yòʼ lò fo wìr msòŋ.

Matio 19:24

A m kfə̀n suuy, lo lì jii, a fə̀m dzə̀ ji nyàm yee moo *kamer tósín é si ntar, bo bó yòʼ dzə̀ ŋgaà kav tàv nə̀ə́ e vijùŋ ve dzəə̀n vé saʼ Nyùy.»

Matio 21:31

Fo wón vee abaà víne, vèn yén kén ji wo wù‑uù loòn ntum tàr wov dzə̀ vəné?» Á bìnèr jii, «Dzə̀ wo wù‑uù tenen, e kfə̀n sìíy, e dù.» Jesus nèn sùúy jii, «M suuy e vèn rú jii, wír ve wíri yii nyáŋsi ji á sov mbàm se *bàràʼ wùn aàsàkìi kòóy ne dzə́ə, a nəə́ e vijùŋ ve dzəə̀n vé saʼ Nyùy, a shaà ven vin.

Matio 5:18

Vèn wáa kiíy rú jii, kèʼ mo yúv wùn à nsay wíy a dzə sho, e dù, e meé e ghan se ndzə wíy mày, bó yòʼ dzə̀ shinyorìn she nsər rə̀n dinè, a shí fə̀m dòr moó le, shí wìy tùm fó nsay, a bó kí yoʼ ghèén mo yì suuyì.

Maak 10:14

Jesus yú, wún vəə́ kìn, wù suúy jii, «Vèn maʼti, é wón ve terií wáa wìy, a yen mo. Lá vèn yòʼ a shèm, bìʼ fo wír ve á wíy nəə́ e vijùŋ ve dzəə̀n vé saʼ Nyùyi kù dzə̀ wír vee moo wón vin.

Maak 9:47

A fə̀m lò sí wìr, a levtí wun ji wù jáy dzə́ə, ŋgaàŋ mèn. Kí bòŋ ji wù nəə́ e Nyùy mvə̀m saʼ, a wù kér sí e mòʼón, e shaà fo wù wáa ker sí e baà, aá maʼ wun e kirə̀ʼ ké və̀y.

Joon 1:13

A bó á yòʼ dzə̀ wón Nyùy ji vé‑eè dzə̀ə́ áwune bey mo wíri yii lóo dzə, á dzə̀ə́ wán. A bó yòʼ dzə̀ sá ji yì‑iì sìysì wír. Á dzə̀, bìʼ fo wúnwun woo Nyùy siìn Tàr wov.

Joon 1:5

Rán yee shooyi ku nèn a ban, a kàʼày ndzə vitsə̀ʼ, a bó ndzə vitsə̀ʼ yòʼ‑oò lo ndzə̀mér gheéy.

Joon 1:51

Wù nèn kfə̀n sùúy sho jii, «Vèn wáa kiíy rúrú ji vèn wíy yen, a yúví mvə́ʼə́m, a nshèelav se Nyùy si sə́y, kfə̀n kóʼó, aá wiy, e yen a dzə̀ ŋgaà wo yírí dzəə̀n Wanwìr.»

Joon 12:40

«Nyùy sə̀tí ne sí yév, e yiì, melív mev mè lúr, fo sí yéví wáa yen vinyo, é melív mev mè səəm ke kí dzəə̀n, aá kfə́n fo Nyùy, é wù fer áwune.»

Joon 3:4

Nikudemon dzə́r jii, «A wìr kùy, a wù kúy ne, á kfə̀n dzə̀ə́ wun e le? A dzə̀ wù kfə̀n nə̀ə́ e yè wóv bvə̀m, wù dzə̀ə́ wun ji akàŋ abaà á?»

2 Korin 4:4

Ké wír vìn ki dzə̀, a sə̀tí Satan woo nyùy wo wù kér ndzə rə̀n lèn vifií vév fo á biíme sáʼka Nyùy wo juŋ. A bó yòʼ dzə̀ áwune yèn rán ye sáʼka Nyùy wìyìn shó, a kiíy mo Kristu dzəə̀n. Kristu, wo wùn Nyùy dzəə̀n kikúv kimòʼón.

2 Korin 5:17

Ke kí dzəə̀n kí dzə̀ jii, wìr táti wùn Jesus Kristu, bo ŋgaàŋ sì wír wo fíy. Dzəʼə̀m ye mvəə́ shaà ne, a wù sí kér lèn a dzə̀ ye fíyi.

Galatia 6:15

A bó Nyùy yòʼ dzəə́ leey kee ji á sà nàŋsín wír ji woó Juda, mo bó á yoʼ nàŋsín a. Ke wù leey ki dzə̀ ji wìr kfə̀n ne ji wír wo fíy.

Efesor 2:1

Yì‑iì dzə̀ fó mbìy, a vèn kpú ne fo Nyùy mbìv, bìʼ fo vèn‑eè dzə́, méŋ Nyùy, yii a dzə̀ vinyo ve bi ví.

Remrí 29:4

Yii bèy, e wìy to lán, bó Nyùy Tàr yoʼ fò ven shilív she dzə̀ vèn kìíy shó, kìn sí ye dzə̀ á yèn shó, kìn vituʼùr ve dzə̀ á yù kinyo sho.

Titur 3:5

e tìn vèsən fó lòn, á lùŋ. A bó wù yòʼ‑oò luŋèr bèy ji vèsən‑eè yii a vinyo ve ví wáa gheén wun. Wù‑uù lùŋèr vèsən cáʼ bìʼ və́ə woo nshámmé. Wù‑uù sù vinyo vesən ve bi ví, e fò Kiyoy kfə́ ke Ranén kí, kí yiì, vèsən kfə́n ji wír ve á siìn afíy, a ker dzəʼə̀m ye fíyi.

Jeem 3:17

Kinyo ke kí din ji wìr kér rú vifií ve ví lo a dzə̀ fo Nyùy ki dzə̀ jii, ŋgaàŋ dzə̀ kfə́, a bó wù yòʼ wáy kiwó e kinyò ke bi kí gheéy. Wù kfə́n a dzə wir nyaáŋ, a ker wíri ji weè, a yuurí kinyo ke wìr, a sham wíri ghán sidzə̀m, a yiì vinyo ve juŋ vi é ŋàŋ. A bó wù yòʼ yii vinyo vìn, yuúri kisùúyjii, a bó wù yòʼ din wún.

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

1 Joon 3:9

Vèn wáa kiíy jii, wìr wo dzəə̀n wan Nyùy yòʼ kfə̀n dzəə́ yii vinyo ve bi ví, bìʼ fo wù sí kér liì Nyùy wo dzəə̀n Tàr wov. Mo wù siìn wan Nyùy, bó yòʼ dzə̀ wù kfə̀n a yiì vinyo ve bi ví gheéy.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

1 Joon 5:18

Vèsən kì ji wìr wo siìn wan Nyùy yòʼ kfə̀n dzə̀ wù wàa yiì vinyo ve bi ví, bìʼ fo Jesus woo Wan Nyùy sí shiy wun. A bó yòʼ dzə̀ Satan woo ŋgaà vinyò ve bi ví kfə̀n kùm wun gheéy.

1 Joon 5:4

bìʼ fo wír ve dzəə̀n wón Nyùy adzə̀me shaàn ne vitaáví vé vinyò veé ndzə fèn. Aá sò ne ndzə, bìʼ fo á wayin shilív e Jesus wùn.

Ŋgaà Yen 3:14

Wìr və̀y kfən sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Ladisia. A wú dzə̀ jii: «Kinyo kìn ki sùúy mo wo á yoŋ ji Amen. Kù yii din mo kinyo ke dzəə̀n ke ru kí, là kiloʼ. Nyùy‑iì mbaà a dzə̀ mo, e bóo bom vifá ve wù‑uù bomen vidzə̀m.