Joon 3:2 - ŊWÀʼ NYÙY

² Wù nèn wìy lò vitsə́ʼ vímóʼ ví, e dù, e yèn Jesus, e yòŋ jii, «Ŋgaà Yèʼey, vèr kì ji tùm Nyùy wò ji à wiy, a yeʼéy ver. Bó yòʼ dzə̀ wìr wàa yiì viŋgaʼnìn ve vinyò ve à yii vìn, a bó túm Nyùy ŋgaàŋ.»

Joon 3:2 Iomraidhean Croise

1 Afòn 17:24

Wiíy və̀y suúy e Elija jii, «M kìíy ne lèn ji à dzə̀ wir Nyùy, a jì ye yì fəə́ fo wò shuù dzə̀ rú jí Nyùy.»

Aysaya 51:7

«Ven ve á kiìn kinyo ke ru kí, ven ve á yuun ntir sém, a yiì mo m koŋè, vèn yuúrí. Wíri lóo kuù ven, lá vèn yòʼ a fàn, á lóo shùr ven e liy si, lá vèn yòʼ a yàʼ.

Jeremia 38:16

Fòn Tsədekiya nèn lì Jeremia, wùn wun bàr wún, wù lìʼ jii, «Mo Nyùy Tàr wo wù fó dzəʼə̀m e vèsən dzəə̀n shó e tin, yòʼ dzə̀ m fò wò e kpúu, kìn ji m fó wò e wír ve á taʼ e laàr wòo.»

Matio 22:16

Á nèn tùm wír vév wùn à wír Fòn Heror ámóʼó ji á du, a woóy a wun. Á dù, e yòŋ jii, «Ŋgaà Yèʼey, vèr kì jii, à kù yii suuy a dzə̀ kinyo ke ru kí, aà kfə̀n yéʼey wíri kinyo ke Nyùy réŋréŋ mo kí dzəə̀n, e làa yòʼ a leéy sí wìr, kìn ŋgaàŋ dzə̀ la.

Matio 23:7

Aá kfə̀n koŋ fó a ghan, a kar e virə̀ʼ vé way, é wíri wáa shàʼtì áwune, a shòŋrì jii, ‹Ŋgaà yèʼey, ŋgaà yèʼey.›

Matio 23:8

«Lá vèn yòʼ a yiì bèy. Lá wìr yòʼ wìy biìmé ji á wáa yòŋ wun ji ŋgaà yèʼey. Vèn tàtí ne adzə̀m ji afə́r, a ŋgaà yèʼey won kù jòʼsì e mòʼón.

Maak 12:14

Áwune dù, e yòŋ jii, «Ŋgaà Yèʼey, vèr kì ji à kù yii suuy a dzə̀ kinyo ke ru kí, a bó à yòʼ yii leey sí wìr, kìn ŋgaàŋ dzə̀ la. À kù yéʼey kinyo ke Nyùy réŋréŋ mo kí dzəə̀n. Vèr nén a tàʼ, e kiíy jii, nsər yèsən sa biìmé ji á wáa màʼ mbàm, a shwi Fon woó *Rom sho, moo ŋgáŋ á?

Joon 1:38

Jesus bìnkìr, e yèn, aáwune wiy e wùn bàm, wù dzə́r jii, «Vèn du fèé e mǒ bàm?» Á yòŋ jii, «Rabbi, vèr taʼ, e yen fo à shiiyì.» Á wáa yòŋ bèy, a Rabbi dzə̀ ji Ŋgaà Yèʼéy.

Joon 10:38

Vèn yén, a m kù yii a dzə̀ vinyo vee shoon, a bó vèn yòʼ fə̀m koŋ, e biíme kinyo ke m suuy e mǒ kitu, vèn kù biìmé bìʼ vinyo ve m yii vìn, é vèn nèn wìy kìíy rú kijuŋ ji kù dzə̀ vèr Tàr wor, a vèr wun dzə̀ ji kitú kimòʼón.»

Joon 12:37

Wíri siíy, e làa yòʼ fə̀m biimé kinyo kfə́, a wù‑uù sí ghán aáwuné mvəm, yii vinyo vinín ve ví din vitaáví vé Nyùy.

Joon 14:10

Bó à yoʼ biìmé ji kù dzə̀ vèr Tàr wor, a vèr wun dzə̀ ji kitú kimòʼón à? Jí se vèn yú fo mǒ shuù si yòʼ dzə̀ ben ji suuy mo fo mǒ kitu. Yii Tàr wor wo vèr wun dzəə̀n ji kitú kimòʼón, a m lim vinyo a dzə̀ və́.

Joon 15:24

A mò‑oò dzə̀, e làa yòʼ a yiì vinyo ve bó wìr yòʼ‑oò yiì ne yiì aáwuné mvəm, ve ví din vitaáví vé Nyùy, bo bó á yòʼ‑oò lo lì njò. Yii bèy, a vé‑eè lo yèn, e kù a bàn mo, e kfə̀n a bàn Tàr wor.

Joon 2:11

Jesus‑eè yiì kinyo kìn e Kaana woó Galeli foo fèy, a dzə̀ kiŋgaʼnìn ke kinyò ke mbìy ki ke wù‑uù dìnèn, wíri wáa yen vitaáví ve Nyùy foon shó. Mo wón və́ lìme yenen, e nèn màysì, e wày shilív é wùn wó.

Joon 20:16

Jesus nèn yòŋ lèn jii, «Maria.» Wù kóʼtí fó, e kù nèn yòŋ Jesus aáwuné Lǎm Hibru jii, «Raboni», a dzə̀ jii, Ŋgaà Yèʼey.

Joon 3:26

Wón lìm Jooné nèn lò, e dù, e yèn wun, e yòŋ jii, «Ŋgaà Yèʼey, kuúmé wír wo vèn wun‑eè dzəə̀n é ndzə̀n ndzə̀v yee Jordan, aà din e wíri və̀y. Və̀sə lèn mo wù sí wáy sa wíri é ndzəv, a wìr dzə̀m sí du a dzə̀ fó.»

Joon 4:31

A wón və́ lìme kì sìíy ne, a boòrì jii, «Ŋgaà Yèʼey, ku yì kifá ki.»

Joon 5:36

«Kinyo kímóʼ kí nén a dzə sho, ke kí din mo m dzəə̀n, a kí shaà ké Joon. A kí dzə̀ jii, Tàr wor fò ne lim ye m wáa lìm. Vinyo ve m yii vìn vi nén a dìn ji tùm rú á Tàr wor mo.

Joon 6:2

Màŋgòŋ báʼtí fó e gháʼán, a ghan e wùn bàm, bìʼ fo vé‑eè yén viŋgaʼnìn ve vinyò ve wù‑uù yii e vé yàsií wùn.

Joon 7:31

Yii bèy, a wír ámóʼó kù yòʼ wáy shilív e Jesus wùn anín, suuy ji Mfə̀ə́r sà wíy wìy, é wù yii vinyo ve ví din vitaáví vé Nyùy, e shaà ve wìr və̀n yii a.

Joon 9:16

Wír Farasi vìy ámóʼó nèn sàyín jii, «Bó Jesus və̀n yòʼ dzə̀ wír wo wù lo ntum Nyùy gheéy, wù shóʼor nsər kishìíy ké bam.» Aámóʼó dzə́r kév jii, «A dzə̀ wír, a bó Nyùy yòʼ kì wun, wù wàa yiì viŋgaʼnìn ve vinyò vee ben à?» Á bìʼ bèy, e bvəə̀rí.

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Lim Aŋgàa Ntum 2:22

Pita nèn kfə̀n yòŋ jii, «Ven vee wír veé Isray, vèn kfən yuùrí. Jesus woó Naasarer dzə̀ wír, a Nyùy‑iì lo dìn e vèn kiránén ji tùm á wun mo wù‑uù fó vitaáví shó, a wù yii viŋgaʼnìn ve vinyò ve ví din vitaáví vé Nyùy, a wíri leey, kér gháʼ. Vèn kì bey, bìʼ fo vinyo vee shooy vi‑iì kooy a dzə̀ e věn mvəm.

Filipi 1:14

A sháŋ wo m lim və̀n kfə̀n yiì ne sa, afə́r vesəné máysí, e wày gháŋ e Tàr wòsən Jesus wùn anín, a fìʼtì kinyo kfə́ lèn feyì, là fan.

Atǎr Nsaʼ 6:27

Gidiyon nèn shòʼ wíri e ghvə̀m fo wìr ve vé‑eè lim fo wune, wùn áwune nèn yiì réŋréŋ mo Nyùy Tàr kì suuyin e wun. Wù‑uù yiì kinyo kìn a dzə̀ vitsə́ʼə́, bìʼ fo wù‑uù fan kfə́ə rə́ wùn à wír veé ŋkàlaʼ foo fèyi.