Yiì ji shilív shé wan wom Solomon shi kú a tiy a dzə̀ é kinyò kimòʼón, kee ji wù kú a yu a sáʼ yé, a yunín nsər sé, a tiy e vinyò ve à tínen vidzə̀m, a yiì mo ví dzəə̀n, e kfə̀n bàʼrì ntoʼ yè, ye m yiìn ne mbaʼtì rə̀n.»
Vilìmbìy veé Isray ve dzəə̀n aŋkiyi sì ji amfìr. Áwune vee anshìyi yòʼ kér vifií, á kù sì ji jwí se sí buúne buùnén, a sí yòʼ dzəə́ wámé. Áwune kù sí néŋ, a njèm si shí áwune, kù koŋ, a boʼ a dzə̀ mbuùné.
«Yii bèy, a mensaŋ me m wíy gwàr vèr à wír veé Isray, a me mvə mè seéy ne mè dzə̀ jii, m wíy way nsər sém aáwuné vifii, e saŋ aáwuné meliv. M wíy a dzə Nyùy wov, aáwune wáa dzə wír vém. Suuy mo woo Nyùy Tàr.
M wíy fo shilív she sən shí aáwune, e way kiyoy ke fíy ki aáwuné wùn. M wíy fəə́r shilív shév she shí lùrìn ne, e tàv moo tíy, e fo shilív she boorín shí aáwune.
Jesus lò e ghan see shooy, e yòŋ Nyùy jii, «Éè Tàr wor, sáʼ wò yúv wùn à nsay. M beerì wò, bìʼ fo wò‑oò lìtìn kinyo ke ru kí fo wír ve á din vifií, e lìtì fo akiíyí, e dìn a dzə̀ áàmbúʼú.
Wìy lòo dzə e kishiíy kímóʼ kí, Jesus wáa yeʼéy wíri, a Nyùy Tàr fó wun vitaáví, a wù fer aŋgàa yàsí. Wír veé mbìv *Farasi wùn à wír ve á yii duŋrì nsər Nyùyi wáa dzə fo, a vé‑eè wìy fó ntèʼ seé Galeli wùn à seé mbìv Juda sidzə̀m, à fó ŋkàlaʼ Jerusalem sho.
Vèn wáa kiíy jii, wìr woó Juda woó rú yòʼ dzə̀ wo á səə̀mèn a dzə̀ fó wùn. A bó náŋsín ye á naŋsin wír rú ji wo Nyùyi yòʼ dzə̀ kifá ke á sáŋ a dzə̀ e ŋgaàŋ wùn mo dzə̀ á yèn.
Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.
Mo vèn áwune tatin, wù nen nàŋsín ven ji wír Nyùy. A bó wù yoʼ nàŋsín ji wun səə̀m a dzə̀ wún fó ndzə mo wír veé Judàa yii səəmè. Kristu nàŋsín kfə́ a dzə̀ shilív, la shí yòʼ dzəə́ a tiy e vinyò ve mensə́ mè taʼà.