Joon 21:3 - ŊWÀʼ NYÙY

³ Simon Pita nèn lò, e sùúy jii, «Mo‑óò du, e koò sə́.» Á bìnèr jii, «Bo vèsən du.» Á nèn nə̀ə́ e kikoŋ, e sìíy, e shìíy e ndzəv, e làa yòʼ koo kifá gheéy.

Joon 21:3 Iomraidhean Croise

Ŋwàʼ Luk 5:5

Simon nèn bìnèr jii, «Tàr à wíri, vèr sìíy, e màʼ lálán, ndzə rán ranén, a bó á yoʼ koò kifá gheéy. Yii bèy, mo suuyin wò, mo‑óò du, e màʼ.»

Joon 21:4

Ndzə yiì kèʼ jav, Jesus wìy, e tìím e ghaa ndzəv, la wón və́ lìme yòʼ a kiíy ji dzə̀ á wun.

Lim Aŋgàa Ntum 18:3

e lòo yen, aáwune bá sa kfə́ə ndzə̀y se wù yii bá, wù nèn a shiíy fo, wùn áwune wáa lìm lim.

1 Korin 3:7

A bó ŋgaà bìy, kìn ŋgaà wo wù wáyri mendzə́v shó yòʼ kér kinyo kímóʼ kí gheéy. Kù kér Nyùy wo wù yii, bo kifá kee shooy ki wáa kuy.

1 Korin 9:6

Bó dzə̀ ji kù mày vèr Banabar ve á kér fó a lìm lim e wó yérí, e bó a koóy kifá ke yi a?

1 Tesalonika 2:9

Afə̀r ver, vèn kfə́n a kuumé sa mo vèr‑iì lim, túŋ akwiiròn e ghan se vèr‑iì fiʼtì sáʼka Nyùy wo juŋ e vèn. Vèr‑iì lim e shùy, lim vitsə́ʼ ji á fíʼ koóy a kifá ké a yi. Bó vèr yòʼ‑oò ló a leéy vifá ve yi fo vèn, bìʼ fo bó vèr yòʼ‑oò taʼ, e way ven é kibèʼèy.