Joon 21:2 - ŊWÀʼ NYÙY

² wón lìm Jesus ámóʼó‑oò dzə́ fo, aá dzə̀ jii, Simon Pita, wùn à Tomar wo vé‑eè yoŋ sa ji Wóné, à Nataniar wo dzəə̀n wír woó Kaana e wòŋ Galeli foo fèy, à wón Sebedi vee abàá, wùn à wón lìm Jesus ámóʼó sá abaà.

Joon 21:2 Iomraidhean Croise

Matio 10:3

Filiv wùn Batolome, Tomar wùn Matio wo wù‑uù báʼti mbàm se bàràʼ, Jeem woo wan Afiyur, Taadiyor wùn

Maak 1:19

Wù kfən lòo koʼtí shishàr, e yèn sá wír ámóʼó abaà, a dzə̀ fə́r wùn fə̀r, aá yoŋ ji Jeem wùn Joon, a wùn à Sebedi woo tàr wov dzə́ e kikoŋ, náŋsin alálán vév.

Ŋwàʼ Luk 5:10

Aŋgaà və́ ŋgoo ve yì‑iì dzəə̀n Jeem wùn Joon vee wón Sebedíi wáa ker sa gháʼ. Jesus suúy e Simon jii, «Lá à yòʼ a fàn. Kèʼ fo lèn, à yíi a baʼtí a dzə̀ wíri.»

Joon 1:45

Filiv nèn dù, e yèn wír wo á yoŋ ji Nataniar, e sùúy sho jii, «Vèr yèn ne wír wo Mooser‑iì saŋen e wùn Ŋwàʼ Nsər, *aŋgàa ntum Nyùy ámóʼó kfən sàŋ sá ji wù wíy wìy. Ŋgaàŋ dzə̀ Jesus, a dzə̀ wír woó Naasarer, aá yoŋ tàr wov ji Joosev.»

Joon 11:16

Tomar wo vé‑eè yoŋ yír rə́ yímóʼó ji Wóné nèn sùúy aámóʼó vee wón lìme jii, «Vèsən wáa dù rì, aá yúyrí vèsən áwune fó adzə̀m.»

Joon 2:1

Kishiíy kí shaà, ndzə bvəə́shí, e ràn, á wáa ker vijín é ntèʼ yee Kaana e Galeli foo fèy, yìy à Jesus dù fo,

Joon 2:11

Jesus‑eè yiì kinyo kìn e Kaana woó Galeli foo fèy, a dzə̀ kiŋgaʼnìn ke kinyò ke mbìy ki ke wù‑uù dìnèn, wíri wáa yen vitaáví ve Nyùy foon shó. Mo wón və́ lìme yenen, e nèn màysì, e wày shilív é wùn wó.

Joon 20:28

Tomar ku nèn sùúy suuyín jii, «Dzə̀ wò Tàr wor, aà dzə̀ Nyùy wom.»

Joon 4:46

Wù kfən ghàn, e dù, e mèé e ntèʼ yee Kaana fo wù‑uù bìnèrìn mendzə́v é melùʼ e Galeli foo fèy. Wáa dzə e ghan see shooy, a wìr wo kuʼùn wùmòʼ dzə̀ é ntèʼ yee Kapeenahum, a wan və woo lumèn joy e ŋàŋ.

Joshua 19:28

e shaà Ebron, e shaà Rehov, e shaà Hammon, e shaà Kana, e dù bàʼ e Sidon wo Wiy.