Joon 20:2 - ŊWÀʼ NYÙY

² Wù nèn bìnkìr, e lèʼ, e dù, e yèn Simon Pita wùn wàn lìm wo Jesus‑eè koŋ e ŋàŋ və̀y, e sùúy jii, «Á shàʼàr ne dzə́n Taàtá Jesus fo sày fèy, a bó vèr yòʼ kì fo á lèmèn.»

Joon 20:2 Iomraidhean Croise

Joon 13:23

Aá kì dzə́ bèy, a wùmòʼ woo wan lìm wo Jesus‑eè koŋ e ŋàŋ, kì dzə̀ʼə̀m, e yèʼém e Jesus wùn.

Joon 19:26

Wan lìm Jesus wo wù‑uù kòŋèn é ŋàŋ wáa tiy sa fo. Jesus yén, a wùn yè wov tíy fo ghaŋ, e yòŋ yè wov jii, «Yìy, wan wò sì və̀n»,

Joon 20:13

Á nèn yòŋ jii, «Yaà, à diy ka?» Wù bìnèr jii, «M diy, bìʼ fo á shàʼàrìn dzə́n Taàtá wom, la m yòʼ kìíy fo á lèmèn.»

Joon 20:15

Jesus yòŋ jii, «Yaà, à diy ka? À taʼ a dzə̀ la?» Wù nèn a kwàʼtì ji dzə̀ á wír wo wù lim e kiboo fóo fèy, e nèn sùúy sho jii, «Taàtá, a shàʼàr wò dzə́n Jesus, à kù dìn fo à lèmèn, é m li, a dù sho.»

Joon 20:9

Fə́m a dzə e ghan sin, a bó á yòʼ sí kiiy kinyo ke Ŋwàʼ Nyùyi‑iì din ji Jesus kù‑uù wíy fəə a fo kpu.

Joon 21:20

Pita lòo bìnkìr, e yèn wan lìm wo Jesus‑eè koŋ e ŋàŋ və̀y, a wù wiy fo bàm. A dzə̀ wun woo shó wo wù‑uù yeʼemen e Jesus wùn é ghan se wùn áwune‑eè yikin, e jòʼsì, a dzər ji «Tàr, ku sùúy wír wo wù yíi kar menàŋ e wò bàm.»

Joon 21:24

A kù dzə̀ wan lìm Jesus woo shooy wo wù‑uù yenen vinyo vìn vidzə̀m, e sàŋ é ŋwàʼ fèn, a vèr kì ji kinyo ke wù fer kìn ki dzə̀ á ke ru kí.

Joon 21:7

Wan lìm Jesus wo wù‑uù koŋ e ŋàŋ və̀y nèn sùúy e Pita jii, «Wìr və̀sə dzə̀ Tàr wòsən.» Pita yú ji dzə̀ á Taàtá Jesus, a wù kì tàm ndzə̀y támén, e kù nèn màʼ kikúm, e lìy fó kikoŋ, e tò é ndzəv, a dù fo.