Á dzə́r bèy, é wun woo Fon nèn bìnèr jii, ‹Vèn‑eè yii vinyo vee shoon a dzə̀ áàfə́r vémé. Mo vèn‑eè yii aàfə́r vém víne, a ŋgaàŋ fə̀m dzə̀ ghéʼ é le, bo vèn‑eè yii a dzə̀ e mò.›
Á dzə́r bèy, é wù nèn bìnèr jii, ‹M suuy kinyo ke ru kí e vèn jii, kinyo ke vèn‑eè tenen fó yiì aàfə́r vém ve dzəə̀n aghéʼ víne, dzə̀ ji vèn‑eè tèn a dzə̀ fo mò.› »
Wón və́ lìme nèn kuùmé kinyo ke vé‑eè saŋen é Ŋwàʼ Nyùy ji wìr wùmòʼ‑oò lò sùúy e Nyùy a jii, «M kér shií fo wò lav e ŋàŋ, a wù baári e mǒ shiliv moo və́y.»
Wón və́ lìme nèn wìy sìíy sa, a kuumé kinyo ke wù‑uù màʼàn kin, a wù fəə́ ne fo kpu. Á nèn biìmé ji kinyo ke Jesus‑eè suuyin, a vé‑eè lo dìn sa e Ŋwàʼ Nyùy kìn, ki dzə̀ á rú.
Wù tàʼ, e yèn, e lì, wùn wun kfə́n é Antiyok. Áwune dzə̀ʼə̀m wùn à kintatì kee fó ki kiyá kifur, a yeʼéy wír aneénín. Kí nèn kèʼ a dzə̀ é Antiyok foo fèy, bo á wáa yòŋ aŋgàa biimé ji wír Kristu.
Aàŋgàa biimé veé Antiyoki‑iì yù ne fú Agabur rə̀y, e sìysì ji wìr dzə̀m suʼti á mbàm, aá sə́ afə́r vév ve á dzəə̀n é wòŋ woo Juda sho. Á lóo fo, wìr wàa fo a mo wù kérí.
M nén a suúy kém jii, a wìr fə̀m yí kifá ke yiín kí, kìn wù nó a dzə̀ ke noón kí, vèn kù a yiì vinyo vee shoon vidzə̀m ji wíri wáa yen, a burí a dzə̀ á Nyùy.
Ké wiíy woo ŋgaà lum ki nén a dzə jii, wù kú a dzə a wùn lum və, e meé e ghan sé kpu. A kí kòóy ji lum və kpú, bo dzə̀ wù nə̀ə́ e lùmèn wo wù kòŋěn lav, a bèn dzə̀ wír wo wù tíy sa e Tàr wòsən Jesus kinyò.
Vèn lóo yiì vinyo ve vèn yii vidzə̀m, kìn dzə̀ ve vèn suuy suùyín, vèn kù a yiì e Tàr wòsən Jesus Kristu yir, a beè wun, a beèrì Nyùy woo Tàr wov wo wù tatin vèn áwune.
Kee kùm dzəʼə̀m yeé lav, kí nén a dzə jii, wìr dzə̀m kú a ghvəm nsər see kùm wiíy wùn lum, é la wiíy kìn lúm yòʼ fəə̀, e dù, a tàʼ wír wo sən. Vèn wáa kiíy ji Nyùy wíy màʼ ŋgeʼ e wír ve á yii vinyo ve kisaŋ vi, bívir nsaàlav sho.
