Joon 2:16 - ŊWÀʼ NYÙY

¹⁶ Wù kfə́n a kàntì wír ve vé‑eè fiinè vibìŋ jii, «Vèn shaʼar vifá vìn bèn, e fəə̀ shó. Lá vèn yòʼ bìnèr lav Tàr wor ji kirə́ʼ ké way.»

Joon 2:16 Iomraidhean Croise

Jeremia 7:11

A dzə̀ lav yee fo á cu mo kfə̀n ji mbvə̀ʼ yen ashòŋ a? Vèn wáa kiíy jii, mómò kitú kém, m yèn ne. Suuy mo woo Nyùy Tàr.

Matio 21:12

Jesus dù bèy, e tòsín, e dù e lav ye á cu Nyùy sho, a jùm vé wayí fó fo adzə̀m, kìn dzə̀ ve vé‑eè fiinè, kìn ve vé‑eè yún yunén, a bàʼtì visə́r ve wìr ve vé‑eè kúvsin mbàm, yí séʼ, e kfə̀n a bvəə́r antaʼ wìr ve vé‑eè fiinè vibìŋ.

Matio 21:13

A wù jum bèy, suuy jii, «Vé‑eè sàŋ é Ŋwàʼ Nyùy ji Nyùy suuy a jii, ‹Á wíy a yòŋ lav yem ji lav bùnrì.› A vèn bìnèr ne ji mbvə̀ʼ ashòŋ.»

Matio 22:5

«Á nèn lò, a ŋway ŋwayín. Wìr wáa dù e wùn sum, wùmòʼ wáa jùm wáy və́.

Maak 11:17

Wù jùm, á mày, wù nèn a yeʼéy wíri jii, «Vé‑eè sàŋ ji Nyùy suuy a jii, ‹Á wíy a yòŋ lav yem ji lav bùnrì fo vitúm vi vidzə̀m.› Nyùy suúy bey, vèn nen bìnèr kén ji mbvə̀ʼ ashòŋ.»

Ŋwàʼ Luk 2:49

Wù nèn bìnèr jii, «Vèn kì taʼ mo táʼan ji ka? Bó vèn yòʼ kì ji m kù kér fó a dzə e Tàr wór lav fèn à?»

Joon 10:29

Tàr wor wo wù wayin áwune e mǒ kiwo shaà wir dzə̀m, a bó wìr yòʼ dzə̀ shó wo dzə̀ wù faàsì kifá fo Tàr wór kiwo,

Joon 2:15

Wù nèn tàʼ kfəə̀, e sə̀ə́y ji ŋgwàn, a wiv wír vìy sho, a tatí wùn aànàʼa, aànjìi, a jùm fo lav cù fèy, a bàʼtì visə́r ve wìr ve vé‑eè kúvsin mbàm, mbàm sév sí wáa taʼrí fo nsay.

Joon 20:17

Jesus suúy shó jii, «Lá à yòʼ a ghar mo, bìʼ fo m yóʼ ne kfə̀n fo Tàr wór wùn. Ku dù duùn, e tiìsí aàfə́r vémé ji m sí kóʼ, e yen a Tàr wor wo dzəə̀n sá Tàr wov. Dzə̀ Nyùy wom, a kfə̀n dzə̀ sá wóov.»

Joon 5:17

Jesus nèn lò, e tòʼ lám aáwune jii, «Bó Tàr wor yòʼ yii meemè lim, a bó yòʼ dzə̀ sá, m meèmè.»

Joon 8:49

Wù bìnèr jii, «Bó m yòʼ yii shém ŋgoo anyùy. Kinyo ke m yii ki dzə̀ ji yír Tàr worí wáa dù. Vèn shoor mo shoórín.

1 Timoti 6:5

Aáwune táŋnin bèy, a dzə̀ bìʼ fo wìr yòʼ dzəə́ kér shilív she juŋ shi wùn wùmòʼ, a bó wìr yòʼ dzəə́ yéʼey áwune sá kinyo ke dzəə̀n ke ru kí. Á lò ne, a yeʼéy vinyo jeéy jeéy mo kinyo ke Nyùy ki dzə̀ á dzəə wày yìmòʼ bey, ye dzə̀ wìr kùʼ fó fo.

2 Pita 2:3

Mo wír vìne kù taʼ a dzə̀ mbàm, á lo, aá nèn taà vinyo vinín, a boʼtí ven shó ji á fíʼ koóy. A Nyùy kù‑uù shòv ne áwune fó ŋgùʼ, e bàʼtí lòn wo áwune wíy nəə́ sho.