Joon 2:10 - ŊWÀʼ NYÙY

¹⁰ e sùúy sho jii, «Wìr yii kaʼ kinyo, wù tòmbìy fə̀ə́r meluʼ me juŋ mè, wíri nó, yú, bo wù fó mee fó tèr. Kì yiì ka, bo à bávtí meluʼ me juŋ mè, a fəə́r a dzə̀ lèn?»

Joon 2:10 Iomraidhean Croise

Kèʼlo 43:34

Á kù‑uù jav viyíkìr, a ví tíy a dzə̀ e Joosev si. Á meé e Benjamin wùn, e wày və́, ví kúʼ, e shaà vé ámóʼó virə́ʼ vitàn. Áwune yíkír wùn à Joosev, e kfə̀n nò, wún wóví bòŋ, á wáa wàrkìr.

Nsùyrì Nyùy 104:15

a koóy meluʼ mé a no, é wúné wáa tekír, a koóy meŋgvə́r mé a sòr, é síi wáa yaané, a koóy vifá vé a yi, é wúné fíʼ a dzə kitávín.

Yòv Viŋgér 5:1

Shilìv shem, yeè lav wòm, m nə̀ə́ ne e mǒ kiboo, a m sí kéŋ vikwiíy ve rəʼtìn ví. M sí kéŋ *nard wom, kéŋ *mer. M sí lá vilu vém ve ví koon shuu wóm, nyoóŋe gham, a m sí nó meluʼ mem, nyóŋ vín yém. Kweʼfèné, vé kikòŋnìne, vèn ku yì kikoŋnìn kén kí, e yù. Vèn ku nò kikoŋnìn kìn e njà melùʼ, e shaàsìn.

Matio 24:49

wù keʼ, a ndzən aŋgàa lìm ámóʼó ndzə́nén, a ghan, a sèv, a yi, a nonín wùn aàmfoòkìnoó,

Ŋwàʼ Luk 12:45

Yii bèy, wánlè lo, a yen ji tàr wov ndzə̀y ne, a bó wù yòʼ dzəə́ wìy tav, e wìy, wù keʼ, a ndzən wón lìm vee vikìy wùn à vee vilume ndzə́nén, a yikír yikín, a no meluʼ, a baa,

Ŋwàʼ Luk 16:25

«Abraham bìnèr kfə́ jii, ‹Wan wom, kuúmé ghán se wò‑oò dzəə̀n e tin si. Wò‑oò sí kér vifá vé ve juŋ vi vidzə̀m, a Laasaror yén kfə́ a dzə̀ ŋgeʼ. Lèn və̀n, sí yú Laasaror vijuŋ, aà yén ŋgeʼ.

Lim Aŋgàa Ntum 2:15

Mo dzə̀ə́ lèn shúy bvə̀ʼə̀ kijàvndzə, bó wír vìne yóʼ ne nò kifá, mo vèn kwaʼtì.

1 Korin 11:21

A m suuy bèn, bìʼ fo m yú jii, vèn tárnin, tiir vifá ve yi, wìr kù nèn tò, a yi və́. Ámóʼó nèn gòʼ e jìŋ, aámóʼó kì nò ne, a baa baán.

Efesor 5:18

Lá vèn yòʼ a yu a dzə̀ fó melùʼ me noón mè, bìʼ fo dzə̀ mè kù wày ven a dzə̀ é kinyò ke bi kí. Vèn kú a yu kén a dzə̀ fo Kiyoy ke Ranén kí, é kí rún e věn meliv.

1 Tesalonika 5:7

Wíri yii buúne a dzə̀ vitsə́ʼ, nó meluʼ, baá, a dzə̀ vitsə́ʼ.

Ŋgaà Yen 17:2

aàfon veé kitu ke nsay adzə̀me báʼti, a wùn à sàkì woo shooy yii liì kisaŋ. Wír veé nsay adzə̀me wáa no sa meluʼ mvə me dzəə̀n liì kisaŋ woo shooy, a baakír.»

Ŋgaà Yen 17:6

M yén, a wiíy və̀y baá mo koò meluʼ, a koó mensə́ me wìr Nyùy ve wù‑uù rə́si yúyri, a mè shaa e si wo, bìʼ fo á kù‑uù tíy kév a dzə̀ wùn à Jesus. M ku nèn a leéy wiíy və̀y bèy, a jaáy.