Joon 2:1 - ŊWÀʼ NYÙY

¹ Kishiíy kí shaà, ndzə bvəə́shí, e ràn, á wáa ker vijín é ntèʼ yee Kaana e Galeli foo fèy, yìy à Jesus dù fo,

Joon 2:1 Iomraidhean Croise

Ŋgàn 18:22

Wìr wáy wiíy e lav, bo wù yiì kinyo ke juŋ ki, Nyùy Tàr kfə̀n a leéy wun, a kòŋ.

Ŋgàn 19:14

Láʼ wùn à vikuʼùy ví dzə̀ vitsə́ʼ ve atàrí lem e wóné, a kù fó Nyùy Tàr wiíy woo fií.

Matio 12:46

Kù mo Jesus dzəə́ súŋnin e wír vìyi bey, a wùn áwune dzə́ e lav, yè wov wùn aàfə́r vəə́ nèn wìy, e tìím fo ndzə, a suúy jii, áwune taʼ, e yen Jesus, é wùn áwune wàá súŋnín.

Joon 1:29

Yì rán kibvəə́shí, Joon yén Jesus, a wù wiyì, e nèn a dìn e wíri jii, «Vèn yén wír wo wù mán vinyo ve wír veé ndzə adzə̀me jáyí. Wù dzə̀ moo wan njiì wo Nyùy seé, e taŋrí wíri shó.

Joon 1:35

Kfən wìy lòo dzə kibvəə́shí kímóʼ kí, a Joon tíy e kirə̀ʼ wùn à wón və́ lìme abaà,

Joon 1:43

Ndzə kfən bvəə̀shí, e ràn é kishiíy kímóʼ kí, Jesus nèn wày ji wun du a e mbìv wòŋ yee Galeli. Wù lòo dù, e yèn wír wùmòʼ, aá yoŋ ji Filiv, e sùúy sho jii, «Wìyi, é wòsò wáa ghan.»

Joon 2:11

Jesus‑eè yiì kinyo kìn e Kaana woó Galeli foo fèy, a dzə̀ kiŋgaʼnìn ke kinyò ke mbìy ki ke wù‑uù dìnèn, wíri wáa yen vitaáví ve Nyùy foon shó. Mo wón və́ lìme yenen, e nèn màysì, e wày shilív é wùn wó.

Joon 21:2

wón lìm Jesus ámóʼó‑oò dzə́ fo, aá dzə̀ jii, Simon Pita, wùn à Tomar wo vé‑eè yoŋ sa ji Wóné, à Nataniar wo dzəə̀n wír woó Kaana e wòŋ Galeli foo fèy, à wón Sebedi vee abàá, wùn à wón lìm Jesus ámóʼó sá abaà.

Joon 4:46

Wù kfən ghàn, e dù, e mèé e ntèʼ yee Kaana fo wù‑uù bìnèrìn mendzə́v é melùʼ e Galeli foo fèy. Wáa dzə e ghan see shooy, a wìr wo kuʼùn wùmòʼ dzə̀ é ntèʼ yee Kapeenahum, a wan və woo lumèn joy e ŋàŋ.

Hibru 13:4

Kee kùm dzəʼə̀m yeé lav, kí nén a dzə jii, wìr dzə̀m kú a ghvəm nsər see kùm wiíy wùn lum, é la wiíy kìn lúm yòʼ fəə̀, e dù, a tàʼ wír wo sən. Vèn wáa kiíy ji Nyùy wíy màʼ ŋgeʼ e wír ve á yii vinyo ve kisaŋ vi, bívir nsaàlav sho.

Joshua 19:28

e shaà Ebron, e shaà Rehov, e shaà Hammon, e shaà Kana, e dù bàʼ e Sidon wo Wiy.