Joon 18:1 - ŊWÀʼ NYÙY

¹ Jesus bùnrì, e màysì, wùn à wón və́ lìme nèn lò, e dù, e tùmsín kiwoóy ké ndzəv ye á yoŋ ji Kidron, e nə̀ə́ e kày yímóʼó ye yí‑iì dzəə̀n fó.

Joon 18:1 Iomraidhean Croise

Kèʼlo 2:15

Nyùy Tàr nèn wày wír wo wù‑uù bomen və̀y e kiboo keé Eden fèy ji wù wáa lìm, a leéy a fo fo.

Kèʼlo 3:23

Nyùy Tàr nèn jùm wun fo kiboo keé Eden ji wù du, a lìm nsay ye vé‑eè liìn, e bòm wun sho.

2 Samuel 15:23

Wír veé Jerusaleme yén mo Fòn Davir wùn à wír vəə́ shaa, e nèn a toŋnín kitávín. Fòn Davir wùn à wír vəə́ nèn lìysín Kiwoóy ké Kidron, a dù e dzəə yeé woʼ.

1 Afòn 15:13

Wù tsə́ʼ sá Maaka woo yè wov fó ntaʼ yaà yeèfòn, bìʼ wúr nyùy woo *Ashera ye wù‑uù fèrìn, a dzə̀ kifá ke koʼoyín kí. Wù gwàtì wúr yee shooy, e tòn e kiwoóy ké Kidron.

1 Afòn 2:37

Aà wìy lìysín Kiwoóy ké Kidron, à nèn a kiíy ji à kù sì á ŋkfə e kishiíy fóo fèy, bo kù tàʼ wò kpú yé e wó yée.»

2 Afòn 23:12

Fòn Josia kfə̀n‑eè kètì kíy se cù se afon veé Judàa‑aà bomen é kikfəv ke lav yee fó yuv fo Fòn Ahas‑iì shiiyì, e kfə̀n kètì sa kíy se cù se Fòn Manasse‑eè bomen é maàndzə see sibaà see Nyùy Tǎr lav. Wù kètì bèy, e bvə̀ʼtí, e màʼày vimbvə́ʼ e Kiwoóy ké Kidron.

2 Afòn 23:4

Fòn Josia nèn fò sáʼ e Hilkia woo taà cù wo kuʼùn wùn aàtàá cù ve á tóm wune, aànshìy ve á tíy e shuù se lav cùu ji á fə́tí á vifá ve anyùy vidzə̀m fo Nyùy Tǎr lav. Á fə́tí á vifá ve á lóo cù nyùy woo *Baal, á wàa ker, e kfə̀n fə̀tí vé nyùy woo wiíy woo *Ashera, à ve á lóo cù vifá ve ví bán e yuv, á wàa ker vi. Á nèn fə̀tí vifá vee shooy. Fòn Josia tòn, aá fəə́ ne Jerusalem, e dù e kwaʼ e ghaa Kiwoóy ké Kidron. Á tòn fo bèy, fòn nèn yòŋ, á lì kibvə́, e dù sho e Betel.

2 Afòn 23:6

Wù fəə́r sá wúr nyùy woo Ashera fo Nyùy Tǎr lav, e dù sho e Kiwoóy ké Kidron, aá fəə́ ne Jerusalem, e tòn fo. Kifá ke kí‑iì gòʼòn là shwí, wù jò, e tàtí e kibvə, e nèn lì, e tàʼár e wírí vitu ve sày.

2 Wòŋ 15:16

Fòn Asa‑aà tsə̀ʼ sá Maaka woo yè wov fó ntaʼ yaà yeèfòn, bìʼ wúr nyùy woo *Ashera ye wù‑uù fèrìn, a dzə̀ kifá ke koʼoyín kí. Asa‑aà gwàtì wúr yee shooy, e tòn e Kiwoóy ké Kidron.

2 Wòŋ 29:16

Atàá cùu‑uù nə̀ə́ é lav cù, e fə̀ə́r kifá ke kí kér *kifàn kidzə̀m, e neèr e maàndzə yeé lav cù, wír veé ram Levìi kuúy, e dù sho e Kiwoóy ké Kidron.

2 Wòŋ 30:14

Á kèʼ vinyo, e nèn sàʼ kíy se cù wùn à sé kilay se sí‑iì dzəə̀n é Jerusalem si, e kùúy, e dù, e màʼày e Kiwoóy ké Kidron.

Nehemia 2:15

M nèn dù dzə́ə a dzə̀ fó Kiwoóy ké Kidron fo ròŋ, a kù dzə̀ə́ vitsə́ʼə́, a ghan, a leéy kay. M leéy, e siìr ŋkfənèr, e kfə̀n é Shùu Kày woo fó Mboʼ, e bóo wìy, e nəə́ e ŋkàlaʼ.

Jeremia 31:40

Kiwoóy ke á yii maʼày dzə́n sé wíri shó, kfə̀n sər sa kibvə́ sho, e lì súm seé bvə̀m gwan, e kèʼ fo Kiwoóy ké Kidron, e dù, e bàʼ e kor woó Shùu Kày Nyàm se Ŋkoʼ, e mbìv ye shùy yii tó fo foo, wíy a dzə kirə́ʼ kee jeéy kí kidzə̀m ji ké Nyùy Tàr. Bó á yòʼ kfə̀n dzəə́ wìy a tuŋ fó, aá yòʼ dzəə́ wìy bvəʼə́y.»

Cù 2:6

Wù ton, é wù nèn bvə̀ʼə́y, e cuùrì meŋgvə́r shó. Dzə̀ cu vifa ve yi.

Matio 26:30

Wùn à Jesus nèn yòv luŋ, e sùyrì Nyùy sho, e fəə̀, a koʼ e Gwan Vicì vé Oliv.

Matio 26:36

Wùn áwune dù, e nə̀ə́ e kày ye á yoŋ ji Gesemane, Jesus suúy jii, «Vèn dzəʼəm fen, é m tsəʼ wún, e dù, e bùnrì fèsə.»

Maak 14:26

Wùn à Jesus nèn yòv luŋ, e sùyrì Nyùy sho, e fəə̀, a koʼ e Gwan Vicì vé Oliv.

Maak 14:32

Wùn áwune dù, e nə̀ə́ e kày ye á yoŋ ji Gesemane, Jesus suúy jii, vèn dzəʼəm fen, é m du, e bùnrì.

Maak 14:42

Vèn nanen, é vèsən wáa dù, ŋgaà wom menàŋ sí wiyì.»

Joon 14:31

Màʼtì mo, bìʼ fo dzəə̀n mo Tàr wor‑iì suuyin ji m yii, é wír veé ndzə adzə̀me fíʼ yen ji m koŋ Tàr wor. Vèsən lo ri lèn, a dù.»

Joon 18:26

Kwǎn taà cù wo kuʼùn wúmóʼó‑oò tíy sa fo, a dzə̀ fər wìr wo Pita kì shoʼon kituʼùr və̀y. Wù nèn lò, e dzə̀r shó jii, «Bó m yoʼ lò yèn wò e mvə̀m kày fèy vèn wìr və̀sə à?»

Lim Aŋgàa Ntum 21:11

Wù wìy, e yèn ver, e lì kifám ké Por, e kùr kóy wun woo Agabur sho wùn à shwín vəə́, e sùúy jii, «Kiyoy ke Ranén kí suuy jii, á mo wír veé Judàa wíy kur ŋgaà kifàm kin bèn e Jerusalem, e way e wír ve bó yòʼ dzəə̀n veé Judàá wo.»