Joon 17:4 - ŊWÀʼ NYÙY

⁴ A mò‑oò lo màysì lim ye wò‑oò foon e mò e dzə̀m, e dìn e nsay fèn mo vikuʼùy vé vi dzəə̀n.

Joon 17:4 Iomraidhean Croise

Ŋwàʼ Luk 22:37

M suuy bèn, bìʼ fo kinyo ke vé‑eè saŋen é Ŋwàʼ Nyùy jii, ‹Vé‑eè tàtí wun wùn à vé jayi,› kí kù kér fó gheén e mǒ kitu lèn. Vèn wáa kiíy jii, vinyo ve vé‑eè saŋen bìʼ mo vidzə̀m vi waà sí gheenè.»

Joon 12:28

Wù nèn yòŋ jii, «Tàr, ku yiì, é wíri wáa ghvəm a dzə̀ yír yé.» Jì Nyùy nèn sùŋnín fo yuv jii, «M yiì ne, á wáa ghvəm, a m kfə̀n wíy yiì.»

Joon 14:13

Kí nén a dzə jii, a vèn lón ka fo Nyùy, lón a dzə̀ e mǒ yir, m kù nèn yiì kíwun, é wíri fíʼ a yen kinyo ke mo woo Wan Nyùy yii, a burí a dzə̀ Tàr wor.

Joon 14:31

Màʼtì mo, bìʼ fo dzəə̀n mo Tàr wor‑iì suuyin ji m yii, é wír veé ndzə adzə̀me fíʼ yen ji m koŋ Tàr wor. Vèsən lo ri lèn, a dù.»

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Joon 19:28

Jesus suúy vinyo vìn, e màysì, a wù kiíy ne ji wun màysì ne vinyo və́ lèn a vidzə̀m, wù nèn lò, e sùúy jii, «Kilòŋ kí yúm mo.» A wù suuy bèy ji kinyo kee shooy ke vé‑eè saŋen é Ŋwàʼ Nyùy ki fiʼ ghèén.

Joon 19:30

Jesus nyoóŋé, e sùúy jii, «Vinyo vém vidzə̀m vi mày ne», e nèn màʼ kitú kfə́, e shèm.

Joon 4:34

Jesus suúy jii, «Vém vee vifá ve yi vi dzə̀ ji m yii kinyo ke wìr wo wù tumen mo, e màysì lim ye wù foon e mò e dzə̀m.

Joon 5:36

«Kinyo kímóʼ kí nén a dzə sho, ke kí din mo m dzəə̀n, a kí shaà ké Joon. A kí dzə̀ jii, Tàr wor fò ne lim ye m wáa lìm. Vinyo ve m yii vìn vi nén a dìn ji tùm rú á Tàr wor mo.

Joon 9:3

Wù bìnèr jii, «Bó yòʼ dzə̀ ji lòné lò fo wìr və̀n, kìn fo tàr wov wùn yè wov. Vé‑eè dzə̀ə́, a sì mfìr bèn ji Nyùy fiʼ wìy dìn vitaáví və́ é wùn wó.

Lim Aŋgàa Ntum 20:24

Yii bèy, a bó m yòʼ yén kitú kém, a kí mee e kifa, e shaà ji m maysi lim ye Tàr wòsən Jesus‑eè wayin e mǒ kiwo ji m wáa fìʼtì sáʼka Nyùy wo juŋ, a naàrì mo wù bùʼùn wíri.

2 Timoti 4:7

M yiì ne yéem yee mbìv. M fùnèn ne e Nyùy kinyò feyì, e sò kinyeŋ ke mò‑oò nyéŋé, a tiy kitávín vèr Nyùy wo m wayin shilív é wùn wó.