Joon 16:8 - ŊWÀʼ NYÙY

⁸ Wù wíy wìy, é wù din e wír veé ndzə fène mo áwune jáy, e bó a meŋ kinyo ke dzəə̀n ke bi kí, a meŋ ke ru kí, e kfə̀n a meŋ lǒn vinyò ve bi ví.

Joon 16:8 Iomraidhean Croise

Cù 13:12

Yii bèy, a yàsí woó jùv wùn fəə̀, e laàkír e wìr wùn, taà cù yén, a wù laákír ne, e kèʼ fo kitu, e meé e wuù,

Sekariya 12:10

«M wíy yiì, é rám Davir wùn à wír veé Jerusaleme wáa ker shilív she bór shi, a rə̀m vitú vév. Kí wíy yiì, áwune lóo leéy mo wo vé‑eè sòvìn, aá wáa dìy, a dìy, mo dìy wír wo jòʼsho wan və shèsìn, a dìy, moo wír wo wan və mbìy shèsìn.

Joon 16:7

A m suuy ven kinyo ke ru kí jii, lo ye m lo rə̀ne dzə̀ vishí vén ve juŋ vi. A m dzə̀ là fóo dù, bo bó yòʼ dzə̀ Ŋgaà Sə wo m kì yoŋ və̀y wìy wìy fo vèn. Kù wíy dù mo, e bóo tsənsí.

Joon 16:9

Aá méŋ kinyo ke dzəə̀n ke bi kí, a dzə̀ bìʼ fo á tén fó biimé kém kee kinyo.

Joon 8:46

A bó yòʼ dzə̀ wìr fo vèn dìn kinyo ke mò‑oò yiìn ne jày. Mo m suuy a dzə̀ kinyo ke dzəə̀n ke ru kí, yiì ka, bo vèn tén fó biimé?

Joon 8:9

Mo á yuun kee shooy, e nèn kèʼ, a làykìr amòʼón amòʼón, e kèʼ fo ŋgày sé wìr si, nèn sìíy jòʼsì Jesus wùn wiíy və̀y, a wù kù tíy fo.

Lim Aŋgàa Ntum 2:37

Wír vìyi yú kinyo kìn, shilív shév shí seèm. Á dzə́r e Pita wùn aàŋgàa ntum Jesuse adzə̀m jii, «Afə̀r ver, a dzə̀ vèr yèe le lèn?»

1 Korin 14:24

Ŋgaàŋ wáa nəə́, a wìr dzə̀m fiʼtì a dzə̀ kinyo ke wù yú fo Nyùy, bo wù yií yu kinyo ke vèn suuy kidzə̀m, é kí nəə́ e wùn shiliv, a saʼ wun fo wùn vinyò ve bi ví.

Ŋwàʼ Jud 1:15

e tinén nsaʼ wìr dzə̀m, e màʼ ŋgeʼ e wír ve á méŋ wune adzə̀m. Wù wíy saʼ wíri fó vinyò ve á méŋ wun, buʼtì vidzə̀m, e kfə̀n saʼ sa fo liy se vé‑eè rə́si kuurì wun sho.»