Joon 16:5 - ŊWÀʼ NYÙY

⁵ Wáa dzə lèn, a m sí kfə́n fo wìr wo wù‑uù tumen mó wùn. Mo m sí du, wìr fo vèn yòʼ fə̀m dzə́r fo m du.

Joon 16:5 Iomraidhean Croise

Joon 13:3

Jesus wáa dzə, a wù kì kijuŋ ji Tàr wov wày ne vinyo vidzə̀m a dzə̀ e wùn kiwo, a wun‑eè lò fo Nyùy, a wun sí kfə́n a dzə̀ fó,

Joon 13:36

Simon Pita nèn sàyín jii, «Tàr, à du a dzə̀ feé?» Jesus bìnèr jii, «M du e kirə̀ʼ, a bó yòʼ dzə̀ à wìy fó lèn. À wíy siíy, e jùmrì mo a dzə̀ é ghan sé bàm sí.»

Joon 14:28

Vèn lo yù, a m suuy jii, m sí du, a m kfə̀n wíy kfən, a dzə vèsən. A vèn kì koŋ mo rú, bo vèn kì shéʼri shèʼrín mo m kfə́n a dzə̀ fo Tàr wor wo wù kér mó wùn.

Joon 16:10

Mo m kù yòʼ sí kfə́n fo Tàr wór wùn, é la vèn yòʼ dzəə wìy a yen mo réŋréŋ mo mò‑oò suuyì, kí nén a dìn ji á méŋ sa kinyo ke dzəə̀n ke ru kí.

Joon 16:16

«Bèr shishàr, é la vèn yòʼ dzəə wìy yèn mo. Shintàm shi lóo dàtìr, é vèn kfən yèn mo.»

Joon 16:17

Wón və́ lìm ámóʼó nèn a ghaynín jii, «Ke wù suuy bèn ki dzə̀ ji ka? Wù suuy ji wun sí lo, a kfən fo Tàr wov, a bèr shishàr, é la vèsən yòʼ dzəə wìy yèn wun, shintàm shi lóo dàtìr, aá kfən yèn á wun.

Joon 16:28

Mo mò‑oò loòn fo Tàr wor, e bóo wìy e ndzə fèn, m kfə̀n sí lo fo ndzə fèn, e kfən fo Tàr wór wùn.»

Joon 17:13

«Mo m sí kfə́n fo wò wùn lèn, m nén a lon vinyo vìn vidzə̀m, a m dzə̀ə́ e ndzə fèn, é kishéʼrì ke m yii kér e mǒ shiliv kí maysi, e rùn sá aáwuné meliv.

Joon 17:4

A mò‑oò lo màysì lim ye wò‑oò foon e mò e dzə̀m, e dìn e nsay fèn mo vikuʼùy vé vi dzəə̀n.

Joon 6:62

Bo ŋgaàŋ wo yírí dzəə̀n *Wanwìr wíy kfən fo wù‑uù wìyìn, é vèn yée le?

Joon 7:33

Jesus nèn a suúy e wíri jii, «M dzəə́ yìi ndzə̀ytì vèsən fen shishàr, e nèn a kfən fo ŋgaà wo wù‑uù tumen mó wùn,

Hibru 1:3

Wù dzə̀ ji kikúv ke wun woo Nyùy, a dzə kinyo kidzə̀m ji Nyùy, njaʼkìr réŋréŋ moo Nyùy. A dzə̀ wun wo wù kér ndzə e dzə̀m e wùn kiwo, súŋnin, bo yì wáa ker vitaáví, a lìm mo yì limè. Nén a dzə wun wo wù‑uù manen vinyo ve wìr veé ndzə ji á fíʼ ran fo áwuné ajay. Wù màysì, e nèn kòʼ é yuv, e dzə̀ʼə̀m e Nyùy woo Taà Vitu ghaŋ.

Hibru 12:2

a leéy a dzə̀ fó mbìy fo vèsən du, e jòʼsì, a dzə̀ e Jesus wùn. Dzə̀ wun wo wù yiìn, vèsən wáa way shilív e Nyùy wùn, a kù wíy lì wun vèsən, e way e Nyùy kiwo ŋkuuŋkùŋ. Wù‑uù dzə̀ é nsay fèn, e biìmé ji wun ku yiì mo Nyùy sìysìn, e kpù é kintam moo ŋgaà jay, e làa yòʼ a ci woómé se sí dzəə̀n é kfəə kpu foo fèy. Wù‑uù leey kfə́ a dzə̀ vijuŋ ve ví dzəə̀n fó mbìy. Wù nén a dzə lèn e yuv, a dzə e Nyùy ghaa kàvàʼ, e koy yìyí.