Joon 16:4 - ŊWÀʼ NYÙY

⁴ M sùúy ne vinyo vìn e vèn lèn ji ví wíy lóo koóy, é vèn nèn a kuumé ji mò‑oò ló a suúy e vèn fó ghan. «A bó m yòʼ‑oò lo tàv, a suúy vinyo vìn e vèn, bìʼ fo kù‑uù rə́si dzə́ vèsən.

Joon 16:4 Iomraidhean Croise

Matio 10:7

Kinyo ke vèn wáa ghan, a fìʼtì ki dzə̀ jii, ‹Ghán se Nyùy sí lo, a saʼ vifon və́ sí sì á fo mentsə̀m.›

Matio 24:25

Mo m suuyin ne kinyo lèn, é bo kí wìy a koóy, vèn səəm kijuŋ.

Matio 9:15

Jesus bìnèr jii, «Vèn kwaʼ ji dzə̀ wíri dù vijín, wùn à lùm jìn wàa dzə, á kfə̀n a ser e vifù á? Yii bèy, vèn wáa kiíy jii, ghán sí wíy gheén, á faasì lum jìn və̀n fo vé vijiné, aáwune nèn a dìy, a lèm jíŋ.

Maak 13:23

Mo m sí suuy vinyo vìn vidzə̀m e vèn lèn, é bo ví wìy a koóy, vèn wáa yen rì fo wìr wìy jày dzə́ə.

Maak 2:19

Jesus bìnèr jii, «A dzə̀ wíri dù vijín, wùn à lum jìn wáa dzə, á kfə̀n a leʼ vifá ve yi à? Aá dzə̀ wùn à lum jìn, bo bó yòʼ dzə̀ á kfə̀n a lèm jíŋ.

Ŋwàʼ Luk 1:2

réŋréŋ mo vé‑eè yú fo wír ve vé‑eè yenen vinyo vee shooy e sí yéví mo ví‑iì kèʼèn, a koóy, e dù, e jòʼsì, e bóo siíy, a tiisí ntum kinyò kee shooy.

Joon 13:19

M nén a suúy kinyo kìn e vèn lèn bèn, é bo kí yiì a koóy. Kí yií kooyì, é vèn fiʼ biìmé ji dzə̀ rú mo wo dzəə̀n mo.

Joon 14:29

M sùúy ne e vèn lèn, é bo kí wìy a koóy, kí wíy kooyì, é vèn wáy shilív e mǒ wùn.

Lim Aŋgàa Ntum 9:16

A m wíy dìn sho mo wù kér fó wìy yen ŋgeʼ bìʼ mo.»

2 Tesalonika 2:5

Mò‑oò ló a suúy vinyo vìn e vèn é ghan se vèsən‑eè dzəə̀n. Mo bó vèn yòʼ dzəə́ kuúme a?

2 Pita 1:14

bìʼ fo m kiìn ji vishiíy vém ví kù bèr ne vishàr, é m maʼti wún woó nsay və̀n mo Taàtá wòsən Jesus Kristu‑uù toʼon e mò.