Joon 16:3 - ŊWÀʼ NYÙY

³ Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Joon 16:3 Iomraidhean Croise

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

Joon 15:21

Kù dzə̀ mo wír veé ndzə fèn vìne kù wíy a lovtí e vèn ve á tíy e mǒ kinyò bèy, bìʼ fo bó á yòʼ kiìn wír wo wù‑uù tumen mo é ndzə fèn.

Joon 15:23

Wír wo wù ban mo dzə̀ wo wù ban sa Tàr wor.

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Joon 8:19

Á ku nèn sàyín jii, «Tàr won wo à yoŋ və̀n dzə̀ feé?» Jesus bìnèr jii, «Vèn yòʼ kì mo m dzəə̀n, a bó vèn yòʼ kì sá Tàr wor. A vèn kì kì mo m dzəə̀n, vèn nèn kìíy sa Tàr wor.»

Joon 8:55

Yii bèy, a bó vèn yòʼ kì wun gheéy. Kù kì mo. A m lò, a shaʼnín ji bó m yòʼ kì, bo m dzə̀ ŋgaà kimboʼtì sa moo ven. M kì wun feyì, a m yú kinyo kfə́, lemè.

Lim Aŋgàa Ntum 3:17

«Á bèy lèn, afə̀r vem, m kì ji kinyo ke vèn aàtǎr wòŋ véné‑eè tatin, e yiì e Jesus ki dzə̀, a bó á yòʼ‑oò kì kinyo ke vé‑eè yii.

1 Korin 2:8

A bó wír ve á sáʼ ndzə yee lèn rə̀ne yòʼ‑oò lo kìíy sa kinyo kee shooy. A vé‑eè bóo kiíy, bo bó á yòʼ‑oò lo kùm Taàtá Jesus e kici, a tíy wun vitú ve saʼ e dzə̀m.

2 Tesalonika 1:8

A Jesus wíy wìy a dzə̀ é mvə̀m kiliìmé ke və̀y, e nèn màʼ ŋgeʼ e wír ve á méŋ Nyùyi, e kfə̀n màʼ e wír ve á tenen sáʼka Nyùy wo juŋ woo kùm wun woo Taàtá wòsən Jesuse.

1 Timoti 1:13

Mo m fə̀m‑eè dzə́ fo mbìy, suuy vinyo ve kisaŋ vi é bàm wó, kuurì wun, ron wuú wìr və́, wù ku yòʼ lì mo é lìm fèn. A wù‑uù shám mo, bìʼ fo mò‑oò yii vinyo vìn, a bó m yóʼ ne kìíy wír wo dzəə̀n Kristu, e làa yòʼ a kiíy ji m jáy a jayín.

1 Joon 2:23

A wìr káy Wan Nyùy, bo ŋgaàŋ káy sa Nyùy. Wìr wáa yu Wan Nyùy, bo wù yú sa Nyùy.

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

1 Joon 4:8

Yii bèy, wìr wo bó wù yòʼ koŋ fə́r və yòʼ kì Nyùy gheéy, bìʼ fo liì Nyùy dzəə̀n ji wù koŋ á wíri.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.