Joon 16:2 - ŊWÀʼ NYÙY

² Á wíy siíy, a jùm jùm ven fó vintatì veé ŋgày se bùnrì. Ghán sí sí gheenè, wìr wíy yuyrí wír fo vèn, é wù wáa kwàʼ ji wun yiì a dzə̀ lim ye juŋe fo Nyùy.

Joon 16:2 Iomraidhean Croise

Aysaya 65:5

Áwune yii bèy, lo, á kfə̀n a nyàysì wír ámóʼó, a suuy jii, ‹Á yen fóo kùm mo, e lor mo. Lá à yòʼ kùm mo, à yoʼ ràn, m dzə̀ kém là shilóm.› Vinyo ve á yii vi tínsin mo, kù moo kindzə́ʼ ke kí ndzə́ʼ, nəə e wìr yuy. Áwune dzə̀ ji və́y wo wú baári ghán sidzə̀m, dzəmèr kindzə́ʼ.

Aysaya 66:5

Vèn yuúrí kinyo ke Nyùy Tàr suuy ki, ven ve á kér shií ji á yuúrí jí Nyùy Tàr, fan fó lì fo tèr. Wù suuy e vèn jii, «Afə́r vén veé Isray ámóʼó ban ven, méŋ ven, bìʼ fo vèn yoy, tiir a dzə̀ e mǒ wùn. Áwune té lám jii, ‹Nyùy din ri vikuʼùy və́, e bòyìr ven, é vèr yén mo vèn shéʼri.› Áwune té lám bey, a dzə̀ áwune ve m yíi yiì, aá wáa woomé.

Daniel 11:33

Vilìmbìy vee afií ve ví dzəə̀n aáwuné mvəm ví wíy mvə̀ʼtì vifií vé wíri. Aá ku nèn a nyàvrì aáwune vee vilìmbìy vìn fo ghan símóʼ sí, a seerí ámóʼó, a tòn ámóʼó tónen, a koorí ámóʼó, e kfə̀n a kuúy vifá vév.

Matio 10:28

Lá vèn yòʼ a fàn wír ve dzə̀ á yùyrí ven a dzə̀ fó wùn cáʼcáʼ, a bó yòʼ dzə̀ á kùm kiyóy kén. Wìr wo dzə̀ vèn wàa fàn dzə̀ Nyùy wo dzə̀ wù tàtí wún wùn à kiyoy ke wìr ki, e laàr e və̀y.

Matio 24:9

«Wíy lòo dzə̀ e ghan fóo fèy, aá wáa koorí ven, a nyàvrì sho, a yuyrí ámóʼó. Wìr msòŋ e dzə̀m wíy a bàn ven, bìʼ fo vèn dzəə̀n wír vém.

Ŋwàʼ Luk 6:22

«Vèn lóo jùmrì ŋgaà wo yírí dzəə̀n *Wanwìr, wíri lóo bàn ven, lóo jùmjùm, lóo kuùrì ven, lóo yòŋ ven e yír se bi sí, bo bòŋ vishí vén.

Joon 12:42

Mo wíri fə̀m‑eè méŋ Jesus, ámóʼó ku yòʼ a way shilív é wùn wó, à vé wòŋ ámóʼó anín. Yii bèy, a bó yòʼ‑oò dzə̀ wìr wàa dìn e ŋgèŋgèr, bìʼ fo vé‑eè fan wír veé mbìv *Farasi, kfə̀n fan fo á jum áwune fó kintatì keé ŋgày se bùnrì.

Joon 16:25

«Mò‑oò rə́si fer vinyo e vèn a dzə̀ é ŋgàn, a ghán se m wíy a fèr tìítiy, a fìʼ kiránén mo Tàr wor dzəə̀n sí sí gheenè.

Joon 16:32

Vèn wáa kiíy jii, ghán sí yíi gheén, a sí sì é kiwo, é vèn táʼrí adzə̀m, e kfə̀n e věn melaʼ, e màʼtì mo vèr mòʼón. Yii bèy, a bó m yòʼ yii dzə́ vèr mòʼón, kù yii dzə́ vèr Tàr wor.

Joon 4:21

Jesus yòŋ jii, «Yaà, yuúrí kinyo ke m suuy ki. Ghán sí sí gheenè se bó á yòʼ dzəə́ wìy a nyàʼ fo dzə̀ á wáa bùnrì Nyùy, kìn dzə̀ é gwan fèn, kìn dzə̀ é Jerusalem.

Joon 4:23

Yii bèy, ghán se wíri wíy a bùnrì Nyùy e dzəə yee réŋ virə́ʼ vidzə̀m si sí wiyì, a sí sì é kiwo. Aáwune wíy a yu a dzə̀ fo Kiyoy ke Nyùy ki, e bó a bùnrì Nyùy e dzəə yee rú. Á mo Nyùy koŋ ji wíri wáa bùnrì wun.

Joon 9:22

Aá ndzə́v lám bey, a vé‑eè fan a dzə̀ vé wòŋe, bìʼ fo vé‑eè sìysìn ne jii, a wìr bìnsí ji Jesus dzə̀ *Mfə̀ə́r wo Nyùy‑iì kàʼàn, á jùm á ŋgaàŋ fo kintatì keé ŋgày bùnrì.

Joon 9:34

Á nèn a kuùrì kuùrìn jii, «À dzə́, a vé‑eè dzə̀ə́ wò e kikun ké lòn kí, aà taʼ ji à yéʼéy ver a?» Á nèn jùm fo kintatì keé ŋgày bùnrì.

Lim Aŋgàa Ntum 5:33

Vé wòŋe yú kinyo kìy, wún wóví kìn, á wáa tàʼ, e yuyrí áwune.

Lim Aŋgàa Ntum 7:56

Tefan nèn sàsìn jii, «Vèn leéy, e yèn, m yén yúv e rə́, a ŋgaà wo yírí dzəə̀n *Wanwìr tíy e Nyùy koy yìyí.»

1 Korin 4:13

Á lóo lor kinyo e věr wùn, vèr kù a bìnèr ji weè. Wìr dzə̀m kù leey ver e meé lèn moo viŋgà ve á maʼày e ròŋ. Vèr dzə̀ kér ji afə̀ʼdzə́n fo wír veé wòŋe adzə̀m.

Filipi 3:6

A mò‑oò lo wày kitávín féyì, a tom mbìv yee shooy, a nyàvrì e wír Kristùu ji á bívir a Nsər Mooser. Fo mbìv fóo fèy, mò‑oò ló a tiy réŋréŋ vèr à Nsər Mooser, a dzə là nsem.

Ŋgaà Yen 6:9

Wàn Njiì nèn bày kiláy ke kí meen ji tàn. M yén viyoy ve wìr Nyùy ve vé‑eè rə́si yúyri, bìʼ fo vé‑eè fiʼtì kinyo ke Nyùy, tíy feyì ji kù dzə̀ á wùn à Nyùy. A viyoy vee shooy vi néŋ e ghaa kiy cù,

Atǎr Nsaʼ 6:30

Wír veé ŋkàlaʼa nèn wìy, e ghàr Joash jii, «Fəə́r wan wò cér, é vèr yúyrí. Wù kèr ne kíy cù Baal, e kfə̀n gwàtì wúr Ashera wo wú tíy e ghaŋ wo.»