Joon 15:2 - ŊWÀʼ NYÙY

² Wù yén tám wo bó wú yòʼ koomè, wù faà woo shooy. Lóo dzə wo wú koomè, wù nèn nàŋsín, e sə̀r ji wú fíʼ a koóm kijuŋ.

Joon 15:2 Iomraidhean Croise

Ŋwàʼ Jov 17:9

Yii bèy, wìr wo wù yúnin Nyùy kù yòʼ wíy a tiy a dzə̀ e wun mbòv, é wo wù yòʼ wáy kiwó e kinyò ke bi kí wáa kuy kuyín e wun liì.

Nsùyrì Nyùy 92:14

Kí wíy lòo dzə̀n, é kí kú a koóm koomén, a ker mendzə́v é ŋàŋ, a səəné ji lìŋ.

Ŋgàn 4:18

Liì wìr wo wù yúnin Nyùy dzə̀ moo ndzə ye yì ráné, yì kù a ran, a dù duùn fó mbìy, a kàʼày wíri.

Aysaya 27:9

Rám Jakovi‑iì du bèy ji á fiʼ làʼ njò ye á kér wùn à Nyùy. Nyùy Tàr wíy lòo jì ji wù wáa sù njò yev ŋkuuŋkùŋ, aáwune ku nèn bvə̀ʼə́y sə́y se kiy cù anyùy kisaŋe, e gwàtì wúr sé nyùy woo *Ashera, e kètì virə́ʼ ve á ton kiláy, yii cu sho, a bó kfəʼ kifa feyì yòʼ wíy gòʼ, a tiy.

Aysaya 29:19

Nyùy Tàr wíy yiì, é wír ve vé‑eè nyavrì aáwuneé kfə́n, a sheʼrí, e yiì, é vé kitàne wáa yu vijuŋ, bìʼ Ŋgaà wo Ranén woó Isray.

Daniel 11:35

Á wíy a dzə̀ wuú vilìmbìy vee afií vin, a kí wíy shèŋrì wír Nyùy, e ranér, e yiì, aá wáa dzə là shilóm, e meé mo ghán se Nyùy lèmèn sí wíy gheén.

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

Malakay 3:3

Wù wíy wìy, e shèŋrì rám Levi mo taà kilàm shèŋrì kisha ke fəvír kí e və́yí. Rúrú, wù wíy a shèŋrì áwune mo á shèŋrì *kisha ke mbàm ke baar wùn à ke fəvír kí, e dù meé mo áwune wíy yiì cu yee réŋé e mò woo Nyùy Tàr.

Matio 13:12

A kí dzə̀ jii, wìr wo wù kér kifá, á yíi dzə̀sì, é kí kuʼ, e shaà mo kí dzəə̀n. Wìr wo wù buŋen, á yíi màysì shishàr she wù kérí, e ger gerín.

Matio 13:33

Wù kfən yòv yìmòʼ yee ŋgàn sa jii, «Sáʼ Nyùyi kfə̀n dzə̀ moo *nyaà wo wiíy fìʼìn meŋkfəŋ vighín vitaár, e wày nyaà woo shooy sho, e tòv, e tìír. Wù nen sìíy, e ghànén e mvə̀m meŋkfə̀ŋ fèy medzə̀m.»

Matio 15:13

Jesus bìnèr jii, «A dzə̀ kifá, a bó yòʼ‑oò bìy Tàr wor wo wù dzəə̀n é yuv, bo á kù kér fó wìy dzə̀n kidzə̀m, à gháŋé shó.

Matio 21:19

Wù yén kicí ké *fig e ghaa dzəə, e dù fo ji wun sà‑áà yén báŋ yée kfər a, e yèn a dzə̀ vibábár cáʼcáʼ. Wù nèn shòv kicí kee shooy jii, «Kicí kin, bó à yòʼ dzəə́ wìy koóm feyì gheéy.» Wù suúy bey, kicí kiy ki ku nèn yùm kàŋ mòʼón.

Matio 25:29

Á wáa kiíy a jii, wìr wo wù kér séʼ e kitu ke kifa, á yíi dzə̀sì, é kí kuʼ, é wù wáa ker nyanyày. Wìr wo wù buŋen, aá maysi shishàr wo wù kérí, e gèr á gerín.

Matio 3:10

Vèn wáa kiíy jii, á nàn ne njàm ji á sí gwar vicí ve bó ví yòʼ koom vifá ve juŋ vi vidzə̀m. Aá yíi mèn, à gháŋé shó, e tòn e və̀y.»

Matio 3:12

Wù wíy lòo wìy, é wù wáa ker júy rə e wùn kiwo, e fetí sáŋ shó. Wù féti, é wù báʼtí sáŋ, e lèm, e yèr mvə́y, e tòn e və̀y wo wú bo ghán sidzə̀m.»

Matio 7:19

Lóo dzə vicí ve bó ví yòʼ koom vifá ve juŋ vi, á gwàr vee shooy vidzə̀m, a tòn tònèn.

Maak 4:20

Ŋgoòy ye yì tumkin é nsay ye juŋ nén a dzə wír ve á yú kév kinyo ke Nyùy, á biìmé, a yiì mo kí dzəə̀n. Ámóʼó wàa yiì mensəʼ mtaár, ámóʼó mensəʼ mntuùfú, ámóʼó e dù, e meé mensəʼ wií.»

Ŋwàʼ Luk 8:13

Ŋgoòy ye yì tumkin é woʼ dzə̀ wír ve á yú kinyo ke Nyùy, á kù nèn biìmé e kishéʼrì ki, e làa yòʼ way shilív shó. Kinyo ke Nyùy ki nén a dzə fo áwune moo kifá kee là gháŋ. Ŋgeʼ keʼ lóo koóy bìʼ kinyo kee shooy, áwune nèn yèʼtí e bàm.

Joon 15:1

Jesus kfə́n a suúy jii, «Dzə̀ mo kitiír ké *vayin ke ru kí, Tàr wor nén a dzə wír wo wù náŋsin kitiír kee shooy.

Joon 15:16

Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

Joon 15:3

Kù dzə̀ mo vinyo ve m yeʼeyin ven shó vi naŋsin ne ven, vèn wáa dzə ajuŋ.

Joon 15:6

Wìr wo bó wù yòʼ tíy e mǒ wùn nén a dzə moo tám wo á faàn, e màʼày, wú yúm. Á lo, á bàʼtí, e tòn a dzə̀ é və̀y.

Joon 15:8

Vèn lóo dzə moo tám wo wú koom kijuŋ, bo vèn kóʼor a dzə̀ yír Tàr wor, din ji vèn dzə̀ rú wír vém.

Joon 17:12

Mò‑oò dzə́ vèr áwune é ndzə fèn, a shiy mo áwune mo yír yée kù dzəə̀n, yír ye wò‑oò foon e mò rəy. Mò‑oò kfə́vsi áwune, a bó wo mòʼón yòʼ‑oò lo lày. Kù‑uù lày wo yì‑iì siìn ŋgaà lòn ji kinyo ke vé‑eè saŋen e wò ŋwàʼ ki fiʼ ghèén.

Ŋwàʼ woó Rom 11:17

Wír veé Israyi nén a dzə moo kicí ke Nyùy bìyìn, kí kúy, a koóm. A ven ve bó yòʼ dzəə̀n wír veé Israyi dzə̀ kén moo kicí ke kí kúy kuyín é kwaʼ, a bó á yòʼ yii kfə́rí. Nyùy nen faàrì símóʼ see tám fo wǔn kici fey, e lì ven, e bàrír fo, vèn wáa nyoŋ mendzə́v fo kicí kee shooy kí wùn, a koóm.

Ŋwàʼ woó Rom 11:22

Vèn wáa yen rì mo Nyùy yii yii vinyo və́. Wìr jáy, wù màʼ ŋgeʼ sho, e rə̀r mendzən fo wo wù tóŋ fo wun. Vèn ku nèn a yu a dzə̀ fo wun fo wù faari sá ven, e màʼày.

Ŋwàʼ woó Rom 8:28

A vèsən kì jii, Nyùy yii sə́ vèsən ve á koŋ wun, yii, a vinyo ve ví kooy vèsən vidzə̀m vi binkìr fo vèsən ji ve juŋ vi. Dzə̀ vèsən vin ve Nyùy liìn ji wír və́, á wáa yiì vinyo ve wù‑uù sìysìn vidzə̀m.

1 Korin 13:1

A m fə̀m lò, a suŋnín lám sé vitum sidzə̀m, e kfə̀n a suŋnín wó nshèelav se Nyùy, a bó m yòʼ kér koŋ fo wíri, bo m yii a dzə̀ njèʼèr moo ŋgèm ye yì ráʼkir ràʼkín, kìn kisha ke á kwáʼá.

Titur 2:14

Wù‑uù fò kitú kfə́, e kpù fo vèsən, e tìn vèsən fó vinyò ve bi ví vidzə̀m ji wun náŋsín wír ji və́, aá wáa dzə là jay, e tiír vifií ji á wáa yiì a dzə̀ vinyo ve juŋ vi.

Hibru 12:15

Vèn wáa yen fo wìr maʼay Nyùy, e ràn kilíŋ ke wù bùʼùn wun sho, a yen sa fo wìr wáa màʼ ŋgoòy kinyò ke bi kí, é kí ram e věn mvəm, e bìvír wír anín.

1 Joon 2:19

A wír vìne kù fəə́kir a dzə̀ fo vèsə́n mvəm. A bó yòʼ‑oò dzə̀ wír vee vèsə́n mvəm. A yì‑iì dzə̀ vee vèsə́n ŋgoo rú, bo bó á yoʼ kfə̀n fəə̀kír. Mo á fəəkin, kí nen dìn kiránén ji bó á yòʼ‑oò lo tàtí a vèsən.

Ŋgaà Yen 3:19

Vèn wáa kuumé jii, m yii lóo kòŋ wír, m kù a saʼ, a sə̀r ji wù fíʼ fiír. Vèn ku nèn lèm vinyo ve m suuy vìn e vifii, e bìnèr melív men, a yiì mo ví dzəə̀n.