Joon 14:3 - ŊWÀʼ NYÙY

³ M yíi dù, náŋsin kirə́ʼ kee shoon, é m nèn kfə̀n, e lì ven, é vèn wáa dzə sa fo m dzə́.

Joon 14:3 Iomraidhean Croise

Joon 12:26

A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»

Joon 14:28

Vèn lo yù, a m suuy jii, m sí du, a m kfə̀n wíy kfən, a dzə vèsən. A vèn kì koŋ mo rú, bo vèn kì shéʼri shèʼrín mo m kfə́n a dzə̀ fo Tàr wor wo wù kér mó wùn.

Joon 14:4

A vèn kìíy ne dzə́ə ye yì du fo m du.»

Joon 17:24

«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

Lim Aŋgàa Ntum 1:11

Á yòŋ jii, «Wír veé Galeli vìn, vèn tíy, kíy ka fó yuv? Jesus və̀n wo wù màʼtìn ven lán, e kòʼ é yuv kù wíy kfən réŋréŋ mo vèn yenen, a wù kóʼó.»

Ŋwàʼ woó Rom 8:17

Mo vèsən siìn wón və́, bo vèsən wíy nəə́ sa e vijùŋ ve wù lèmèn e wír vəə́ adzə̀m, a kù dzə̀ víwun ve Kristu‑uù nəən shó. Vèsən kù wíy nəə́ sho, a vèsən fen biìmé sa ŋgeʼ ye Kristu‑uù biimen.

Filipi 1:23

M sí dzə́n a dzə̀ tùʼtàn, a m sí taʼ lèn feyì ji m ku màʼtì dzəʼə̀m rə̀n, e dù, a dzə a vèr Kristu. Á yee shoon yee dzəʼə̀m ye yí bòŋèn, e shaà.

2 Tesalonika 1:12

Nyùy wòsən wùn Taàtá wòsən Jesus Kristu ku sə̀, é vèn wáa yiì vinyo vìn vidzə̀m, a ghvəm Jesus, a sùyrì wun e dzəə fóo fèn. Vèn lóo yiì bèy, é wíri kfə́n a burí sa ven bìʼ wun woo Taàtá wòsən Jesus.

2 Timoti 2:12

A vèsən toòmé ŋgeʼ ji weè, bo wù kù wíy lì sa vèsən, é vèsən áwune wáa saʼ ndzə. A vèsən lò, e mèŋ wun, bo wù wíy meŋ sa vèsən.

Hibru 9:28

Kù dzə̀ sá mo Kristu‑uù foon kitú kfə́, e kpù fo wíri kàŋ mòʼón, e nèn bèʼèy njò sé wìr anín, á bòy fo nsaʼ. A wù kfə̀n wíy wìy e ndzə fèn ji akàŋ abaà, a bó wù yòʼ dzəə́ wiy bèy ji wun kwaŋri á njò sé wíri. Wù sí wiy lèn ji wun luŋer á wír adzə̀m ve á shiy ji wù wiy.

Ŋgaà Yen 3:21

Vèn wáa kiíy jii, wìr wo wù wíy so vinyo veé ndzə ye bi rə̀n, dzə̀ wo m wíy lì, é vèr wun wáa dzə e mǒ kàvàʼ, réŋréŋ sá mo mò‑oò soon vinyo veé ndzə, Tàr wor Nyùy lì mo, vèr wun wáa dzə e wùn kàvàʼ.