Joon 13:9 - ŊWÀʼ NYÙY

⁹ Simon Pita nèn biìmé lèn jii, «A sì bey, bo à kù su sa sí yém wùn à wó yémé. Bó yòʼ dzə̀ à sù a dzə̀ wuú cáʼcáʼ.»

Joon 13:9 Iomraidhean Croise

Nsùyrì Nyùy 26:6

Bó m yòʼ yii wáy wó yém é kinyò ke bi kí. Nyùy Tàr, m kù yii rə́si a dzə̀ e wò lav,

Nsùyrì Nyùy 51:2

Sù lóm sém sí kijuŋ fo mǒ wùn. Yìi, é m rán fo mǒ kinyò ke bi kí.

Nsùyrì Nyùy 51:7

Shàʼàr jay wom, é m wáa dzə kiránén, e sù mo, é m rán ji pěy.

Jeremia 4:14

Éè Jerusalem, vèn su vinyo ve bi ví fo věn meliv, e fíʼ lùŋ. Vèn wíy keerí kwaʼtì ye bií ben, e wìy dù, e meé e le?

Matio 27:24

Payler lòo yen ji bó dzəə̀ yòʼ dzə̀ə́, a wun lùmtín e kinyò fèn, bo lo, e fəə a melaà, wù nèn sùúy, á wìy e mendzə́v mè. Wù wáa sù wó rə́ shó e màŋgòŋ və̀y si, a ka kitú kfə́ jii, «Nyaa njò yem, bó m yòʼ kì fo wìr və̀n kpu. Ku kìíy ven.»

Joon 13:10

Jesus bìnèr jii, «Wìr wo wù suùn ne wún, wún vəə́ sì e ránén e dzə̀m. A wù lò lèn, wù sù a dzə̀ kiwuú. Kú a kiíy jii, vèn sì aránén, yii bèy, a bó á yoʼ ràn adzə̀m.»

Joon 13:8

Pita ku nèn a shaʼnín jii, «Bó yòʼ dzə̀ féyì, à sù wuú yém.» Jesus suúy jii, «Aà dzə̀ là fó biimé ji m su wò, bo bó yòʼ dzə̀ à wàa dzə wír wom.»

Hibru 10:22

vèsən ku nèn wày shilív e wun wùn, a beè a dzə̀ wun, a koʼtí e Nyùy si shilív shimòʼón. A dzə̀ vèsən wàa koʼtí bèy, bìʼ fo Jesus suùn ne melív mèsən, mè rán, a bó mè yòʼ dzəə́ sáʼ vèsən fó kinyò kímóʼ kí gheéy. Wù kfən sù wún wósən e mendzə́v me dzəə̀n me juŋ mè.

1 Pita 3:21

Kinyo kee shooy ki wáa dzə kisəəm ké ndzəv ye á wáy wír sho lèn, wù ràn fo wun vinyò ve bi ví. A bó á yòʼ wáy bèy ji á su a dzə̀ lóm fo ŋgaàŋ wùn. Dzə̀ kisəəm ke kí din ji ŋgaàŋ lón fo Nyùy a ji wù ku sù shilív sə́, é shí rán. A wù bòy fo wùn ajay a dzə̀ bìʼ Jesus Kristu wo wù‑uù fəən fó kpu,