Joon 13:8 - ŊWÀʼ NYÙY

⁸ Pita ku nèn a shaʼnín jii, «Bó yòʼ dzə̀ féyì, à sù wuú yém.» Jesus suúy jii, «Aà dzə̀ là fó biimé ji m su wò, bo bó yòʼ dzə̀ à wàa dzə wír wom.»

Joon 13:8 Iomraidhean Croise

Kèʼlo 42:38

Jakov sháʼnín jii, «Bó yòʼ dzə̀ wan wom dù vèn áwune. Wàn yè wov kpù ne, a jòʼsì ne wun, wùn mòʼón. A vèn áwune lòo dù ghán yee shooy, kinyo ki koóy wun e dzəə, bo vèn yíi yiì, é mo wo kitú ki fərin ne kpú e mensíy mè si.»

2 Samuel 20:1

Ŋgaà ŋgeʼ ye foón wùmòʼ wáa dzə e Gilgal foo fèy, a yír rəə́ dzə̀ Sheba, a dzə̀ wír woó kfəə Bikri, a dzə̀ rám Benjamin. Wù nèn lò, e tòŋ sóŋ, a waamé, a suúy e wír veé Israyi jii: «Á mèŋ ne vèsən fó wìr Davir. Vèsən fəə́ fo wàn Jessi kinyò. Àáy, wìr veé Isray, vèsən wáa kfənkír e melav.»

1 Afòn 12:16

Wír veé Isray adzə̀me yén ji fòn yoʼ biìmé a kinyo kév, e nèn sùúy e fòn jii: «Vèr kér ka e Davir mvə̀m kfəə? Vèr yòʼ kér kilíŋ e wàn Jessi mvəm. Éè wìr veé Isray, wír a e wun kibàn. Kfə́ə Daviri wáa leey rì fo rə́ə yee lav.» Á bèy, wír veé Isray veé mbìv yee kuyi nèn kfə̀nkír aáwuné melaʼ.

Nsùyrì Nyùy 51:2

Sù lóm sém sí kijuŋ fo mǒ wùn. Yìi, é m rán fo mǒ kinyò ke bi kí.

Nsùyrì Nyùy 51:7

Shàʼàr jay wom, é m wáa dzə kiránén, e sù mo, é m rán ji pěy.

Aysaya 4:4

Á wíy a yen bèy, a Nyùy Tàr sú ne lóm se wìr veé Jerusalem, e *kfə̀mrí áwune fó kinjuyrì, e sù mensə́ fo áwuné wo. Wù wíy yiì kin, e shaà fo ŋgeʼlàʼ ye wù maʼ e wírí kitu, bìʼ yii yév, e màʼ, kù mo və́yí laàr kifá.

Esiker 36:25

M wíy tsəm shindzə́v she ranén shí e věn wùn, é vèn rán fó kifàn ke vèn‑eè liìn bìʼ vinyo vidzə̀m ve vèn‑eè lorin vitú vén shó. Vèn wíy ran fo kifàn ke vèn‑eè ghvəmen mebvə̀m, e lì.

Sekariya 13:1

«Ghán sin si wíy gheén, é ntòŋ ndzə̀v yìmòʼ mvəʼəm, a fəə ji ye wìr vee rám Davir wùn à wír ve á dzə́ e Jerusaleme, aá wáa sù njò yev fó, a ran fo áwuné vinyò ve bi ví, à fo áwuné joònè e dzə̀m.»

Matio 16:22

Pita nèn kwàr, wùn wun bàr wún, wù wáa shaʼnín jii, «Tàr, Nyùy teér kee shooy. Bó yòʼ dzə̀ kinyo kee bey ki kòóy wò.»

Matio 21:29

Wàn sháʼnín. Tàr wov lò, kitú kfə́ kí siíy, e sàʼ wun, wù dù e sum fóo fèy.

Matio 26:33

Wù suúy bey, Pita nèn sùúy sho jii, «A wìr dzə̀m fə̀m bìn ndzə̀m e wò, bo bó yòʼ dzə̀ m bìn gheéy.»

Matio 26:35

A Pita kù tíy kfə́ jii, «A fə̀m dzə̀ ji m kpú wòsò, la m yòʼ mèŋ wò gheéy.» Wón lìm Jesuse ku nèn bìnsí sa bèy adzə̀m.

Joon 13:6

Wù dù, e mèé fo Simon Pita wùn, wù nèn dzə̀r shó jii, «Tàr, a dzə̀ wàa sù wò wuú yém a?»

Joon 13:9

Simon Pita nèn biìmé lèn jii, «A sì bey, bo à kù su sa sí yém wùn à wó yémé. Bó yòʼ dzə̀ à sù a dzə̀ wuú cáʼcáʼ.»

Joon 3:5

Jesus bìnèr jii, «Kinyo ke m suuy kìn ki dzə̀ ke ru kí. Aá dzə̀ là fó dzəə́ wír fo mendzə̀v, é Kiyoy ke Nyùy ki kfən dzə̀ə́ ŋgaàŋ, bo bó yòʼ dzə̀ ŋgaàŋ nə̀ə́ e Nyùy mvə̀m saʼ.

Lim Aŋgàa Ntum 22:16

Mo kí siìn ben, à kfə̀n shiy ka lèn? Lò é yuv, yiì, aá wáy wò e ndzəv, é wun woo Tàr su vinyo vé ve bi ví, kù mo à tóŋ, yoŋ yír rə́.›

1 Korin 6:11

Yì‑iì dzə̀ fó mbìy, a ven ámóʼó yii vinyo vee shoon. Nyùy nèn wìy sù vinyo vee shoon fo věn wùn, e lì ven ji və́ vee wír. A wù lèéy ne ji vèn sì á wír vee là njò, bìʼ kinyo ke Tàr wòsən Jesus Kristu wùn Kiyoy ke wun woo Nyùy ki‑iì yiìn fo vèn.

Efesor 5:26

Wù‑uù kpù ji áwune fíʼ a dzə wír ve á gheenen fo Nyùy. Wù‑uù fìʼtì kinyo ke Nyùy aáwune, á wáy áwune é ndzəv ji wír ve Nyùy suùn ne njò yev.

Remrí 12:12

Vèn wíy a sàvnìn e Nyùy Tàr woo Nyùy wón si, vèn à wón vén vee vilume, à vee vikìyí, à wír veé ram Levi ve á dzə̀kìn e věn ŋkà se laʼa. Vèn kú a kuumé ji rám Levìi yòʼ wíy a ker a vitsə́ʼ e věn mvəm.

Kolosia 2:18

Lá vèn yòʼ a yuurí sa kinyo ke wìr ve á kóʼor wún ji á yú vinyo a dzə̀ é njèm, nèn nyaysì kén ji bó kí yoʼ ghèén, kan ven ji vèn wáa gvəʼə́r kitú e dzəə ye koŋ áwune, kfə̀n suuy ji vèn kù kér fó a bùnrì sa fo nshèelav se Nyùy si. Wír vìne kóʼor wún kisáŋ, suuy vinyo a dzə̀ mo kwaʼtì wírií dzəə̀n.

Kolosia 2:23

A wíri kù yòʼ lo, á wàa yen ji vifií ví dzə̀ é vinyò foo fèn, a kwàʼtì ji dzə̀ nsər see shooy si yiì, wìr kìíy mó a bùnrì e dzəə yee réŋ, e kfə̀n kìíy mó a gvəʼə́r kitú kfə́, a nyàʼ vifá vímóʼ ví ji áwune ve á yú fo Nyùy. Á yén bèy, a bó yòʼ dzə̀ vinyo vìn vi sə̀ wír fo mensə́ mè dom wun, é wù yii kinyo ke bi kí gheéy.

Titur 3:5

e tìn vèsən fó lòn, á lùŋ. A bó wù yòʼ‑oò luŋèr bèy ji vèsən‑eè yii a vinyo ve ví wáa gheén wun. Wù‑uù lùŋèr vèsən cáʼ bìʼ və́ə woo nshámmé. Wù‑uù sù vinyo vesən ve bi ví, e fò Kiyoy kfə́ ke Ranén kí, kí yiì, vèsən kfə́n ji wír ve á siìn afíy, a ker dzəʼə̀m ye fíyi.

Hibru 10:22

vèsən ku nèn wày shilív e wun wùn, a beè a dzə̀ wun, a koʼtí e Nyùy si shilív shimòʼón. A dzə̀ vèsən wàa koʼtí bèy, bìʼ fo Jesus suùn ne melív mèsən, mè rán, a bó mè yòʼ dzəə́ sáʼ vèsən fó kinyò kímóʼ kí gheéy. Wù kfən sù wún wósən e mendzə́v me dzəə̀n me juŋ mè.

Ŋgaà Yen 1:5

A m kfə̀n lón fo Jesus Kristu wo kù yii din wun kinyo ke dzəə̀n ke ru kí e vèsən. Dzə̀ wun wir mbìy wo wù‑uù kèʼèn, e fəə̀ fó kpu, a kér wun afon ve á sáʼ nsay adzə̀m. Vèsən kú a burí wun wo wù kòŋèn vèsən, e cùtì mensə́ mvə, vèsən bóy fo vèsə́n lǒn vinyò ve bi ví.

Ŋgaà Yen 7:14

M bìnèr jii, «Tàr, bó m yòʼ kì. Kù kì wò.» Wù nèn a naàrì jii, «Wír vee shoone dzə̀ á ve vé‑eè dzəə̀n é ghan sé ŋgeʼ ye tavín, e bóo bòy fo fo. Aá sù ne vikúm vév e mensə́ me Wàn Njiì mè, ví wáa ran, a fər.