Joon 13:5 - ŊWÀʼ NYÙY

⁵ e baà mendzə́v é kighin, e kèʼ, a sù wuú won və́ lìm sho. Wù su, wù sə̀ʼsí e ndzə̀y se wù kì siŋen siy si.

Joon 13:5 Iomraidhean Croise

Ŋwàʼ Luk 7:44

e bìnkìr, e lèéy wiíy və̀y, e kfə̀n yòŋ Simon jii, «Leéy wiíy və̀n, e yèn. Kèʼ mo m kì nəən e wò lav fèn, bó à yoʼ lò tàʼ mendzə́v mée sù wúu yém shó. Yii bèy, a wiíy və̀n kì sù ne wúu yém e mensíy mvə mè, e sə̀ʼsí e nə́ŋ sə́ sí.

Nsùyrì Nyùy 51:2

Sù lóm sém sí kijuŋ fo mǒ wùn. Yìi, é m rán fo mǒ kinyò ke bi kí.

Kèʼlo 19:2

e yòŋ jii, «Atàr vem, kii vèn, vèn ku shaà e kwàn wóné lav. Vèn wiy, e sù wuú yéné, e shìíy, ndzə lóo jàv, é bo vèn shaa, a dù fo vèn kì du.» Áwune bìnèr jii, «Vèr kù‑úù shiíy a dzə̀ é mvə̀m ŋkàlaʼ fèn e ŋgèŋgèr.»

1 Timoti 5:10

A dzə̀ kù a dzə sa wiíy wo wìr dzə̀m bínsi ji wù kù‑uù rə́si yii a dzə̀ á vinyo ve juŋ vi, dan wón və́ é dzəə yee réŋ, kér wíri e wùn lav, yii lim seé kintatì ke wìr Nyùy, kfə̀n sə́ vé ŋgeʼe. Kú a dzə wiíy wo wù‑uù liìn kitú kfə́ ji wun wáa yiì a dzə̀ á vinyo ve juŋ vi, ji a fəə̀ lim fèé, wun kù a yiì a yiìn.

Kèʼlo 18:4

Mo‑óò taʼ mendzə́v, é vèn su wuú yén shó, e meèmè e sar kici,

Ŋgaà Yen 7:14

M bìnèr jii, «Tàr, bó m yòʼ kì. Kù kì wò.» Wù nèn a naàrì jii, «Wír vee shoone dzə̀ á ve vé‑eè dzəə̀n é ghan sé ŋgeʼ ye tavín, e bóo bòy fo fo. Aá sù ne vikúm vév e mensə́ me Wàn Njiì mè, ví wáa ran, a fər.

Hibru 10:22

vèsən ku nèn wày shilív e wun wùn, a beè a dzə̀ wun, a koʼtí e Nyùy si shilív shimòʼón. A dzə̀ vèsən wàa koʼtí bèy, bìʼ fo Jesus suùn ne melív mèsən, mè rán, a bó mè yòʼ dzəə́ sáʼ vèsən fó kinyò kímóʼ kí gheéy. Wù kfən sù wún wósən e mendzə́v me dzəə̀n me juŋ mè.

Efesor 5:26

Wù‑uù kpù ji áwune fíʼ a dzə wír ve á gheenen fo Nyùy. Wù‑uù fìʼtì kinyo ke Nyùy aáwune, á wáy áwune é ndzəv ji wír ve Nyùy suùn ne njò yev.

1 Korin 6:11

Yì‑iì dzə̀ fó mbìy, a ven ámóʼó yii vinyo vee shoon. Nyùy nèn wìy sù vinyo vee shoon fo věn wùn, e lì ven ji və́ vee wír. A wù lèéy ne ji vèn sì á wír vee là njò, bìʼ kinyo ke Tàr wòsən Jesus Kristu wùn Kiyoy ke wun woo Nyùy ki‑iì yiìn fo vèn.

Lim Aŋgàa Ntum 22:16

Mo kí siìn ben, à kfə̀n shiy ka lèn? Lò é yuv, yiì, aá wáy wò e ndzəv, é wun woo Tàr su vinyo vé ve bi ví, kù mo à tóŋ, yoŋ yír rə́.›

2 Afòn 3:11

Fòn Jehoshafat nèn dzə̀r jii, «Ŋgaà ntum Nyùy Tàr yòʼ dzə̀ fen wo dzə̀ vèsən lòn, wù tàr fo Nyùy Tàr a?» Nshìylav fòn woó Isray yìmòʼ nèn bìnèr jii, «Elisha woo wánlè lìm Elija waà dzə̀ á fèn, Elisha wo dzəə̀n á wan Shafat.»

1 Samuel 25:41

Abigail tsə́m ndzəə́, e làʼ kitú e nsay, e sùúy jii, «Wánlè lìm tàr wor və̀ne, a wù dzə̀ kibáʼtín fó yìi dù, a sù wuú vé lìm və́.»

Cù 14:8

Ŋgaà wo á kì kfə́mri yíi sù ndzə̀y sə́, e kom kitú kfə́ kidzə̀m, e sù wún é mendzə̀v. Wù yii bèy, bo wù ràn ne, e nen kfən, e nəə́ e kibeèy, yii bèy, e làa yòʼ nəə́ e wun kibàn. Wù yíi a shiíy fo ndzə kishiíy saàmbà.

1 Joon 5:6

Jesus Kristu və̀n‑eè lo wìy, a dzə e nsay fèn, e dù, á wáy wun e ndzəv. Wù kfən dù, á yúyrí wun, mensə́ mvə mè cùrkìr. Mo wù wìyìn bey, e làa yòʼ dù a dzə̀ é ndzəv cáʼcáʼ. Wù‑uù dù sá, á yúyrí wun, mensə́ mvə mè cùrkìr. A Kiyoy ke Ranén kí bínsi sa ji kinyo kee shooy ki‑iì lo kòóy a bèy, a kí yii suuy kfə́ a dzə̀ kinyo ke ru kí.

1 Joon 1:7

Yii bèy, mo Nyùy dzəə̀n é ndzə ye ranén, wíri lóo ghan sa e ndzə ye ranén, áwune nèn a dzə kintatì, a ghan kiwuú kév kimòʼón. Mo á ghán bèy, Nyùy nèn kfə̀n sù sa njò yev, á wàa dzə là jay. A wù su a dzə̀ e mensə́ me Wan və woo Jesus mè.

Joon 19:34

Yii bèy, wùmòʼ woo ŋgaà rə̀r tsə́nsí kòŋ, e sòv nsaŋ Jesus sho, fəə́ mensə́ wùn à mendzə́v mè.

Ŋwàʼ Luk 7:38

Wù nəə́, e tìím e Jesus ghaŋ, kitú kfə́ kí lùm, wù wáa dìy, mensíy mè wáa shemshém e Jesus wuù. Wù nèn gvə̀ʼə́r kitú, a səʼsí wuú Jesus e nə́ŋ sə́ sí, a nyòʼtì, a sòr e biʼ rə̀yi.

Sekariya 13:1

«Ghán sin si wíy gheén, é ntòŋ ndzə̀v yìmòʼ mvəʼəm, a fəə ji ye wìr vee rám Davir wùn à wír ve á dzə́ e Jerusaleme, aá wáa sù njò yev fó, a ran fo áwuné vinyò ve bi ví, à fo áwuné joònè e dzə̀m.»

Esiker 36:25

M wíy tsəm shindzə́v she ranén shí e věn wùn, é vèn rán fó kifàn ke vèn‑eè liìn bìʼ vinyo vidzə̀m ve vèn‑eè lorin vitú vén shó. Vèn wíy ran fo kifàn ke vèn‑eè ghvəmen mebvə̀m, e lì.

Ŋgaà Yen 1:5

A m kfə̀n lón fo Jesus Kristu wo kù yii din wun kinyo ke dzəə̀n ke ru kí e vèsən. Dzə̀ wun wir mbìy wo wù‑uù kèʼèn, e fəə̀ fó kpu, a kér wun afon ve á sáʼ nsay adzə̀m. Vèsən kú a burí wun wo wù kòŋèn vèsən, e cùtì mensə́ mvə, vèsən bóy fo vèsə́n lǒn vinyò ve bi ví.

Aysaya 1:16

Vèn fə́tí wó yéné fó yiì ye bií, e lèm vitú vén, é ví wáa dzə viránén. M yòʼ dzəə́ taʼ, e kfə̀n yen, a vèn buʼ kinyo. Vèn ku neèr yii ye bií,

Ŋwàʼ Fəə 29:4

«Áà nèn lì Aaron wùn à wón vəə́, e wìy sho e mǒ shùu *kibàn ké ntàsín, e sù áwune e mendzə́v mè.

Joon 13:10

Jesus bìnèr jii, «Wìr wo wù suùn ne wún, wún vəə́ sì e ránén e dzə̀m. A wù lò lèn, wù sù a dzə̀ kiwuú. Kú a kiíy jii, vèn sì aránén, yii bèy, a bó á yoʼ ràn adzə̀m.»

Joon 13:8

Pita ku nèn a shaʼnín jii, «Bó yòʼ dzə̀ féyì, à sù wuú yém.» Jesus suúy jii, «Aà dzə̀ là fó biimé ji m su wò, bo bó yòʼ dzə̀ à wàa dzə wír wom.»

Kèʼlo 43:24

Ŋgaà lìm və̀y nèn lì áwune, e nə̀ə́ sho e Joosev lav, e fò mendzə́v, á sù wúu yév shó, e kfə̀n fò yí e vimbèʼbìy ví.

Atǎr Nsaʼ 19:21

Wù nèn lì wun, e dù sho e wun lav, e yìír vimbèʼbìy və́. Áwune yiì sù wuú, wù nèn fò áwune vifá ve yi, à kifá ke áwune nó kí.

Joon 13:6

Wù dù, e mèé fo Simon Pita wùn, wù nèn dzə̀r shó jii, «Tàr, a dzə̀ wàa sù wò wuú yém a?»