Joon 13:4 - ŊWÀʼ NYÙY

⁴ wù nèn lò fo kitu ke vifa ve yi, e shòʼ kikúm kfə́, e lì ndzə̀y se á yii sə́ʼsi wún shó, e sìŋ,

Joon 13:4 Iomraidhean Croise

2 Afòn 3:11

Fòn Jehoshafat nèn dzə̀r jii, «Ŋgaà ntum Nyùy Tàr yòʼ dzə̀ fen wo dzə̀ vèsən lòn, wù tàr fo Nyùy Tàr a?» Nshìylav fòn woó Isray yìmòʼ nèn bìnèr jii, «Elisha woo wánlè lìm Elija waà dzə̀ á fèn, Elisha wo dzəə̀n á wan Shafat.»

Ŋwàʼ Luk 12:37

A bòŋ ké wón lìm ve tàr wov yíi lòo wìy, aá dzəə́ kiʼì. Vèn wáa kiíy rú jii, wù yíi wovtí ndzə̀y sə́, e suúy, aáwune dzəʼəm, é wù taʼ vifá ve yi, e jàv, aá wàá yí.

Ŋwàʼ Luk 17:7

«Vèn ku lì jii, wìr fo vèn kì kér ŋgaà və lìm, wù rə́sí, e lìm súm, kìn wù shiy a dzə̀ njiì, wù yiì wìy fo laʼ, wò woo tàr wov kù nèn sùúy sho ji wù shaa ri, e lì vifá və́ vé yi, a yi à?

Ŋwàʼ Luk 17:8

Àáy, ke dzə̀ tàr wov kù sùúy ki dzə̀ jii, dù, e kùvsín ndzə̀y sí, e fèr vifá vém vé yi, e wìy sho, m lóo yi, áà wáa baʼtí vifá. M maysì, é bo à du, e lì vé, a yi.

Ŋwàʼ Luk 22:27

Wìr wo kuʼùn yii dzə́ vəné? Dzə̀ wo wù yéʼ, yíkir yìkín, moo wo wù fer vifá ve yi a? Bó yòʼ dzə̀ wo wù yéʼ kfə́, yíkir yìkín a? A m dzə̀ kém e věn mvəm ji wír wo wù lim fo vèn.

Joon 13:12

Wù yiì sù wuú yév, e màysì, e nèn màʼ ndzə̀y sə́, e kfə̀n dzə̀ʼə̀m fo nsay, a suúy aáwune jii, «Vèn kì mo m yiìn ben, a kí dzə̀ á?»

2 Korin 8:9

Vèn kì sá mo Tàr wòsən Jesus Kristu‑uù shamen vèsən. Vifá vidzə̀m vi dzə̀, a yì‑iì kér wun, wù màʼtì bìʼ vèsən, e wìy e ndzə ji ŋgaà kitàn. A wù‑uù yii bèy, ji vèsən fíʼ nəə́ e Nyùy mvə̀m vikùʼùy.

1 Joon 3:11

Vèn kuúmé kinyo ke vèn‑eè sí yú, e kèʼ mo vé‑eè kèʼèn, a fìʼtì kinyo ke Nyùy e vèn kí. Kí‑iì dzə̀ ji vèsən wáa kòŋnìn.