Joon 13:2 - ŊWÀʼ NYÙY

² Yiì lòo dzə e ŋkuùr wùn áwune yiì dzə̀ʼə̀m, a yikír, a Satan kì ŋàʼár ne shilív shé Judar Iskariyor wo dzəə̀n wan Simon ji wù wáy Jesus aàŋgaà və́ vibàné wo.

Joon 13:2 Iomraidhean Croise

Esra 7:27

Búríi wáa dzə fo Nyùy Tàr woo Nyùy atàr vér, wo wù wayin kwaʼtì yee moo rən e fòn shiliv, ji á fiʼ yiì lim yee Nyùy Tǎr lav ye yì dzəə̀n é Jerusalem.

Nehemia 2:12

a m yoʼ yòŋ kinyo ke Nyùy wom‑eè wayin e mǒ shiliv ji m yii é Jerusalem e wìr. M nèn lò, e fəə̀ vitsə́ʼ vímóʼ ví vèr à wíri ashàr, la vèr yòʼ lì nyám si, ku mày ye mò‑oò koʼon.

Matio 10:4

Simon woo ntom wòŋ wùn Judar Iskariyor wo wù‑uù loòn, e kàr menàŋ e Jesus bàm.

Ŋwàʼ Luk 22:3

Satan nèn nə̀ə́ e Judar shiliv, a dzə̀ wír fo wón lìm Jesus vee nshòv sibaà e ghvə̀me, aá yoŋ yír rə́ yímóʼó ji Iskariyor.

Ŋwàʼ Luk 22:31

Jesus nèn lò, e yòŋ Pita jii, «Simon, Simon, kú a kiíy ji Satan sə̀ ne vitaáví ji wun wáa mùm ven adzə̀m réŋréŋ mo wìr fètí sáŋ.

Joon 13:11

A wù suuy ji bó á yoʼ ràn adzə̀m, bìʼ fo wù kiìn wír wo wù‑uù yíi way wun aàŋgaà və́ vibàné wo.

Joon 13:4

wù nèn lò fo kitu ke vifa ve yi, e shòʼ kikúm kfə́, e lì ndzə̀y se á yii sə́ʼsi wún shó, e sìŋ,

Lim Aŋgàa Ntum 5:3

Pita nèn dzə̀r shó jii, «Ananiar, à biìmé, Satan nəə́ e wò shiliv, à wíy, a boʼtí Kiyoy ke Ranén kí ji ka?

2 Korin 8:16

M beerì Nyùy feyì mo wù yiìn, shilív shé Titur shi wáa lùm fo vèn ghán sidzə̀m mo shém shí lumè.

Efesor 2:3

A kù dzə̀ mo vèsən adzə̀m‑eè dzəə̀n. Vèsən‑eè yú a dzə̀ mo mensə́ mè lim e vèsə́n wùn, a mè ŋáʼar melív mèsən, a vèsən kwaʼtì vinyo ve bi ví, yii mo ví gheenen vèsən. A vèsən‑eè yii bèy, li a dzə̀ lǒn Nyùy mo wír adzə̀me‑eè li.

Ŋgaà Yen 17:17

A kù ŋàʼár Nyùy melív me afòn vìn, bo á kfə́n mbòv e mòʼón, e wày sáʼ yév a dzə̀ e nyàm ye beemén rə̀y kiwo. A Nyùy yiì bèy ji á fíʼ yiì kinyo ke wù‑uù yiìn ne sùúy ji kí wíy koóy kidzə̀m.