Joon 13:1 - ŊWÀʼ NYÙY

¹ Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Joon 13:1 Iomraidhean Croise

Ŋgàn 8:31

shéʼri yén ye m yenen kitú ke nsay, yú vijuŋ ve wìr msòŋ wo wù dzə́ sho.

Jeremia 31:3

Nyùy Tàr‑iì dìn kitú kfə́ e vèr é yàŋgùʼ, e yòŋ jii: «Koŋ ye m koŋ vené yòʼ wíy mày, m kù wíy a kòŋ ven ghán sidzə̀m.

Matio 26:45

Wù kfə́n, e dzə̀r e wón və́ lìm vìyi jii, «Vèn kù sìíy, a buuné ji á meemè à? Kí ghèén ne. Sì ghán se á sí wáy ŋgaà wo yírí dzəə̀n Wanwìr və̀n e wír ve bií wo.

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Ŋwàʼ Luk 22:53

Mò‑oò rə́si dzə́ vèsən é lav cù vishiíy vidzə̀m, la vèn yòʼ kùm mo. Ghán se dzə̀ vèn yiì kinyo si nen ghèén a dzə̀ lèn, a sì ghán se Satan wo wù kér ndzə vitsə̀ʼ sí sáʼá.»

Ŋwàʼ Luk 9:51

Ghán se Nyùy‑iì wíy lì Jesus, é wù kóʼ é yuv sí lòo gheén, Jesus wáy ji wun kù du e Jerusalem, e nèn lò, a dù.

Joon 11:55

Ghán sé *Ŋkǎʼ Yáʼayshaà símóʼ sí nèn kfə̀n wìy lòo gheén, wíri nèn a lòkìr fo virə̀ʼ, a dù e ŋkàlaʼ Jerusalem ji á tómbìy *kfə̀mrí vitú vév mo liì wov wòŋ taʼà, e bó a yi kiŋkàʼ kee shooy.

Joon 12:23

Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.

Joon 13:29

Mo kù‑uù kér Judar kibam kév ké lèm, ámóʼó nèn a kwàʼtì jii, Jesus suuy bèy a dzə̀ á ji Judar du, e yùn vifá ve wùn áwune yíi yi kiŋkàʼ shó, kìn wù suuy a ji wù koóy kifá, e fò e vé ŋgeʼe.

Joon 13:3

Jesus wáa dzə, a wù kì kijuŋ ji Tàr wov wày ne vinyo vidzə̀m a dzə̀ e wùn kiwo, a wun‑eè lò fo Nyùy, a wun sí kfə́n a dzə̀ fó,

Joon 13:34

M nén a fo ven lèn a dzə̀ nsər ye fíy jii, vèn siiy, á wàa kòŋnìn, é wìr wáa kòŋ fə́r və réŋréŋ sá mo m kòŋèn ven.

Joon 14:28

Vèn lo yù, a m suuy jii, m sí du, a m kfə̀n wíy kfən, a dzə vèsən. A vèn kì koŋ mo rú, bo vèn kì shéʼri shèʼrín mo m kfə́n a dzə̀ fo Tàr wor wo wù kér mó wùn.

Joon 14:31

Màʼtì mo, bìʼ fo dzəə̀n mo Tàr wor‑iì suuyin ji m yii, é wír veé ndzə adzə̀me fíʼ yen ji m koŋ Tàr wor. Vèsən lo ri lèn, a dù.»

Joon 16:28

Mo mò‑oò loòn fo Tàr wor, e bóo wìy e ndzə fèn, m kfə̀n sí lo fo ndzə fèn, e kfən fo Tàr wór wùn.»

Joon 17:1

Mo Jesus suuyin vinyo vìn ví mày, wù nàn sí, e lèéy yúv, e yòŋ jii, «Tàr, ghán sí ghèén ne. Ku dìn rì vikuʼùy vé Wan wò vi ji wíri lóo yen, aá wáa yen vikuʼùy a dzə̀ vé.

Joon 17:16

Áwune yòʼ dzə̀ rú wír veé ndzə fèn réŋréŋ mo bó m yòʼ dzəə̀n sá wír woó ndzə foo fèn.

Joon 17:26

Mò‑oò lo yiì, áwune kiíy sá wò woo Nyùy, a m kù wíy a yiì, aá wáa kiíy, e fíʼ a kòŋ mo réŋréŋ mo à koŋ mo, é m wáa dzə aáwuné meliv.»

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Joon 18:4

Jesus‑eè kìíy ne kinyo ke kí kér fó koóy wun kidzə̀m, wù nèn kòʼtí fo mbìy, e dzə̀r e wír vìyi jii, «Vèn taʼ a dzə̀ la?»

Joon 19:28

Jesus suúy vinyo vìn, e màysì, a wù kiíy ne ji wun màysì ne vinyo və́ lèn a vidzə̀m, wù nèn lò, e sùúy jii, «Kilòŋ kí yúm mo.» A wù suuy bèy ji kinyo kee shooy ke vé‑eè saŋen é Ŋwàʼ Nyùy ki fiʼ ghèén.

Joon 2:13

Mo yì‑iì siìn ghán se wír veé Israyi kì sí wìy a yi *Ŋkǎʼ Yáʼayshaà, Jesus nèn lò, a dù e Jerusalem.

Joon 6:4

Wáa dzə e ghan see shooy, a sì ghán se wír veé Judàa kì sí yiì a ker *Ŋkǎʼ Yáʼayshaà.

Joon 7:30

Á yú kee shooy, e nèn a tàʼ ji á koó Jesus, a bó yòʼ‑oò dzə̀ á kùm, bìʼ fo ghán se Nyùy‑iì sìysìn sí yòʼ‑oò ló ne ghèén.

Joon 7:6

Jesus bìnèr jii, «Ghán se dzə̀ m fəə̀sín sí yóʼ ne ghèén, a ghán sidzə̀m si kù dzə̀ sigheénén fo vèn.

Joon 8:20

Jesus wáa suúy vinyo vìn e ghan se wù‑uù yéʼey wíri é lav cù, aáwune kaárí a dzə̀ é shùu buu fo á yii fó mbàm se Nyùy. A bó yòʼ‑oò dzə̀ wír, wù ghàr wun, bìʼ fo ghán se Nyùy‑iì sìysìn sí yòʼ‑oò ló ne ghèén.

Ŋwàʼ woó Rom 8:37

Vinyo vìn vi kooy vèsən ben, a Kristu wo wù‑uù kòŋèn vèsən, kù dzəə́ leey fo vèsən, yii, a vèsən só vinyo vee shooy soón, la ví yòʼ a sə̀ʼ vèsən gheéy.

1 Korin 1:8

A wun woo Jesus Kristu kù yíi a yiì, é vèn wáa tiy e wùn kinyò kitávín, e dù, e jòʼsì. Wíy lóo dzə e kishiíy ke wù wíy wìy kee shooy, é la vèn yòʼ dzəə gbù njò yìmòʼ gheéy.

Hibru 3:14

Kifá ke Kristu kér kidzə̀m ki sì sá késən, a vèsən fèn tíy a dzə̀ é kinyò ke vèsən‑eè wayin shilív shó fo mbìy, e dù, e jòʼsì.

Hibru 3:6

Kristu nèn wìy wìy, a lìm kfə́ e Nyùy lav foo fèy shilív shimòʼón moo wán woo ŋgaà lav, a lav dzə̀ vèsən vin. Dzə̀ rú vèsən, a vèsən bèn ghár shilív, tiir vifií a dzə̀ é ŋkàʼmé wo Nyùy‑iì kàʼàn vèsən shó, e dù, e mày.

Hibru 6:11

Vèr ku nèn a kòŋ kér cáʼ ji vèn kú a tiy a dzə̀ é kinyò foo fèy, é wìr mòʼón mòʼón wáy ŋàŋ shó, e dù, e jòʼsì, e fíʼ wìy nəə́ e dzə̀ʼə̀m ye Nyùy kàʼàn ven, vèn tiír vifií shó.

1 Pita 1:13

Vèn ku nèn wày vifií, a dzə kibáʼtín fó a yiì moo wír Nyùy. A kí dzə̀ jii, vèn tiír á vifíi vén a dzə̀ é vijùŋ ve Nyùy wíy bùʼ ven shó e ghan se Jesus Kristu wíy wìy.

1 Joon 4:19

Vèn kuúmé ji vèsən koŋ Nyùy, kfə̀n koŋnìn lèn, bìʼ fo yì‑iì kèʼèn wun woo Nyùy, a kòŋ vèsən.

Ŋgaà Yen 1:5

A m kfə̀n lón fo Jesus Kristu wo kù yii din wun kinyo ke dzəə̀n ke ru kí e vèsən. Dzə̀ wun wir mbìy wo wù‑uù kèʼèn, e fəə̀ fó kpu, a kér wun afon ve á sáʼ nsay adzə̀m. Vèsən kú a burí wun wo wù kòŋèn vèsən, e cùtì mensə́ mvə, vèsən bóy fo vèsə́n lǒn vinyò ve bi ví.