Joon 12:4 - ŊWÀʼ NYÙY

⁴ Judar Iskariyor woo wan lìm Jesus wùmòʼ‑oò dzə̀ sá fo, a dzə̀ wun wo wù‑uù wíy lò, e kar menàŋ me Jesus. Wù nèn sàyín jii,

Joon 12:4 Iomraidhean Croise

Matio 10:4

Simon woo ntom wòŋ wùn Judar Iskariyor wo wù‑uù loòn, e kàr menàŋ e Jesus bàm.

Joon 13:26

Jesus bìnèr jii, «Wír wo m yíi sə̀ʼ nshèv é kiban, e fo sho, dzə̀ ŋgaàŋ.» Wù nèn sə̀ʼ, e fò a dzə̀ e Judar wo dzəə̀n wan Simon Iskariyor.

Joon 13:2

Yiì lòo dzə e ŋkuùr wùn áwune yiì dzə̀ʼə̀m, a yikír, a Satan kì ŋàʼár ne shilív shé Judar Iskariyor wo dzəə̀n wan Simon ji wù wáy Jesus aàŋgaà və́ vibàné wo.

Ŋwàʼ Luk 6:16

à Judar woo wan Jeem, e lì Judar Iskariyor wo wù‑uù loòn, e kàr menàŋ e Jesus bàm.

Ŋgaà Tàrvìnyò 4:4

M kfən yèn ji wíri lo, á gìsín é lìm, lo, á wày vifií ji á kiíy á kiwó ke lìm ke juŋ ki. Aá kù yii bèy, a dzə̀ bìʼ fo wìr lo, wù wàa tàʼ mbǒv ŋgaà shweèsí və ntéŋ, a lìm ji wun ku shaà wun. Kin ki kù dzə̀ sá kinyo kisáŋ, a dzə̀ moo ji wìr jum shwér ji wun koó.

Matio 26:14

Wàn lìm Jesus wùmòʼ fo vee nshòv sibaà e ghvə̀me nèn lò, aá yoŋ yír rə́ ji Judar Iskariyor, e dù, e yèn vitú ve atàá cù,

Joon 12:5

«Káv bìʼ rə̀ne dzə̀ moo vilaʼày vé wìr veé kiya kifur, bo á kì yíi fiìnè, e jàv mbàm e vé ŋgeʼe.»