Joon 12:3 - ŊWÀʼ NYÙY

³ Maria yiì lò, e lì biʼ ye juŋ yímóʼó kiyóʼóy kifur, aá fér e *nard, a yí lùm e mbàm e ŋàŋ, e wìy, e bòr e Jesus wuù, e gvə̀ʼə́r kitú, a səŋrí e nə́ŋ sə́ sí. Lav nèn bìnkìr, a shàŋ shàŋèn e dzə̀m.

Joon 12:3 Iomraidhean Croise

Nsùyrì Nyùy 132:2

Nyùy Tàr, ku kuùmé kilìʼ ke Davir‑iì yiìn kí. Wù‑uù kàʼ wò woo Nyùy Jakov, wò woo Ŋgaà Vitaàví Vidzə̀m, e yòŋ jii,

Ŋgàn 27:16

A sì kée sə̀r wiíy kinyàm, bo kí dzə̀ cér móo koo shwér, kìn móo keerí meŋgvə́r é wo.

Yòv Viŋgér 1:12

Tàr à wíri woo fon wom lóo yeʼtí e wun kàvàʼ e mǒ ghaŋ, biʼ yém yeé kilùme wàa fəə́r kirəm ke rəʼtìn kí.

Yòv Viŋgér 1:3

Kiyóʼóy ké ke bìʼ ki rəm, rəʼtìnè, aà kù dzə̀ é kilùm moo kirə̀ʼtìn ke bìʼ rə̀n. Á nsàv ye wónlě ŋgòne kù kpú kpuún e wò bàm.

Yòv Viŋgér 4:10

Yeè lav wom woo shilív shém, à maʼ wó e mǒ wùn, la m yòʼ kìíy fo m dzəə̀n. Nyomèr ye à nyomèr shilív shémé boŋ shaa meluʼ, a kirəm ke kí fəə́ fo wò kiyoʼóy ké bìʼ ki shaà ké kfəə kilay e dzə̀m.

Ŋwàʼ Luk 10:42

a kinyo ke kí dzəə̀n é shií kí dzə̀ kimòʼón. Maria shòʼ ne kee shooy, a bó á yòʼ dzəə́ wìy sə fo fo.»

Ŋwàʼ Luk 7:46

A bó à yoʼ lò sòr kitú kém, a fə̀m dzə̀ e meŋgvə́r mè. Yii bèy, a wiíy və̀n kì sòr ne wúu yém a dzə̀ e biʼi.

Joon 11:2

A Maria wo fər və‑əə̀ joy və̀n dzə̀ wo wù‑uù yoʼon wuú Jesus e biʼ yímóʼó, a səŋrí e nə́ŋ sə́ sí.

Joon 11:28

Mo Maata suuyin bey, e nèn lò, e dù, e yòŋ fə́r və Maria, e sə̀mrì sho jii, «Tàr à wíri wìy ne, a wù taʼ, e yen wò.»

Joon 11:32

Maria dù, e yèn Jesus, e tsə̀m é si wo, a suúy sho jii, «A wò‑oò dzə̀ fen, bo bó fər wom yoʼ kpù.»

Joon 19:39

Nikudemon wo wù‑uù loòn é ghan símóʼ sí vitsə́ʼ, e dù, e ghàn Jesus, nèn wìy sa fo, a wù kér kifú ke rəʼtìn kímóʼ kí, ke á yoŋ ji *mer wùn à ke á yoŋ ji *alo ki moo kilu mtaár bèy.