Joon 11:4 - ŊWÀʼ NYÙY

⁴ Jesus yú, e sùúy jii, «Bó yàsí və̀n yòʼ dzə̀ wo kpu. Kù dzə̀ ji wù yii, aá yén mo vitaáví vé Nyùy vi dzəə̀n, a burí a dzə̀ ŋgaà wo dzəə̀n Wan Nyùy.»

Joon 11:4 Iomraidhean Croise

Ŋwàʼ Fəə 16:7

Bvəə́shi lòo dzə kijàvndzə, é vèn yén mo vikuʼùy vé Nyùy Tàr ví dzəə̀n. Nyùy Tàr yù ne ghvəʼ ye vèn ghvəʼ wun. Bó vèn yòʼ ghvəʼ a dzə̀ ver. Vèr dzə̀ kér ala?»

Joon 10:38

Vèn yén, a m kù yii a dzə̀ vinyo vee shoon, a bó vèn yòʼ fə̀m koŋ, e biíme kinyo ke m suuy e mǒ kitu, vèn kù biìmé bìʼ vinyo ve m yii vìn, é vèn nèn wìy kìíy rú kijuŋ ji kù dzə̀ vèr Tàr wor, a vèr wun dzə̀ ji kitú kimòʼón.»

Joon 11:40

Jesus bìnèr sho jii, «M yoʼ lò sùúy e wò jii, aà wày a dzə̀ shilív e mǒ wùn, à yiì yèn mo vitaáví vé Nyùy vi dzəə̀n a?»

Joon 12:28

Wù nèn yòŋ jii, «Tàr, ku yiì, é wíri wáa ghvəm a dzə̀ yír yé.» Jì Nyùy nèn sùŋnín fo yuv jii, «M yiì ne, á wáa ghvəm, a m kfə̀n wíy yiì.»

Joon 17:1

Mo Jesus suuyin vinyo vìn ví mày, wù nàn sí, e lèéy yúv, e yòŋ jii, «Tàr, ghán sí ghèén ne. Ku dìn rì vikuʼùy vé Wan wò vi ji wíri lóo yen, aá wáa yen vikuʼùy a dzə̀ vé.

Joon 17:10

Wír ve m kér adzə̀me kù dzə̀ ji vé, a vée dzə̀ vém. A dzə̀ áwune vin ve á din mo vikuʼùy vém ví dzəə̀n.

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Joon 2:11

Jesus‑eè yiì kinyo kìn e Kaana woó Galeli foo fèy, a dzə̀ kiŋgaʼnìn ke kinyò ke mbìy ki ke wù‑uù dìnèn, wíri wáa yen vitaáví ve Nyùy foon shó. Mo wón və́ lìme yenen, e nèn màysì, e wày shilív é wùn wó.

Joon 5:23

é wìr dzə̀m fíʼ a ghvəm Wán və réŋréŋ mo á ghvə́m wun woo Tàr. A wìr dzə̀ là fó a ghvəm Wan Nyùy, bo bó ŋgaàŋ yòʼ ghvə́m sa Tàr wov wo wù tumen wun.

Joon 8:54

Jesus bìnèr jii, «A m lò, a suúy kitú kém, bo dzə̀ kinyo kisáŋ. Kù din Tàr wor mo m dzəə̀n. A kù dzə̀ wun woo shó wo vèn yoŋ ji Nyùy won.

Joon 9:24

Vé wòŋe kfən lò, e jàŋ wír wo yì‑iì siìn mfìr woo shooy fo akàŋ vee abaà, a suúy sho jii, «Lìʼ yír Nyùyi, e sùúy kinyo ke ru kí. Vèr kì féyì ji Jesus və̀n dzə̀ á wír wo bi.»

Joon 9:3

Wù bìnèr jii, «Bó yòʼ dzə̀ ji lòné lò fo wìr və̀n, kìn fo tàr wov wùn yè wov. Vé‑eè dzə̀ə́, a sì mfìr bèn ji Nyùy fiʼ wìy dìn vitaáví və́ é wùn wó.

Ŋwàʼ woó Rom 11:11

Ke m gháy ki nén a dzə jii, wír veé Israyi sà bàyrìn e Jesus Kristu kitu bèy, e gbù, e kù nèn gòʼ fo, a bó á yòʼ dzəə́ wìy nànèn a? Bó yòʼ dzə̀ bey. Ke kí dzəə̀n kí dzə̀ jii, áwune jày, e tèn kinyo ke Kristu, kí nen dù a dzə̀ fo wír ve bó yòʼ dzəə̀n veé Israyi. A Nyùy‑iì yiì bey, ji wír vee shooyi wáy shilív shó, é veé Israyi lóo yen, aá kfə́n a siimé.

Filipi 1:11

A vèn wíy a wàrkìr, bìʼ fo vèn à Jesus Kristu tatin ne, wù wáa yiì, vèn wáa ker liì wo dzəə̀n wo wìr Nyùy, a wù din a dzə̀ vikuʼùy vé wun woo Nyùy, kóʼor yír rə́.

Filipi 1:20

Kinyo ke m taʼ feyì, e way vifií shó cáʼ ki dzə̀ ji lá kí yòʼ kòóy a ji m yii kinyo ke kí wáa fo mo woómé. M kú a kur shilív, a tiy kitávín ghán sidzə̀m, bo taaka lèn və̀n, kìn dzə̀ ji á yúyri mo, kìn m goʼ e tin, é kinyo ke m yii kidzə̀m ki wáa meér yír a dzə̀ yé Kristu.

1 Pita 1:21

Vèn nén a way shilív e Nyùy wùn lèn, a dzə̀ bìʼ Kristu wo wù‑uù tumen, wù wìy, e kpù fo vèn. Wù kfən fə̀ə́r fo kpu, e bùʼ e vikuʼùy və́ ví. Melív men mè nén a tiy lèn a dzə̀ e Nyùy wùn, vèn wáa leéy fó mbìy ji wù li sá ven, e wày e wùn mvə̀m vijùŋ foo fèy.

1 Pita 4:11

A Nyùy bùʼ wír, wù kiíy mo dzə̀ wù fìʼtì kinyo, ŋgaàŋ wàa fìʼtì a dzə̀ kinyo ke kí lo fo Nyùy. A wo wìr woo mbùʼmé dzə̀ ji wù wáa sə wíri, ŋgaàŋ kù bàʼtí vitaáví ve Nyùy foon e wun vee shooy vidzə̀m, a sə wíri shó kijuŋ. Vèn ku nèn a yiì vinyo vidzə̀m bèy, ji wíri fíʼ a burí Nyùy bìʼ Jesus Kristu wo wù bánri ven, é bo á wáa yiì. Vèsən wáa burí wun, a koʼór yír rə́, é sáʼ rəə́ wáa dù fo mbìy viyá viyá, là may. Amen.

1 Pita 4:14

Kí nén a dzə jii, a wíri lò, a suúy vinyo e věn bàm kisáŋ ji bìʼ fo vèn dzəə̀n wír Kristu, vèn kù lì ji bòŋ a vishí vén, bìʼ fo ghán see shooy si dzəə̀n se vèn yú mo Kiyoy ke Nyùy ke kí kér vitaáví ve ghaʼán kí lim e věn wùn.