Joon 10:9 - ŊWÀʼ NYÙY

⁹ Dzə̀ mo shúu kày. Wìr wo wù shaàn shó, e nə̀ə́ wíy lùŋ moo njiì wo wù fəə́ fo kày, yíkir, kfə̀n kfə́n e kày.

Joon 10:9 Iomraidhean Croise

Nsùyrì Nyùy 95:7

Wù dzə̀ Nyùy wòsən. Vèsən nén a dzə wír və́ ve wù danèrì. Vèsən dzə̀ moo njiì wo wù leey fo fo. A vèn yù, a Nyùy yoŋ ven lán,

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

Esiker 36:38

M wíy siìr ŋkà se laʼ sév, é wíri rún shó, a dzə mo ŋgoo se bvəy si lo, sí rùn é ŋkàlaʼ Jerusalem e ghan se á kér viŋkàʼ vee shó. Aáwune nèn kìíy ji m dzə̀ á Nyùy Tàr.»

Sekariya 10:12

Mo woo Nyùy Tàr, m wíy luŋ wír vém, aá wáa dzə antav, e yiì, aáwune wáa ghan e mǒ mbòv. Suuy mo woo Nyùy Tàr.»

Joon 10:1

Jesus kfən sùúy jii, «Vèn wáa kiíy rúrú jii, wìr wo wù shaa shúu kày njiì, du, kóʼ a dzə̀ fó bàm, ŋgaàŋ dzə̀ shóŋ, a wù wiy a dzə̀ kimfaàsì.

Joon 10:3

Wù lóo wìy, wìr wo wù shiy shúu kày kù nèn mvə̀ʼ. Wù nəə, wù yòŋrì njiì və é yír, yir, á kù nèn kìíy jí rə, e wìykìr, wù tsəə̀né, e fəə̀ shó fo kày.

Joon 10:7

Wù nèn a suúy jii, «Vèn wáa kiíy rúrú jii, dzə̀ mo shúu kày wo njiì shaa sho.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Efesor 2:18

Vèsən adzə̀m nén a dzə lèn, a dzə̀ á wàa beè Kiyoy ke Ranén kí, a koʼtí e Nyùy woo Tàr wòsə́n si. Aá kù bee a dzə̀ Kiyoy kee shó kimòʼón.