Joon 10:8 - ŊWÀʼ NYÙY

⁸ A wír ve vé‑eè wìyìn fó mbìy, a teʼ mo é sii dzə̀ ashóŋ. Vé‑eè wiy a dzə̀ kimfaàsì, a bó njiì yòʼ‑oò ló a yu jí yev, a jùmrì áwune.

Joon 10:8 Iomraidhean Croise

Jeremia 23:1

Nyùy Tàr suuy jii, «Lòné dzə̀ wó vilìmbìy ve ví maʼày wír vém, moo nshìy bvəy wo bi, aá táʼri.»

Esiker 34:2

«Wàn wìr msòŋ, tiísí ntum yem, a roòmè vilìmbìy veé Isray vi. Ku roòmè áwune ve á shiy njiì womé, e sùúy ji ke Nyùy Tàr woo Taà Ndzə yoŋ aáwune kí dzə̀ á jii, ‹Ébéèy, anshìy veé Isray, lòné shòʼ ne ven, ven ve á yí vitú. Vèn yòʼ dzəə́ leey njiì wom a?

Tsəfaniya 3:3

Və́ vé saʼa nyamkìr moo abvərə̀ʼ, wír və́ ve á tínen nsaʼa dzə̀ akoosàʼ, á yí kifá, e làa yòʼ a ber kee kibvəə́shí.

Sekariya 11:16

Á ku yuùrí, m lo, e lèm nshìy wùmòʼ é wòŋ, a bó wù yòʼ ghán a gwàrìr njiì wo wù sí kpúkirì, kìn ji wù wáa ci wo wù taʼrin ne, e bóo yiì a fèr ve á kivkin, e bóo fə̀m a yiír ve á dzəə́ tíyí. Wù wíy a dzə kfə́, a bvəʼ ve faŋkìné bvə́ʼə́n é wùn, a bvəʼ bèn, à mfay si shó.

Joon 10:1

Jesus kfən sùúy jii, «Vèn wáa kiíy rúrú jii, wìr wo wù shaa shúu kày njiì, du, kóʼ a dzə̀ fó bàm, ŋgaàŋ dzə̀ shóŋ, a wù wiy a dzə̀ kimfaàsì.

Joon 10:27

Njiì wo dzəə̀n wóom e dzə̀m yú jí yem, wù kù nèn kìíy, a wìy e mǒ bàm. M kì wír vém adzə̀m,

Joon 10:5

A bó yòʼ dzə̀ á shèm e wìr wo sə́n bàm. Á kù nyéŋ ŋgaàŋ nyéŋén, bìʼ fo bó á yòʼ kiìn jí rə.»

Lim Aŋgàa Ntum 5:36

Vèn wáa kuumé ji kù‑uù dzə̀ é ghan símóʼ sí fen, wìr wùmòʼ nànèn, aá yoŋ ji Tudar, a suúy ji wun dzə̀ wír wo kuʼùn wùmòʼ. Wíri tátí wun moo ghii kweè bèy. Á wìy yùyrí wun, wír vəə́ táʼrí, kinyo kfə́ kí lày.