Joon 10:6 - ŊWÀʼ NYÙY

⁶ Jesus yòv ŋgàn rə̀n, la wíri yòʼ kìíy kinyo ke wù fiʼsìn sho gheéy.

Joon 10:6 Iomraidhean Croise

Nsùyrì Nyùy 106:7

Atàr vérí‑iì dzə́ e Ejiv, a bó á yòʼ‑oò ló a yen viŋgaʼnìn ve vinyò ve Nyùy‑iì yii, sí yéví wáa run. Áwune yòʼ‑oò ló a kuumé mo wù‑uù rə́si din koŋ rə́ aáwune. Á ku nèn a tsəy kóy wùn à Nyùy e shùu Rìbà Ndzə̀v wo Baar.

Nsùyrì Nyùy 82:5

«Bó vèn yòʼ kì vinyo, vèn jiŋ jìŋèn. Vèn ghán a dzə̀ é mvə̀m vinyò ve bi ví, kinyo kee ji á tínén é nsànloŋ ki nen lày fo wòŋ.

Ŋgàn 28:5

Wír ve bií yòʼ yii kiiy kinyo kee tínén é nsànloŋ, yii bèy, a wír ve á ghvə́m Nyùy Tàrí kì kee shooy feyì kidzə̀m.

Aysaya 56:11

Áwune kù sì ji jwí se sí səŋnìn vifá ve yi sə́ŋnin. Aá fə̀m yìkír e le, bo bó yòʼ dzə̀ buù kpù. Anshìy wìr veé Israyi yòʼ kér vifií. Áwune adzə̀me kù sí yii kinyo a dzə̀ ke kí gheen áwune, a wìr kù taʼ a dzə̀ və́ə woo séʼ.

Daniel 12:10

Wír aníne wíy a shaà e mvə̀m vinyò fèn, é ví wáa shèŋrì áwune, a ranér, aá wáa dzə ajuŋ. Yii bèy, a wír ve á méŋ Nyùyi wíy shaà fo mbìy wùn à liì kisaŋ wov, a bó wìr fo áwune yòʼ wíy a gwàrìr kinyo. Ké wìr ve á kiiy jeéyjeéy fó vinyò ki dzə̀, aá wíy a gwàrìr mvə́m se vinyò vìn.

Matio 13:34

Jesus kù‑uù fer vinyo vìn vidzə̀m e màŋgòŋ, yov a dzə̀ é ŋgàn. A bó yòʼ‑oò dzə̀ wù fèr kinyo aáwune, a bó wù yóv a dzə̀ é ŋgàn gheéy.

Matio 13:51

Jesus nèn dzə̀r e wón və́ lìme jii, «Vèn kù yòʼ yú vinyo ve m kì kèʼèn, a suúy vìn vidzə̀m a?» Á biímé.

Maak 4:34

A bó yòʼ‑oò dzə̀ wù sùúy kinyo aáwune, a bó wù yóv a dzə̀ é ŋgàn. Wù yíi lóo dzə wùn à wón və́ lìme, wù nèn a màysì, a sanrí nsàv ŋgàn see shooy sidzə̀m.

Joon 16:25

«Mò‑oò rə́si fer vinyo e vèn a dzə̀ é ŋgàn, a ghán se m wíy a fèr tìítiy, a fìʼ kiránén mo Tàr wor dzəə̀n sí sí gheenè.

Joon 16:29

Wón və́ lìme nèn bìnsí jii, «Á lèn wo à suuyin kinyo, kí rán, e làa yòʼ dzəə màʼ a dzə̀ é ŋgàn.

Joon 6:52

Vé wòŋ vìyi yú kin, e nèn kèʼ, a kfə̀ynìn jii, «A dzə̀ wìr və̀n fò wún və́ ji vèsən yí é le?»

Joon 6:60

Aŋgaà və́ ŋgoo yuúri yéʼéy rə̀n, kùʼùn wìr nèn lò, a nyàysì ji lám vəə́ tàv á feyì. Bó yòʼ dzə̀ wìr rə̀sí, a yuurí a kinyo kee ben.

Joon 7:36

Kí búŋ fó bèy, bo yiì ka, bo wù wáa suúy ji vèsən wíy siíy, a tàʼ wun, e làa yòʼ yen, a bó yòʼ dzə̀ vèsən wìy fo wun du?»

Joon 8:27

Wù suúy bey, la á yòʼ kìíy ji wù yoŋ ŋgaàŋ a dzə̀ á Nyùy woo Tàr wov.

Joon 8:43

Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.

1 Korin 2:14

A bó yòʼ dzə̀ wír wo wù buŋen Kiyoy kee shoon fo wùn shiliv, wù wáa kòŋ fó koóy ambùʼmé ve Kiyoy ke Nyùy ki din vìn. Wù lo kfə́, wù nèn a yen ji vinjeenjèm ve vinyò. A bó yòʼ dzə̀ wù kìíy mo á dzəə̀n, bìʼ fo kù yii Kiyoy ke Nyùy, bo wìr wáa kiíy.

2 Pita 2:22

Kfə́ə wìr vee béne yii a dzə̀ kinyo ke á maʼ ŋgàn sho jii, «Jwi suʼ kifá fo shuù, yì kfə̀n a yi.» Kfə̀n maʼ jii, «Á su kǔnnyàm, wù kfə̀n dzə̀ŋrí e kishàʼàr.»

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.