Joon 10:5 - ŊWÀʼ NYÙY

⁵ A bó yòʼ dzə̀ á shèm e wìr wo sə́n bàm. Á kù nyéŋ ŋgaàŋ nyéŋén, bìʼ fo bó á yòʼ kiìn jí rə.»

Joon 10:5 Iomraidhean Croise

1 Afòn 22:7

Fòn Jehoshafat dzə́r jii, «Ŋgaà ntum wo dzəə̀n wo Nyùy Tàr yòʼ dzə̀ fen wo dzə̀ á tàr fó fo à?»

Ŋgàn 19:27

Wan wòm, tén ri fó a yu ntir, áà yén mo kiyúŋsì ki yíi sùm wò.

Maak 4:24

Wù kfən sùúy jii, «Vèn lóo yuurí kinyo ke Nyùy, vèn wàa kiíy, a səə̀m ke kí dzəə̀n, a kiíy jii, mo wìr səəmè, kù dzə̀ mo Nyùy yíi siìr e ŋgaàŋ, e kfə̀n dzə̀sì.

Ŋwàʼ Luk 8:18

Kí nén a dzə jii, vèn lóo yuurí kinyo ke Nyùy, vèn wàa kiíy, a səə̀m a kijuŋ, a kiíy jii, wír wo wù kér kifá, á yíi dzə̀sì. Wìr wo wù buŋen, aá maysì shishàr she wù kwaʼ ji wun kérí, e gèr gérín.»

Joon 10:16

A m kér sa njiì wùmòʼ, a bó wù yòʼ sì é ŋgoo fèn. M kér fó yìi baʼtí woo shooy e dzə̀m, aá yíi a yu jí yem, a wìy, é ŋgoo njiì nèn a dzə e mòʼón, é nshìy wáa dzə sa e mòʼón.

Joon 10:4

Wù fəər ve dzəə̀n və́ adzə̀m, wù nèn shèm fó mbìy, a yòŋrì, á wàa wìy fo bàm, bìʼ fo á kiìn jí rə.

2 Timoti 4:3

Kú a kiíy ji ghán sí waà sí gheenè, se wíri yòʼ wíy a kòŋ fó a yuurí kinyo ke dzəə̀n ke ru kí. Á kù wíy a kòŋ a dzə̀ kinyo ke vituʼùr vév ví yur ji á wáa yu, e nèn a baʼtí vév vee aŋgàa yeʼéy, aá wáa fìʼtì a dzə̀ kinyo ke melív mev mè tíy sho.

1 Joon 2:19

A wír vìne kù fəə́kir a dzə̀ fo vèsə́n mvəm. A bó yòʼ‑oò dzə̀ wír vee vèsə́n mvəm. A yì‑iì dzə̀ vee vèsə́n ŋgoo rú, bo bó á yoʼ kfə̀n fəə̀kír. Mo á fəəkin, kí nen dìn kiránén ji bó á yòʼ‑oò lo tàtí a vèsən.

1 Joon 2:21

A bó m yòʼ sáŋ ŋwàʼ və̀n fo vèn ben ji vèn dzəə́ méŋ a vinyo ve ru ví. M sáŋ bìʼ fo vèn kiiyin ne. A vèn kì sá kijuŋ ji wìr wo wù tíy kfə́ a dzə̀ e Nyùy kinyò ke ru kí yòʼ dzə̀ á wù wàa boʼtí kimboʼtì.

Ŋgaà Yen 2:2

M kì vinyo ve juŋ ve vèn rə́si yii vidzə̀m, e kfə̀n kìíy mo vèn rə́si katìr e Nyùy kinyò, sə́ vinyo vidzə̀m, kù dzə́ ji nyaáŋ. A m kfə̀n kì sá ji bó vèn yòʼ biíme a ji wír ve bií wáa ghan e věn mvəm. Wíri‑iì lóo sə ŋgúm ji áwune dzə̀ aŋgàa ntum vém, vèn kù nèn tàr, e yèn ji á bóʼti a bòʼtín.