Joon 10:4 - ŊWÀʼ NYÙY

⁴ Wù fəər ve dzəə̀n və́ adzə̀m, wù nèn shèm fó mbìy, a yòŋrì, á wàa wìy fo bàm, bìʼ fo á kiìn jí rə.

Joon 10:4 Iomraidhean Croise

Yòv Viŋgér 2:8

Èhéè, vèn yuúrí, ŋgaà ŋkòŋmé wom sí méʼ fo mentsə̀m. Wù yá agwan, líy, yáʼay aŋkoŋ.

Yòv Viŋgér 5:2

Yì‑ii dzə̀, a m néŋ e kikun, buúne, a shilív shém shí kù tar vinyo, m yú jí tàr à wíri woo ŋgaà ŋkòŋmé wom. M yú, a wù kum nshìy, yoŋrì mo yóŋrin. Yeè lav fo mò, shilìv shem, kibìŋ kém, ŋgaà wo m shavin shávín, ku mvə̀ʼ lav, é m nəə́ shó. M tìím ne e ndzə, ŋwéʼe gbú e mǒ kitu. Wuú vitsəʼə́ fə̀fə̀ ne, nə́ŋ si rə́ fo mǒ kitu sidzə̀m.

Matio 16:24

Jesus suúy bey, e nèn sùúy e wón və́ lìme jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, e lì moo kintam, a ghan sho e mǒ bàm.

Joon 10:16

A m kér sa njiì wùmòʼ, a bó wù yòʼ sì é ŋgoo fèn. M kér fó yìi baʼtí woo shooy e dzə̀m, aá yíi a yu jí yem, a wìy, é ŋgoo njiì nèn a dzə e mòʼón, é nshìy wáa dzə sa e mòʼón.

Joon 10:27

Njiì wo dzəə̀n wóom e dzə̀m yú jí yem, wù kù nèn kìíy, a wìy e mǒ bàm. M kì wír vém adzə̀m,

Joon 10:3

Wù lóo wìy, wìr wo wù shiy shúu kày kù nèn mvə̀ʼ. Wù nəə, wù yòŋrì njiì və é yír, yir, á kù nèn kìíy jí rə, e wìykìr, wù tsəə̀né, e fəə̀ shó fo kày.

Joon 10:5

A bó yòʼ dzə̀ á shèm e wìr wo sə́n bàm. Á kù nyéŋ ŋgaàŋ nyéŋén, bìʼ fo bó á yòʼ kiìn jí rə.»

Joon 10:8

A wír ve vé‑eè wìyìn fó mbìy, a teʼ mo é sii dzə̀ ashóŋ. Vé‑eè wiy a dzə̀ kimfaàsì, a bó njiì yòʼ‑oò ló a yu jí yev, a jùmrì áwune.

Joon 12:26

A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»

Joon 13:15

Kinyo ke m yiìn kin ki nén a dzə mfìʼ ye vèn wáa yiì sa mo m yiìn.

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»

Joon 3:29

Wìr wo wù kooy jín dzə̀ lum jìn. Ŋkar rə lóo tiy fo ghaŋ, lóo yu mo wù yoŋrì, wù wàa sheʼrí sheʼrín. M nén a dzə sa moo ŋkar lum jìn, a sheʼrí lèn feyì.

1 Korin 11:1

Vèn kú a bìʼnìn mo réŋréŋ mo m biʼnìn Jesus Kristu.

Efesor 5:1

Vèn wáa kuumé ji vèn dzə̀ wón Nyùy, a wù koŋ ven é ŋàŋ. Vèn ku nèn a yiì mo dzə̀ wóné wàa yiì, a bìʼnìn liì a dzə̀ wo Tàr wov.

Remrí 1:30

Nyùy Tàr woo Nyùy won wo wù danèr ven, wúnwun yíi fùnèn, e màʼ rə́r sén réŋréŋ mo wù‑uù fùnèn é Ejiv, a vèn yéné.

Hibru 12:2

a leéy a dzə̀ fó mbìy fo vèsən du, e jòʼsì, a dzə̀ e Jesus wùn. Dzə̀ wun wo wù yiìn, vèsən wáa way shilív e Nyùy wùn, a kù wíy lì wun vèsən, e way e Nyùy kiwo ŋkuuŋkùŋ. Wù‑uù dzə̀ é nsay fèn, e biìmé ji wun ku yiì mo Nyùy sìysìn, e kpù é kintam moo ŋgaà jay, e làa yòʼ a ci woómé se sí dzəə̀n é kfəə kpu foo fèy. Wù‑uù leey kfə́ a dzə̀ vijuŋ ve ví dzəə̀n fó mbìy. Wù nén a dzə lèn e yuv, a dzə e Nyùy ghaa kàvàʼ, e koy yìyí.

Hibru 6:20

bìʼ fo Jesus nəən ne fo e vèsə́n mbìy, a wù dzə́ wùn Nyùy lèn ji taà cù wòsən wo kùʼùn wo wù dzəə̀n moo *Melkisedek, lón fo vèsən ghán sidzə̀m, e dù, e mày.

1 Pita 2:21

A dzə̀ mo Nyùy‑iì liìn ven ji kí wáa koóy ven réŋréŋ mo kí‑iì kooy Kristu. Wù‑uù yén ŋgeʼ a dzə̀ bìʼ ven ji vèn li mfìʼ fo fo, a yiì a mo wù‑uù yii.

1 Pita 4:1

Vèsən kì ji Jesus‑eè lì wún wìr, e biìmé ŋgeʼ, a sòrkìr. Vèn ku nèn bàʼtí wún wón sá ji dzə̀ vèn wàa sòrkìr bèy, a kiíy ji wìr biíme ŋgeʼ, lóo kom aghàghir, bo bó yòʼ dzə̀ vifií və́ ví kfə̀n a tiy e vinyò ve bi ví.

1 Pita 5:3

Lá vèn yòʼ a ker liì ŋaáka vèn à wír vee shoone. Vèn wáa dìn a dzə̀ liì wo juŋ wo dzə̀ á wàa yen, a jùmrì.