Joon 10:3 - ŊWÀʼ NYÙY

³ Wù lóo wìy, wìr wo wù shiy shúu kày kù nèn mvə̀ʼ. Wù nəə, wù yòŋrì njiì və é yír, yir, á kù nèn kìíy jí rə, e wìykìr, wù tsəə̀né, e fəə̀ shó fo kày.

Joon 10:3 Iomraidhean Croise

Nsùyrì Nyùy 80:1

Éè nshìy wìr veé Isray, ku yù tóŋ yérí, wò, wo à danèr rám Joosev mo á dànèr njiì. Wò, wo à dzə́ e kàvàʼ e *vifá veé yuv ve ví kér vav si ví nsàn, ku dìn kitú ké ki e rám Efrayime wùn à yé Benjamine, à yé Manassèe. Dùŋrì vitaáví vé vi, e wìy, e lùŋèr ver.

Ŋwàʼ Fəə 33:17

Nyùy Tàr kfən sùúy e Mooser jii, «M kù yíi yiì réŋréŋ mo à kì lonen, bìʼ fo m koŋ wò, a m kì wò feyì ji wír wom.»

Ŋgàn 27:23

Á leéy fo wò nyàm kijuŋ, a way vifií ví e wò ŋgoo se bvəy.

Yòv Viŋgér 8:13

Á bèy shilìv shem, wo à dzə́ e kiboo fen, aŋgaà vém ŋgoo sí yuúri ji á yú jí yè, ku sùŋnín é m yú ke à lo, a yòŋ.

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

Aysaya 42:16

«M wíy dànèr wír vém vee amfìr, aá ghán é dzəə ye á yòʼ‑oo shaá ne sho. M wíy a dànèr áwune, a dù sho e nshwàn wo á yòʼ‑oo tiír ne kiwuú shó. M wíy tsə̀ʼ ndzə ye sənér fo áwuné kitu, aá yén rán, e siìr virə́ʼ vév ve ví dzəə̀n vikóŋkóŋ vikóŋkóŋ, é ví kfə́n é leŋ, a dzə ji fèm. Á kinyo ke m wíy yiì bìʼ áwune, a bó m yòʼ wíy màʼày áwune.

Joon 10:14

Dzə̀ mo nshìy njiì wo juŋ. M kì njiì wo dzəə̀n wóom, a njiì wom kì sá mo,

Joon 10:16

A m kér sa njiì wùmòʼ, a bó wù yòʼ sì é ŋgoo fèn. M kér fó yìi baʼtí woo shooy e dzə̀m, aá yíi a yu jí yem, a wìy, é ŋgoo njiì nèn a dzə e mòʼón, é nshìy wáa dzə sa e mòʼón.

Joon 10:4

Wù fəər ve dzəə̀n və́ adzə̀m, wù nèn shèm fó mbìy, a yòŋrì, á wàa wìy fo bàm, bìʼ fo á kiìn jí rə.

Joon 10:9

Dzə̀ mo shúu kày. Wìr wo wù shaàn shó, e nə̀ə́ wíy lùŋ moo njiì wo wù fəə́ fo kày, yíkir, kfə̀n kfə́n e kày.

Joon 6:37

A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Joon 6:45

Vé‑eè sàŋ é Ŋwàʼ Aŋgàa Ntum Nyùy jii, ‹Wíy a yeʼéy Nyùy áwune adzə̀m.› Kí nén a dzə jii, wír wo wù yuúri yéʼéy Nyùy Tàr yee shooy, kiiy mo yí dzəə̀n, dzə̀ á wo wù wiy sa, yén mo.

Ŋwàʼ woó Rom 8:30

Mo Nyùy shoʼon áwune bey, e nèn lì ji wír və́, e nàŋsín ji wír vee là jay, e kàʼ ji áwune wíy nəə́ sa e wùn mvə̀m vijùŋ.

1 Korin 16:9

M kòóy ne kintóʼ ke kuʼùn kí fen ke dzə̀ m wàa lìm lim Nyùy sho. Mo wír ámóʼó fə̀m ban mo fen anín, m kì ji lim rə̀ne wíy a ker a séʼ wo kuʼùn.

Filipi 4:3

M nen kfə̀n a suúy e wò woo ŋgaà wom ŋgoo feyì ji à ku sə̀ á vikìy vee shooy, aá mán vinyo vév. Dzə̀ wír ve vèr áwune‑eè katìr, fiʼtì sáʼka Nyùy wo juŋ, a yì‑iì fiʼtì vèr à Kilemon, aàŋgaà vém ŋgoo ámóʼó sá. A wír vìn adzə̀me dzə̀, a Nyùy sàŋ ne yír sév é ŋwàʼ wo á sáŋ yír sé wìr ve á wíy lùŋ sho.

Kolosia 4:3

Vèn kfə́n a bùnrì sa fo vèr, a lon ji Nyùy ku fò ver kintóʼ ke juŋ ki, é vèr wáa fìʼtì a kinyo kee kùm Jesus Kristu ke kí‑iì dzəə̀n é kilìr. A m dzə̀ é sháŋ lèn bèn a dzə̀ bìʼ sáʼka woo shooy.

2 Timoti 2:19

Yii bèy, a bó yòʼ dzə̀ kifá ki sə̀ʼ kinsə̀ŋ ke Nyùy wayin gheéy, aá sàŋ shó jii, «Nyùy kì wír ve dzəə̀n ji və́,» e kfə̀n sàŋ jii, «Wìr dzə̀m wo wù suuy ji wun dzə̀ wir Nyùy, kù kér fó a màʼtì vinyo ve kisaŋ vi.»

1 Pita 1:12

Nyùy nèn yiì, áwune kiíy ji vinyo ve áwune rə́si tiísi vìn vi yòʼ waà wíy koóy aáwuné ghan. Ví wìy sìíy, a koóy a dzə̀ e věn kiwo. Nén a dzə víwun ve vèn sí yú lèn fo wír ve á fiʼtì sáʼka Nyùy wo juŋ e vèn, aá fiʼtì a dzə̀ mo Kiyoy ke Nyùy‑iì tumen fó yuv kí bánri áwune, réŋréŋ mo wù‑uù bánri vee fó mbìy. A vèn nə̀ə́ ne lèn e vinyò a dzə̀ ve nshèelav se Nyùy si diy feyì ji á kiíy á mo ví dzəə̀n.

1 Joon 4:6

Mo vèsən dzəə̀n késən wón Nyùy, wìr dzə̀m wo wù kiìn Nyùy nén a yuurí sa vinyo vesən, a bó wìr wo yòʼ dzəə̀n wan Nyùy yòʼ yuúri. Á nén a kiíy wír wo wù kér Kiyoy ke Nyùy ke kí yii suuy a dzə̀ kinyo ke ru kí, e kfə̀n a kiíy wír wo wù jumrì kfə́ a dzə̀ kimboʼtì.

3 Joon 1:14

M leey jii, m táv keèrí kintóʼ, e bóo wìy, é wòsò dzəʼəm fó si, é bo m fer wò vinyo vee shoon vidzə̀m.

Ŋgaà Yen 20:15

Yír wìri‑iì búŋ fo ŋwàʼ wo vé‑eè saŋen yír sé wìr ve á wíy lùŋ sho, á kù màʼ ŋgaàŋ a dzə̀ é kimbiirìn ke və̀y fey.

Ŋgaà Yen 3:20

Vèn yú, m tíy e shùu lav, kumrì. A wìr yù jí yem, e mvə̀ʼ, m nə̀ə́ e wùn lav, é vèr wun dzəʼəm, a yikír.

Ŋgaà Yen 7:17

bìʼ fo Wàn Njiì wo wù dzə́ e shùu kàvàʼ wíy a shìy áwune, a dànèr áwune moo njiì, a dù sho fo adàn ve á fəər mendzə́v me mè fó dzəʼə̀m yee là mayi dzəə̀n. A Nyùy wíy sòr mensíy medzə̀m fo wír vìné si.»