Joon 10:2 - ŊWÀʼ NYÙY

² Wìr wo wù nəə kfə́ a dzə̀ fó shùu kày tìítiy dzə̀ nshìy njiì.

Joon 10:2 Iomraidhean Croise

Nsùyrì Nyùy 23:1

Nyùy Tàr shiy mo mo nshìy shìy njiì və, m yòʼ kfə̀n búŋ kifá.

Nsùyrì Nyùy 80:1

Éè nshìy wìr veé Isray, ku yù tóŋ yérí, wò, wo à danèr rám Joosev mo á dànèr njiì. Wò, wo à dzə́ e kàvàʼ e *vifá veé yuv ve ví kér vav si ví nsàn, ku dìn kitú ké ki e rám Efrayime wùn à yé Benjamine, à yé Manassèe. Dùŋrì vitaáví vé vi, e wìy, e lùŋèr ver.

Ŋgaà Tàrvìnyò 12:11

Jí se fiì sí dzə̀ moo mbàŋ ye nshìy danèr nyám sho, a ŋgàn se á baʼtin sí dzə̀ moo mban se sí njímé.

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

Aysaya 63:11

Á bèy, wír veé Israyi nèn kuùmé ghán sé mbìy si, ghán se Nyùy Tàr‑iì yii vinyo aáwuné mvəm, shaa fo Mooser. Áwune nén a ghay jii, «Ŋgaà wo wù‑uù tòʼòn dzə́ə é rìbà ndzə̀v, e tùmér vilìmbìy veé Isray sho bèé? Wìr wo wù‑uù tsənsin Kiyoy kfə́ ke Ranén kí, kí wáa dzə e wír veé Israyí mvəm bèé lèn?

Esiker 34:23

M wíy shoʼ nshìy wov e mòʼón fo Fòn Davir woo ŋgaà lìm wóm ram. Wù wíy a shìy áwune, a dànèr.

Mayka 5:5

Wù kù wíy a yiì, é wóŋe wáa dzə nyaáŋ. A wír veé Assiriyàa wìy a mùm ji á tiír kiwuú kév e věr nsay, a mùm ji á nəə́ virə́ʼ vér ve tavkín ví e rə́r sí, é ver veé Israyi tsə́nsí antav vee vilìmbìy vér, aá tám wùn áwune.

Sekariya 11:3

Vèn yuúrí, anshìy wírií tóŋé, viwìr vév ví mày ne bèn. Vèn yú mo abvərə̀ʼə́ nyamkìrì, bìʼ fo kóv Jordane bvəʼəmen ne, e mày.

Sekariya 11:5

Wù kù dzə̀, a vé yune seéri, aá yòʼ maʼ ŋgeʼ aáwuné kitu, a vé fiìnèe kwáʼ kiwuú, suuy jii, ‹Buríi wáa dzə fo Nyùy Tàr, vèr kùʼkìr ne.› Bó nshìy yòʼ fə̀m rə́r sa mendzən me njiì və̀n.

Sekariya 11:8

Wáa dzə e mvə̀m ŋwee e mòʼón, m jùm anshìy ataár. Wúné kfən kìn mo bìʼ njiì və̀y, m kòsìn sa fo áwune.

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Matio 15:11

Kifá ki yòʼ dzə̀ shó ke kí nəə nə̀ə́n e wìr shuù ke dzə̀ kí bìvír ŋgaàŋ. A dzə̀ kù bìvír kinyo ke kí fəə́ fəə́n fo wìr shuù.»

Joon 10:14

Dzə̀ mo nshìy njiì wo juŋ. M kì njiì wo dzəə̀n wóom, a njiì wom kì sá mo,

Joon 10:7

Wù nèn a suúy jii, «Vèn wáa kiíy rúrú jii, dzə̀ mo shúu kày wo njiì shaa sho.

Joon 10:9

Dzə̀ mo shúu kày. Wìr wo wù shaàn shó, e nə̀ə́ wíy lùŋ moo njiì wo wù fəə́ fo kày, yíkir, kfə̀n kfə́n e kày.

Lim Aŋgàa Ntum 20:28

Vèn siiy, vèn wàa leéy fo věn vitu, e kfə̀n a leéy fo kintatì ke Nyùy ke Kiyoy ke Ranén kí wayin e věn kiwo. Vèn wáa leéy fo fo réŋréŋ mo nshìy lèéy fo wùn njiì, a kuumé ji Nyùy‑iì tìn kintatì kìn a dzə̀ e mensə́ me Wan və Jesus mè ji wáa dzə wír və́.

1 Timoti 4:14

Ku ghàr a dzə̀ kinyo ke Nyùy bùʼùn wò sho ji à wáa yiì ki, a kuumé mo atǎr kintatìi‑iì dzə̀ʼə̀mèn, e neèr wó yév e wò kitu, a tiisí mbùʼme wò və̀n.

Titur 1:5

Mò‑oò lo màʼtì wò e wòŋ woo Kiret ji à siysi á vinyo ve ví dzəə́ bér e vintatì vee fó. A kí‑iì dzə̀ ji à wáa lèm a atǎr kintatì ntèʼ sidzə̀m. Lóo lèm, à wàa jùmrì a dzə̀ vinyo ve mò‑oò suuyin e wò jii,

Hibru 13:20

Nyùy wo wù yii, a melív mèsən mè dzə́ nyaáŋ kú a leéy fo vèn. Dzə̀ wun wo wù‑uù fəərin Taàtá wòsən Jesus fo kpu, wù wáa dzə lèn ji Nshìy Njiì wo Kuʼùn, a leéy fo wír Nyùyi adzə̀m. Yì‑iì cùtì wun mensə́ mvə, e bóo way wíri e Nyùy mvə̀m *mensàŋ me bó yòʼ dzə̀ mè wìy mày.

1 Pita 2:25

Vèn‑eè dzə́ fo mbìy, ján janén moo njiì wo wù jayin dzə́ə, a vèn kfə̀n ne lèn fo Nshìy won wo wù danèr ven, shiy melív men.

1 Pita 5:4

Vèn lóo yiì bèy, wíy lóo dzə e ghan se Jesus wo dzəə̀n kitú ke anshìy wíy kfən, é wù nə́ŋsí ven e vijuŋ ve dzəə̀n vé Nyùy vi.

Ŋgaà Yen 1:20

Ku yuùrí nsàv se vimfìʼìr vìn si. Mejiy mee saàmbà me à kì yenen e mǒ kiwo ke yìy kí mè tíy fo aŋgàa ntum ve á tiísi kinyo kém é vintatì vee saàmbà. Vitiir ve làm vee saàmbà vi wáa tiy fo vintatì vee saàmbà vee shooy vi.»