Joon 10:16 - ŊWÀʼ NYÙY

¹⁶ A m kér sa njiì wùmòʼ, a bó wù yòʼ sì é ŋgoo fèn. M kér fó yìi baʼtí woo shooy e dzə̀m, aá yíi a yu jí yem, a wìy, é ŋgoo njiì nèn a dzə e mòʼón, é nshìy wáa dzə sa e mòʼón.

Joon 10:16 Iomraidhean Croise

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Nsùyrì Nyùy 86:9

Kù‑uù bòm wò vitúm vidzə̀m, a ví kù yíi a wìy, a sùyrì wò woo Nyùy Tàr, a wùʼsì yír yé.

Ŋgaà Tàrvìnyò 12:11

Jí se fiì sí dzə̀ moo mbàŋ ye nshìy danèr nyám sho, a ŋgàn se á baʼtin sí dzə̀ moo mban se sí njímé.

Aysaya 11:10

Ghán sin si wíy gheén, é taà saʼ wo fíy wo wù wíy fəə fo Jessi ram tiím moo cícíwàr fo wìr dzə̀m woó kitu ke nsay. Vitúm vi wíy a mèʼèm, a wìy, a yen wun e wun kirə̀ʼ ké dzə, a ghvəm wun.

Aysaya 43:6

M wíy yòŋ e vitúm ve ví dzə́ e mbìv yee kuy vi jii, ‹Vèn maʼti wír vémé, aá lo›, e yòŋ e ve ví dzə́ e mbìv yee tsə́n ví jii, ‹Vèn wáa yen fóo səə́r wír vém.› Vèn báʼtí wón vém vee vilume fó virə̀ʼ vee kwaʼda, a wìy sho, e kù bàʼtí sa vee vikìyí, a wìy sho fo ndzəywoŋ.

Aysaya 49:6

«Bó yòʼ dzə̀ à kù jòʼsì cáʼ ji wír wom lìm. Yòʼ dzə̀ cáʼ ji à ku lì rám Jakov, é yí wiy fo mǒ wùn. Yòʼ dzə̀ cáʼ ji à wiy e kibér ke wìr keé Isray ke kí bòyìn kí. Dzə̀ sá ji m yíi nàn wò ji kikaʼày fo wír ve bó yòʼ dzəə̀n veé Israyi, áà yii, é wìr msòŋ woó kitu ke nsay dzə̀m fiʼ lùŋ.»

Aysaya 52:10

Nyùy Tàr sí lo, a dìn vitaáví və́ ve ghaʼán ví, a vitúm vidzə̀m vi lo, e yen e sí yéví. Wìr dzə̀m woó vitum vidzə̀m veé kitu ke nsay lo, e yen mo Nyùy wov luŋèr wír və́.

Aysaya 56:8

Á bèy, Nyùy Tàr woo Taà Ndzə, wun wo wù báʼti wír veé Isray fo kwaʼ nsàm, wù suuy jii, «M dzəə́ yìi baʼtí wír ámóʼó, aá tátí áwune.»

Esiker 34:12

M kù wíy a tàʼ njiì wom réŋréŋ mo nshìy yii taʼ e ghan se və́ə bvəərin. M wíy tàʼ áwune, e fəə́r fo virə̀ʼ ve áwune‑eè taʼrin, e dùkìr sho, e tàʼrí e kishiíy ke ŋgeʼ‑eè nəən áwune, e sùm moo mbàʼ.

Esiker 34:23

M wíy shoʼ nshìy wov e mòʼón fo Fòn Davir woo ŋgaà lìm wóm ram. Wù wíy a shìy áwune, a dànèr.

Esiker 34:6

Njiì wom‑eè bvəə̀rí, a jan e vitu ve agwan, a jan e vitu ve aŋkoŋ. Á kù‑uù sàŋrí kitú ke nsay kidzə̀m, là ŋgaà wóo tàʼ, e bìnèr.›

Esiker 37:22

Kfə́n sho, é m fer áwune ji kitúm kimòʼón e wòŋ agwan veé Isray, é fòn wáa dzə e mòʼón wo wù sáʼ áwune adzə̀m. Bó áwune yòʼ dzəə́ wìy a dzə vitúm vibaà jeéy jeéy, a bó á yòʼ dzəə́ wìy a ker sáʼ jeéy jeéy.

Esiker 37:24

«Fòn wov wíy a dzə wír wo wù fəən fo Fòn Davir woo ŋgaà wom lìm ram, aá wíy a ker nshìy e mòʼón. Áwune kù wíy a tiír kiwuú, a yiì mo vinyo ve m tinen ví dzəə̀n, a ŋeèvì sáʼ yém e dzə̀m, a yiì mo yí dzəə̀n.

Hosea 1:10

«Yii bèy, wír veé Israyi dzəə́ wìy kùʼ, a dzə moo síy seé rìbà ndzə̀v, a bó á yòʼ wíy yu fó taŋ. A kí dzə̀ jii, e kirə̀ʼ fo vé‑eè yoŋ áwune ji ‹Vèn yòʼ dzə̀ə́ wír vém›, dzə̀ fo á wíy a yòŋ áwune ji ‹Wón Nyùy wo wù gòʼòn kàŋ mòʼón.›

Sekariya 2:11

Wíy lòo dzə e ghan fóo fèy, é vitúm vinín vi wáa gbù e Nyùy Tǎr wùn, e kfən ji wír və́. Á bèy, é Nyùy nèn a dzə e věn mvəm adzə̀m, é vèn nèn kìíy ji tùm á Nyùy Tàr woo Taà Mànjòŋ mo.

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Ŋwàʼ Luk 15:8

«Kìn lò wiíy, a ker mbàm e ghvə̀m, sí mbàme lay, wù yèe le? A dzə̀ la wù yòʼ sə̀ʼ lam, e yèr nsaàlav, a tàr, e meé e ghan se wù yíi yen à?

Joon 10:11

«Dzə̀ mo nshìy njiì wo juŋ. Nshìy wo juŋ dzə̀ wo wù biíme, kpú fo njiì və́ kitu.

Joon 10:2

Wìr wo wù nəə kfə́ a dzə̀ fó shùu kày tìítiy dzə̀ nshìy njiì.

Joon 10:27

Njiì wo dzəə̀n wóom e dzə̀m yú jí yem, wù kù nèn kìíy, a wìy e mǒ bàm. M kì wír vém adzə̀m,

Joon 10:3

Wù lóo wìy, wìr wo wù shiy shúu kày kù nèn mvə̀ʼ. Wù nəə, wù yòŋrì njiì və é yír, yir, á kù nèn kìíy jí rə, e wìykìr, wù tsəə̀né, e fəə̀ shó fo kày.

Joon 10:4

Wù fəər ve dzəə̀n və́ adzə̀m, wù nèn shèm fó mbìy, a yòŋrì, á wàa wìy fo bàm, bìʼ fo á kiìn jí rə.

Joon 10:5

A bó yòʼ dzə̀ á shèm e wìr wo sə́n bàm. Á kù nyéŋ ŋgaàŋ nyéŋén, bìʼ fo bó á yòʼ kiìn jí rə.»

Joon 11:52

A bó kí yòʼ‑oò dzə̀ ji Jesus kpú a dzə̀ fo wír veé wòŋ foo fèyi cáʼcáʼ. Wù‑uù wíy kpu ji wù fiʼ bàʼtí wír ve dzəə̀n vé Nyùy fo kitu ke nsay adzə̀m, aá wáa dzə kintatì kimòʼón.

Joon 17:20

«M yòʼ bunrì a dzə̀ fo wír vìne cáʼcáʼ. M bunrì sa fo wíri adzə̀m ve á wíy siíy, a yu kinyo ke wír vìne fiʼtì, a way sa shilív e mǒ wùn.

Joon 6:37

A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Lim Aŋgàa Ntum 15:14

Simon kì sùúy ne mo Nyùy‑iì kèʼèn, e dìn ji wun koŋ sa wír ve bó yòʼ dzəə̀n veé Juda, e shòʼtí ámóʼó fo áwuné mvəm ji və́ vee wír.

Lim Aŋgàa Ntum 18:10

M leey fo wò, a bó yòʼ dzə̀ wìr lèmér wò. M dzəə́ kér wír anín e ntèʼ fen ve dzəə̀n vém.»

Lim Aŋgàa Ntum 22:14

Wù suúy e mò jii, ‹Nyùy atǎr ram yesən shòʼ ne wò ji à kiíy kinyo ke wun woo Nyùy sìysìn ji wun wíy yiì. Wù nen yiì, à yén Ŋgaà və Lìm woo rú e sí yée, e kfə̀n yù, a wù súŋnin fo wùn shuù.

Ŋwàʼ woó Rom 11:25

Afə̀r vem, m nén a tàʼ ji vèn kiíy á kilìtì ke kinyò ke kí dzəə̀n é bǎm kinyò fèn. Vèn kiiyì, é la á yòʼ a sùmrì wún ji vèn kòóy kilíŋ bèn, a sì á vifií. A kí dzə̀ jii, kùʼùn wìr veé Israyi tàv kitú, tèn kinyo ke Kristu lèn, a bó á yòʼ waà wíy ten ŋkuuŋkùŋ. Ghán sí wíy gheén, a wír ve Nyùy‑iì shoʼon fo vèn ve bó yòʼ dzəə̀n veé Israyi biímé ne adzə̀m, aáwune vee wír veé Israyi nèn gbù sa sho.

2 Tesalonika 2:13

Yii bèy, afə̀r ver, vèn dzə̀ kén, a dzə̀ vèr kù a beèrì Nyùy bìʼ ven ghán sidzə̀m, ven ve Taàtá wòsən Jesus kòŋèn é ŋàŋ. Vèr beerì wun woo Nyùy, bìʼ fo wù‑uù shoʼon ne ven fó kèʼ ji vèn wìy lùŋ. A vèn lùŋ a dzə̀ mo Kiyoy kfə́ kí‑iì shavin ven ji vee jeéy, vèn kfən yù kinyo ke Nyùy ke ru kí, e wày shilív shó.

Hibru 13:20

Nyùy wo wù yii, a melív mèsən mè dzə́ nyaáŋ kú a leéy fo vèn. Dzə̀ wun wo wù‑uù fəərin Taàtá wòsən Jesus fo kpu, wù wáa dzə lèn ji Nshìy Njiì wo Kuʼùn, a leéy fo wír Nyùyi adzə̀m. Yì‑iì cùtì wun mensə́ mvə, e bóo way wíri e Nyùy mvə̀m *mensàŋ me bó yòʼ dzə̀ mè wìy mày.

1 Pita 2:10

Vèn‑eè dzə̀ fó mbìy, a bó vèn yòʼ dzə̀ wír Nyùy. Á bèy, vèn sì wír və́ lèn. Nyùy yòʼ‑oò ló a sham ven fó mbìy, a wù shàm ne lèn.

1 Pita 2:25

Vèn‑eè dzə́ fo mbìy, ján janén moo njiì wo wù jayin dzə́ə, a vèn kfə̀n ne lèn fo Nshìy won wo wù danèr ven, shiy melív men.

1 Pita 5:4

Vèn lóo yiì bèy, wíy lóo dzə e ghan se Jesus wo dzəə̀n kitú ke anshìy wíy kfən, é wù nə́ŋsí ven e vijuŋ ve dzəə̀n vé Nyùy vi.

Ŋgaà Yen 3:20

Vèn yú, m tíy e shùu lav, kumrì. A wìr yù jí yem, e mvə̀ʼ, m nə̀ə́ e wùn lav, é vèr wun dzəʼəm, a yikír.