Joon 10:12 - ŊWÀʼ NYÙY

¹² A bó yòʼ dzə̀ wìr wo á liìn líin, a bó njiì yòʼ dzə̀ və́ə, wù biìmé. Wù yén, a nyàm ye bi wiyì, wù nèn shwèy, a nyeŋ. Nyàm nèn nə̀ə́ e mvə̀m ŋgoo njiì fèy, e koòrí ámóʼó, e tàʼár kibér.

Joon 10:12 Iomraidhean Croise

Matio 10:16

«Vèn wáa kiíy jii, m tsə̀nsí ven é kwaʼ bèn, a vèn du moo njiì wo wù du, e nəə́ e nyám se bi sí wo. Kí nén a dzə jii, vèn lóo ghan, á wàa fiír moo yó si, e kfə̀n a ghan ji weè moo vibìŋ, e làa yòʼ a ŋaʼrí.

Matio 7:15

«Vèn wáa yen fo aŋgàa ntum kimboʼtìi nəə́ e věn ŋgoo. Wír vee shooyi woóne moo nyám ye bi ye yì màʼàn juv njiì, e nə̀ə́ e njiì ŋgoo ji wun laar njiì.

Joon 10:13

A wù nyéŋ bèy, bìʼ fo á liìn wun líin, a bó yòʼ dzə̀ nsaʼ rə fó njiì foo fèy.

Joon 10:2

Wìr wo wù nəə kfə́ a dzə̀ fó shùu kày tìítiy dzə̀ nshìy njiì.

Joon 10:3

Wù lóo wìy, wìr wo wù shiy shúu kày kù nèn mvə̀ʼ. Wù nəə, wù yòŋrì njiì və é yír, yir, á kù nèn kìíy jí rə, e wìykìr, wù tsəə̀né, e fəə̀ shó fo kày.

Lim Aŋgàa Ntum 20:29

M suuy bèn, a m kì ji m wíy bìn ndzə̀m, é nyám se bi sí nəə́ é mvə̀m ŋgoo njiì fèn, e làa yòʼ a nyàʼ wóo lemér.

1 Timoti 3:3

Bó yòʼ dzə̀ wàa dzə wír wo wù nó meluʼ e ŋàŋ, a bó yòʼ dzə̀ wàa dzə wo wù wámri wíri. Kù kér fó a dzə wir kiman, e làa yòʼ a taŋnín, é la yòʼ a dzə sa wír wo wù kér shií é mbàm.

1 Timoti 3:8

Ké wìr ve á sə́, yii lim seé kintatì ki nén a dzə sa réŋréŋ bey. Áwune kù kér fó a ker liì wo juŋ, a dzə wír ve dzə̀ á wàa lìm shilív shimòʼón. A bó yòʼ dzə̀ wàa dzə wír ve á wáy vifií é melùʼ, kìn ve á diy a dzə̀ séʼ.

2 Timoti 4:10

Kú a kiíy ji Demar lò ne, a kòŋ a dzə̀ vijuŋ veé ndzə, e màʼày mo, e dù, a dzə e Tesalonika. A Kiresen dù ghán e wòŋ Galatia, Titur dú kfə́ é Dalmatia.

Titur 1:7

Mo lèmèn Nyùy ŋgaàŋ ji kilìmbìy ke wìr və́, kí yoʼ ghèén ji wù wáa ker nsem e dzəə yìmòʼ. Kìn dzə̀ ji wù wáa koʼnín, e kfə̀n a nyarnín, a no meluʼ e ŋàŋ, a tàʼ melaà, a dìy a dzə̀ shuu və́.

1 Pita 5:2

A m tír ven jii, vèn kú a leéy a fo kintatì ke Nyùy wayin e věn kiwo ki, a dànèr mo wìr yii danèr njiì və. Vèn wáa leéy feyì kijuŋ ji kòŋ a ven, e làa yòʼ a leéy mo á kàn ven kánen. Lá vèn yòʼ a leéy, a dìy mbàm, bìʼ fo kee shooy ki dzəə̀n woómé se kuʼùn sí.

2 Pita 2:3

Mo wír vìne kù taʼ a dzə̀ mbàm, á lo, aá nèn taà vinyo vinín, a boʼtí ven shó ji á fíʼ koóy. A Nyùy kù‑uù shòv ne áwune fó ŋgùʼ, e bàʼtí lòn wo áwune wíy nəə́ sho.