Joon 10:11 - ŊWÀʼ NYÙY

¹¹ «Dzə̀ mo nshìy njiì wo juŋ. Nshìy wo juŋ dzə̀ wo wù biíme, kpú fo njiì və́ kitu.

Joon 10:11 Iomraidhean Croise

2 Samuel 24:17

Davir yén nshìylav Nyùy ye yì laar wíri, e sùúy e Nyùy Tàr jii, «Jày mo jay və̀n, yiì mo kinyo ke bi kin. Vin vee wíri jày kév ka? Á dzə̀ kév moo anjiì. Kii wò Nyùy Tàr, ku màʼ ŋgeʼ rə̀n a dzə̀ e vèr à kfə́ə yémé kitu.»

Nsùyrì Nyùy 23:1

Nyùy Tàr shiy mo mo nshìy shìy njiì və, m yòʼ kfə̀n búŋ kifá.

Nsùyrì Nyùy 80:1

Éè nshìy wìr veé Isray, ku yù tóŋ yérí, wò, wo à danèr rám Joosev mo á dànèr njiì. Wò, wo à dzə́ e kàvàʼ e *vifá veé yuv ve ví kér vav si ví nsàn, ku dìn kitú ké ki e rám Efrayime wùn à yé Benjamine, à yé Manassèe. Dùŋrì vitaáví vé vi, e wìy, e lùŋèr ver.

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

Aysaya 53:6

Vèsən adzə̀me‑eè dzə́ fo mbìy, ján janén moo njiì wo wù jayin dzə́ə. Vèsən‑eè shwèy ne dzə́ə Nyùy, wìr wáa bìn e rə́ə yee dzə́ə. Yii bèy, Nyùy Tàr lí vinyo vesən ve bi ví vidzə̀m, e siìr e wìr və lìm və̀n kitu.

Esiker 34:2

«Wàn wìr msòŋ, tiísí ntum yem, a roòmè vilìmbìy veé Isray vi. Ku roòmè áwune ve á shiy njiì womé, e sùúy ji ke Nyùy Tàr woo Taà Ndzə yoŋ aáwune kí dzə̀ á jii, ‹Ébéèy, anshìy veé Isray, lòné shòʼ ne ven, ven ve á yí vitú. Vèn yòʼ dzəə́ leey njiì wom a?

Esiker 34:23

M wíy shoʼ nshìy wov e mòʼón fo Fòn Davir woo ŋgaà lìm wóm ram. Wù wíy a shìy áwune, a dànèr.

Esiker 37:24

«Fòn wov wíy a dzə wír wo wù fəən fo Fòn Davir woo ŋgaà wom lìm ram, aá wíy a ker nshìy e mòʼón. Áwune kù wíy a tiír kiwuú, a yiì mo vinyo ve m tinen ví dzəə̀n, a ŋeèvì sáʼ yém e dzə̀m, a yiì mo yí dzəə̀n.

Mayka 5:4

Á kfə́né, é ŋgaà saʼ nèn kèʼ sáʼ rə́, a dànèr áwune mo nshìy dànèr njiì, a dànèr e vitaáví ve Nyùy Tàr foon e wun vi, a dànèr e vikuʼùy ve ghaʼán ví, vikuʼùy vé wun woo Nyùy Tàr woo Nyùy və. Wír vəə́ wíy a dzə dzə́ yee nyaáŋ, là kinyo ké a fàn, bìʼ fo wìr msòŋ e dzə̀m woó kitu ke nsay wíy a binsí sáʼ rə́.

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Matio 20:28

A dzə̀ réŋréŋ sá mo ŋgaà wo yírí dzəə̀n *Wanwìr və̀n yoʼ wìy ji wíri wáa lìm fo wun. Wù wìy ji wù wáa lìm fo wíri, e fo kitú kfə́, e fíʼ tin wír anín fo lòn.»

Joon 10:2

Wìr wo wù nəə kfə́ a dzə̀ fó shùu kày tìítiy dzə̀ nshìy njiì.

Joon 15:13

A bó yòʼ dzə̀ wìr kòŋ wíri, e shaà yee ji wù fó kitú kfə́, e kpù fo ŋkar sə́ sí.

Efesor 5:2

Vèn lóo yiì vinyo vidzə̀m, á kù a tiír a dzə̀ koŋ fo mbìy réŋréŋ mo Kristu‑uù kòŋèn vèsən, e fò kitú kfə́ ji wun fíʼ taŋrí vèsən, Nyùy biímé ntàŋrí woo shooy.

Titur 2:14

Wù‑uù fò kitú kfə́, e kpù fo vèsən, e tìn vèsən fó vinyò ve bi ví vidzə̀m ji wun náŋsín wír ji və́, aá wáa dzə là jay, e tiír vifií ji á wáa yiì a dzə̀ vinyo ve juŋ vi.

Hibru 13:20

Nyùy wo wù yii, a melív mèsən mè dzə́ nyaáŋ kú a leéy fo vèn. Dzə̀ wun wo wù‑uù fəərin Taàtá wòsən Jesus fo kpu, wù wáa dzə lèn ji Nshìy Njiì wo Kuʼùn, a leéy fo wír Nyùyi adzə̀m. Yì‑iì cùtì wun mensə́ mvə, e bóo way wíri e Nyùy mvə̀m *mensàŋ me bó yòʼ dzə̀ mè wìy mày.

1 Pita 5:4

Vèn lóo yiì bèy, wíy lóo dzə e ghan se Jesus wo dzəə̀n kitú ke anshìy wíy kfən, é wù nə́ŋsí ven e vijuŋ ve dzəə̀n vé Nyùy vi.

1 Joon 3:16

Kinyo ke kí din e vèsən mo dzə̀ wìr wàa kòŋ wír ki dzə̀ ke Jesus‑eè yiìn. Wù‑uù fò kitú kfə́, e kpù bìʼ vèsən. A dzə̀ mo vèsən kú a yiì bèy, a fo vitú vesən bìʼ afə́r vesən.

Ŋgaà Yen 7:17

bìʼ fo Wàn Njiì wo wù dzə́ e shùu kàvàʼ wíy a shìy áwune, a dànèr áwune moo njiì, a dù sho fo adàn ve á fəər mendzə́v me mè fó dzəʼə̀m yee là mayi dzəə̀n. A Nyùy wíy sòr mensíy medzə̀m fo wír vìné si.»