Joon 10:10 - ŊWÀʼ NYÙY

¹⁰ A ké shòŋ kí dzə̀ jii, wù wìy kfə́ ji wun shóŋ njiì, e yùyrí, e laàr. M nen wìy kém ji m yii, é wíri wáa ker dzəʼə̀m yee là may, a ker feyì nyanyày.

Joon 10:10 Iomraidhean Croise

Aysaya 56:11

Áwune kù sì ji jwí se sí səŋnìn vifá ve yi sə́ŋnin. Aá fə̀m yìkír e le, bo bó yòʼ dzə̀ buù kpù. Anshìy wìr veé Israyi yòʼ kér vifií. Áwune adzə̀me kù sí yii kinyo a dzə̀ ke kí gheen áwune, a wìr kù taʼ a dzə̀ və́ə woo séʼ.

Hosea 7:1

«M lo ji mo‑óò fer yàsi wìr veé Isray, m kù yèn a dzə̀ vinyo ve áwune buʼtì, e yèn virom ve á shóʼ e ŋkàlaʼ Samaria. Wìr kù sí lo, wù wàa boʼ wùmòʼ bóʼón, ámóʼó wàa kivtí a dzə̀ lav se wíri, a shoŋ vifá, ámóʼó wàa faàsì vifá ve ámóʼ vee wír e mentàrnín.

Matio 18:10

«Vèn wáa yen fó a kay wír fo wón ve terí víne. Vèn wáa kiíy jii, nshèelav se Nyùy se sí leey fo áwune sí meéri e Tàr wor wo wù dzəə̀n é yúv si ghán sidzə̀m. [

Matio 18:11

A ŋgaà wo yírí dzəə̀n Wanwìr və̀n wìy ji wun tàʼ wír ve vé‑eè làykìn ne, e lùŋèr.]

Matio 20:28

A dzə̀ réŋréŋ sá mo ŋgaà wo yírí dzəə̀n *Wanwìr və̀n yoʼ wìy ji wíri wáa lìm fo wun. Wù wìy ji wù wáa lìm fo wíri, e fo kitú kfə́, e fíʼ tin wír anín fo lòn.»

Matio 21:13

A wù jum bèy, suuy jii, «Vé‑eè sàŋ é Ŋwàʼ Nyùy ji Nyùy suuy a jii, ‹Á wíy a yòŋ lav yem ji lav bùnrì.› A vèn bìnèr ne ji mbvə̀ʼ ashòŋ.»

Matio 23:13

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn yoŋ sáʼ Nyùy ji yén, nèn sə́ti dzə́ə fo wír ámóʼó nəə́. A bó ven vitú vén yòʼ wíy nəə́ sho. Vèn yii bèy, téʼtin a dzə̀ dzə́ə fo wír ve á koŋ fó nəə́ shoo nəə́. [

Maak 11:17

Wù jùm, á mày, wù nèn a yeʼéy wíri jii, «Vé‑eè sàŋ ji Nyùy suuy a jii, ‹Á wíy a yòŋ lav yem ji lav bùnrì fo vitúm vi vidzə̀m.› Nyùy suúy bey, vèn nen bìnèr kén ji mbvə̀ʼ ashòŋ.»

Ŋwàʼ Luk 19:10

a ŋgaà wo yírí dzəə̀n *Wanwìr wìy fó tàʼ wír ve vé‑eè làykìn ne, e lùŋèr.»

Joon 10:1

Jesus kfən sùúy jii, «Vèn wáa kiíy rúrú jii, wìr wo wù shaa shúu kày njiì, du, kóʼ a dzə̀ fó bàm, ŋgaàŋ dzə̀ shóŋ, a wù wiy a dzə̀ kimfaàsì.

Joon 10:11

«Dzə̀ mo nshìy njiì wo juŋ. Nshìy wo juŋ dzə̀ wo wù biíme, kpú fo njiì və́ kitu.

Joon 12:47

Wìr wáa dzə wo wù yú kinyo kém, wáŋ waŋén, bo bó yòʼ wíy saʼ mo ŋgaàŋ. M yòʼ wìy e ndzə fèn ji m wáy wíri a dzə̀ é lòn, m wìy kém ji m luŋer wíri lúŋerin.

Joon 12:6

A bó Judar yòʼ suuy bèy ji wun rə́r a mendzən me vé ŋgeʼe. Wù‑uù dzə̀ shóŋ, a leey wun fo wùn à Jesus kibàm ke lèm, shóŋri, baʼ shuu və́ shó.

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Joon 5:40

Yii bèy, vèn ku tèn fó way shilív e mǒ wùn, é m fó ven dzəʼə̀m yee là may.

Joon 6:33

A vifá ve yi ve Nyùy fó vìn vi dzə̀ wír wo wù tumen fó yuv, wù wíy é nsay fèn ji wù fó dzəʼə̀m yee là may e wíri.»

Joon 6:51

Dzə̀ mo vifá ve yi ve ví loòn fó yuv, ve ví fó dzəʼə̀m yee là may. A wìr yì vifá ve yi vìn, bo ŋgaàŋ shaarì. A vifá ve yi vìn vi dzə̀ wún wóm, wo m fó ji wír veé ndzə adzə̀me fíʼ wìy lùŋ fo fo.»

Ŋwàʼ woó Rom 2:21

M nén a dzər e wò woo shooy jii, à sà kù yòʼ yéʼey wíri bey, yéʼey sa ké kee kitú a? À lo, à wàa fìʼtì ji Nyùy suuy ji lá wìr shòŋ kifá, à kù yòʼ yar saa?

1 Timoti 1:15

Duŋrì yee jii, Jesus Kristu‑uù lo wìy e ndzə fèn ji wun sə́ aŋgàa vinyò ve bi ví, aá fíʼ lùŋe dzə̀ rú féyì. A dzə̀ wìr kù wày shilív sə́ shó shidzə̀m. A m dzə̀ fon aŋgàa vinyò ve bi vee shooy.

Hibru 6:17

A dzə̀ sá mo Nyùy‑iì kàʼàn Abraham, e kfə̀n lìʼ ji wón və́ ve á wíy siíy, a shìy ŋkàʼmé woo shooyi wáa kiíy kijuŋ a ji bó yòʼ dzə̀ wun kùvsín kinyo ke wun‑eè sìysìn ji wun wíy yiì.

Hibru 7:25

Wù nèn a dzə mo dzə̀ wù lùŋèr wír ve á bee wun, e bó a koʼtí e Nyùy si. A wù luŋèr áwune ŋkuuŋkùŋ, bìʼ fo wù dzəə̀n shó ghán sidzə̀m, tíy e Nyùy si, lón bìʼ áwune.

2 Pita 1:11

e nèn gheén feyì e wìr ve á wíy nəə́ e mvə̀m wòŋ wo wíy a saʼ Taàtá wòsən Jesus Kristu wo wù‑uù tinen vèsən fó lòn, aá wáa dzə fo viyá viyá, là may.