Joon 10:1 - ŊWÀʼ NYÙY

¹ Jesus kfən sùúy jii, «Vèn wáa kiíy rúrú jii, wìr wo wù shaa shúu kày njiì, du, kóʼ a dzə̀ fó bàm, ŋgaàŋ dzə̀ shóŋ, a wù wiy a dzə̀ kimfaàsì.

Joon 10:1 Iomraidhean Croise

Jeremia 14:15

Bo ke mo woo Nyùy Tàr yoŋ kùm aŋgàa ntum ve á teʼen mo é si, a tiisí ntum kimboʼtì ki dzə̀ jii, mo áwune suuy ji bó rə́r wùn à jìŋ yòʼ yíi bàv e nsay fèn, bo m yíi laàr áwune, a kù dzə̀ e rə́r sí, e laàr e jiŋ.

Jeremia 23:21

Nyùy Tàr suuy jii, «M yòʼ‑oò lo tùm aŋgàa ntum vìn, yii bèy, áwune ku dù. Bó m yòʼ‑oò lo tiìsí kinyo aáwune, yii bèy, á ku dù, a fìʼtì ntum ji yì lò a fo mò.

Jeremia 23:32

Rúrú, m yíi kìʼ aŋgàa ntum ve á li njèm se kimboʼtì si, ghán, fiʼtì. Áwune fer, nèn danèr wír vém e kiràʼsìwùn ké kisaŋ ki, yii, aá jáy dzə́ə. Bó m yoʼ shòʼ áwune, e tùm, a bó yòʼ dzə̀ wír vémé lùŋ fo áwune gheéy. Suuy mo woo Nyùy Tàr.»

Joel 2:9

Sí gbu, e sùm ŋkàlaʼ súmen, a koʼ e virəv vé kày. Kóʼó, é sí nəə́ é lav si, a nəə́ fo shuù se wundu moo ashóŋ.

Matio 7:15

«Vèn wáa yen fo aŋgàa ntum kimboʼtìi nəə́ e věn ŋgoo. Wír vee shooyi woóne moo nyám ye bi ye yì màʼàn juv njiì, e nə̀ə́ e njiì ŋgoo ji wun laar njiì.

Joon 10:7

Wù nèn a suúy jii, «Vèn wáa kiíy rúrú jii, dzə̀ mo shúu kày wo njiì shaa sho.

Joon 3:3

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Ŋwàʼ woó Rom 10:15

A yòʼ dzə̀ wìr dù, a fìʼtì e le, a bó á yoʼ tùm wun? Vé‑eè lo sàŋ é Ŋwàʼ Nyùy jii, «Feyì feyì, dzə̀ kinyo ke juŋ ki fóo yen aŋgàa ntum, aá wiy, fiʼtì sáʼka wo juŋ.»

Ŋwàʼ woó Rom 16:18

a kiíy jii, áwune yòʼ lim a dzə̀ á fo Tàr wòsən Jesus Kristu gheéy. Áwune diy a dzə̀ wóv woo shuu. Á lo, á wàa naŋsín kinyo, a fèr, kí wàa nyòm, e nèn a boʼtí wír ve bó á yóʼ ne kìíy vinyo.

Titur 1:11

Á kér fó a sə̀r wír vee bey, bìʼ fo áwune bvəər vifií vé wíri. Lóo dzə láʼ yímóʼó, la à yòʼ dzəə yèn wír wo wù kiìn fo wù tíyí. Aá yéʼey vinyo ve bó yòʼ dzə̀ á wàa yeʼéy, bìʼ fo á kù kér shií a dzə̀ é mbàm.

Hibru 5:4

A bó yòʼ yii shóʼ wír kitú kfə́ ji taà cù wo kuʼùn. Kù yii li Nyùy wír, e bó a lèm mo wù‑uù lèmèn Aaron.

1 Pita 1:10

A mbùʼmé wo Nyùy wíy bùʼ ven shó və̀n dzə̀ wo aŋgàa ntum Nyùyi‑iì sí fiʼtì fo ŋgùʼ, a bó á yòʼ kì mo wù dzəə̀n. Á nén a rəsí, a nəə́ e mvəm wó, a ŋeèvì ji á kiíy á mo wíri wíy ghan, e bóo lùŋ.

2 Pita 2:1

Mo vé‑eè tiísi a dzə̀ ntum Nyùy e wíri, yii bèy, wír ámóʼó‑oò ló a dzə sa ve vé‑eè lo a dzə̀ ntum kimboʼtì. A kù dzə̀ réŋréŋ sá mo aŋgàa yeʼéy ámóʼó wíy nànèn e věn mvəm, a boʼtí ven. Áwune wíy lì kimboʼtì, a woór e mvə̀m kinyò ke Nyùy, a tuŋ wuú Taàtá wòsən Jesus wo wù‑uù kpuun ji áwune fiʼ lùŋ. Aá wíy yiì bèy, é Nyùy ku nèn tsə̀m áwune e lòné.

2 Pita 2:3

Mo wír vìne kù taʼ a dzə̀ mbàm, á lo, aá nèn taà vinyo vinín, a boʼtí ven shó ji á fíʼ koóy. A Nyùy kù‑uù shòv ne áwune fó ŋgùʼ, e bàʼtí lòn wo áwune wíy nəə́ sho.

1 Joon 4:1

Ŋkàr sem, wíri wìy ne anín, a ghan virə́ʼ vidzə̀m, a boʼtí ji áwune fiʼtì kinyo a dzə̀ á ke tiísi Kiyoy ke Nyùy. Á lóo suúy bèy, lá vèn yòʼ kù nèn a biimé biimén. Vèn tòmbìy tàr vinyo vee shooy vi vidzə̀m, e bóo kiíy ji ví sà lò rú a dzə̀ fo Nyùy a?