Joon 1:9 - ŊWÀʼ NYÙY

⁹ A dzə̀ ŋgaàŋ wo wù fó rán yee rán e wìr dzə̀m, a wù‑uù sí wiy e ndzə fèn.

Joon 1:9 Iomraidhean Croise

Aysaya 49:6

«Bó yòʼ dzə̀ à kù jòʼsì cáʼ ji wír wom lìm. Yòʼ dzə̀ cáʼ ji à ku lì rám Jakov, é yí wiy fo mǒ wùn. Yòʼ dzə̀ cáʼ ji à wiy e kibér ke wìr keé Isray ke kí bòyìn kí. Dzə̀ sá ji m yíi nàn wò ji kikaʼày fo wír ve bó yòʼ dzəə̀n veé Israyi, áà yii, é wìr msòŋ woó kitu ke nsay dzə̀m fiʼ lùŋ.»

Aysaya 8:20

Á lóo yòŋ bèy, vèn bìnèr aáwune ji á kú a yuurí a dzə̀ á yéʼéy ye yí dzəə̀n é ŋwàʼ, a yuurí ntum Nyùy Tàr ye yì dzəə̀n shó. A wìr dzə̀, a bó wù yòʼ suuy kinyo ke kí shémsín wùn à kee shooy ki, bo yì wíy sən wun, e làŋsìn.

Matio 6:23

Yí lóo səəné, bo dzə̀ mo dzəʼə̀m rəə́ yíi a sən sənén e dzə̀m, a wù gímti. Wáa dzə, a sí rəə́ sí sə́n sənén bey, bo dzəʼə̀m rəə́ màysì ne, e sə̀n ji dzə̀v.

Ŋwàʼ Luk 11:36

A wù ghán rú é mvə̀m ran, léʼ ndzə ye sənér léʼén, wù nèn a yen virə́ʼ ghán sidzə̀m réŋréŋ moo lam wo wú lóo ban, wú wàa fo rán e wíri.»

Joon 1:4

Dzə̀ wun wo wù‑uù foon dzəʼə̀m yee dzəʼə̀m e wíri, á nèn a ker sa rán ye dzə̀ á kìíy Nyùy.

Joon 1:7

Wù wìy ji wun fiʼti Ŋgaà Ran woo shooy e wíri, aá kiíy, e fíʼ way shilív é wùn wó.

Joon 12:46

M wìy e ndzə fèn ji m fíʼ a dzə rán, é la wìr wo wù wáy shilív e mǒ wùn yòʼ dzə́ə a ghan fo mesənér.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Joon 15:1

Jesus kfə́n a suúy jii, «Dzə̀ mo kitiír ké *vayin ke ru kí, Tàr wor nén a dzə wír wo wù náŋsin kitiír kee shooy.

Joon 6:32

Jesus bìnèr jii, «Vèn wáa kiíy rúrú ji bó yòʼ‑oò fó Mooser ven vifá ve yi ve ví‑iì lo fo yuv. Kù dzə̀ Tàr wor wo wù fó ven vifá ve yi ve dzəə̀n rú veé yuv.

Joon 7:12

Wìr dzə̀m ku rə̀sí, a ghay a dzə̀ kinyo kfə́. Aámóʼó bínsi ji wù dzə̀ á wír wo juŋ. Aámóʼó sháʼnin shàʼnín ji wù taʼ, e boʼtí a wíri.

1 Joon 1:8

Kí kfə́n a dzə jii, a wìr lò, a kìnèn ji bó wun yòʼ kér jay, bo ŋgaàŋ bóʼti a dzə̀ kitú kfə́. Wù yòʼ tíy e kinyò ke dzəə̀n ke ru kí gheéy.

1 Joon 2:8

A Jesus‑eè ló a lèm nsər yee shoon, á wáa yen e fíy. Aá kfə̀n sí yén sa lèn mo vèn lemè. A dzə̀ yìwun ye m sáŋ fo vèn, a yì yénsin e fíy, bìʼ fo ndzə ye sənér sí shaa, a ye ranén wiyì.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.