Joon 1:7 - ŊWÀʼ NYÙY

⁷ Wù wìy ji wun fiʼti Ŋgaà Ran woo shooy e wíri, aá kiíy, e fíʼ way shilív é wùn wó.

Joon 1:7 Iomraidhean Croise

Malakay 3:1

Nyùy Tàr woo Taà Mànjòŋ wáa bìnèr kfə́ jii, «Vèn yuúrí, e yù, m wíy tsənsí ŋgaà wom ntum fo mǒ mbìy, é wù wiy, e nàŋsín dzə́ə. Á bèy, é Taà Saʼ wo vèn shiyì nèn sàsìn, e bvə̀y e wun lav cù. Rúrú, ŋgaà ntum wo wù fiʼtì *mensaŋ mem, a vèn tiir vifií shó, sí wiyì.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Joon 1:15

A Joon‑eè ló a fìʼtì wír və̀n e wíri. Wù‑uù sùúy jii, «Dzə̀ wun woo shó wo mò‑oò suuy jii, ‹Wìr wùmòʼ wíy wìy fo mǒ bàm, a wù kùʼ, e shaà mo, bìʼ fo vé‑eè dzəə mo, a ŋgaàŋ‑eè sì.› »

Joon 1:19

A Joon‑eè lo fìʼtì wír wo dzəə̀n Jesus Kristu və̀n. Yì‑iì dzə̀ é ghan símóʼ sí, atǎr wòŋ veé Judàa túm atàá cù ámóʼó fó Jerusalem wùn à wír veé ram Levìi ji á du, e yèn Joon, e dzə̀r shó a jii, sà dzə̀ wun la á?

Joon 1:36

Jesus nèn a shaà, wù kfən sùúy jii, «Vèn yén wír wo wù dzəə̀n moo wan njiì wo Nyùy seé, e taŋrí wíri shó.»

Joon 1:9

A dzə̀ ŋgaàŋ wo wù fó rán yee rán e wìr dzə̀m, a wù‑uù sí wiy e ndzə fèn.

Lim Aŋgàa Ntum 19:4

Por nèn a naàrì aáwune jii, «Joon‑eè wáy wíri é ndzəv fó dìn ji á bìnèr ne a melív mev. A wù‑uù ló a suúy e wìr dzə̀m jii, wìr wùmòʼ wiy fo wùn bàm, á wáy á shilív e ŋgaàŋ wùn, a wù yoŋ a dzə̀ Jesus.

Galatia 3:26

Sí kér Nyùy, bìʼ fo ven ve á wayin shilív e Jesus Kristu wùn adzə̀me siìn wón Nyùy.

Efesor 3:9

Kí kfə́n a dzə jii, m naari kinyo kìn, é wìr dzə̀m kiíy á ji Nyùy sí li wír ve bó yòʼ dzəə̀n veé Isray sa lèn ji və́ vee wír. Kù‑uù sìysì wun woo Nyùy wo wù‑uù bomen vifá vidzə̀m kinyo kìn fo ŋgùʼ, e lìtì, la wìr yòʼ kìíy, e shem lèn.

1 Timoti 2:4

Wù koŋ ji wìr dzə̀m luŋ, kfə̀n taʼ ji wìr dzə̀m kiíy á kinyo ke dzəə̀n ke ru kí.

Titur 2:11

Dzə̀ mo dzə̀ wír Nyùyi kù a yiì, bìʼ fo Nyùy dìnèn ne mo wù koŋ wíri, shám áwune, aá fíʼ lùŋ adzə̀m.

2 Pita 3:9

Kinyo ke wír vìne keŋ ji Kristu kàʼ, e kfə̀n a ndzə̀y ki yòʼ dzə̀ bey. Ke kí dzəə̀n kí dzə̀ jii, wù kfə̀mén, a leéy a ji wíri biner melív mev adzə̀m, bìʼ fo wù yòʼ koŋ ji wìr mòʼón lay.