Joon 1:41 - ŊWÀʼ NYÙY

⁴¹ Mo Andru yenen Jesus, e kù nèn dù, e tàʼ fə́r və woo Simon və̀y, e sùúy sho jii, «Vèr yèn ne *Mfə̀ə́r wo Nyùy‑iì kàʼàn.» Wù wáa yòŋ yír yee Mfə̀ə́r, a dzə̀ sá ji Kristu.

Joon 1:41 Iomraidhean Croise

2 Afòn 7:9

Áwune nèn lò, a dzə̀mnìn, a suúy jii, «Kinyo ke vèsən yii kìn ki yoʼ bòŋ. Mo vèsən kooyin sáʼka wo juŋ lán bèn, a vèsən lòo dzə, a lèm ji ndzə bvəə́shí, e ràn, é bo á wáa fèr, bo ŋgeʼ si‑íì nəə́ vèsən. Vèsən du, e fìʼtì e ntoʼ.»

Nsùyrì Nyùy 2:2

Afon veé nsayi báʼti rə́r, aàtǎr wòŋe dzəʼə̀m, táŋ sáʼ Nyùy Tàr, táŋ sáʼ ŋgaà wo wù yoʼon ji fon.

Nsùyrì Nyùy 45:7

Á kù koŋ a dzə̀ vinyo ve réŋ ví, ban yii ye bií. Á nsàv a ye Nyùy woo Nyùy və shoʼon á wun, e yòʼ, á wáa yu a vijuŋ e shaà a awàʼ və́ adzə̀m.

Nsùyrì Nyùy 89:20

M tàr ne, e yèn Davir woo ŋgaà lìm wom, e yòʼ wun e meŋgvə́r mem mè ji fon wo shoʼon mo.

Aysaya 11:2

Kiyoy ke Nyùy Tàr kí wíy a dzə wùn wun, a dànèr wun. Kí wíy fo wun vifií ve ru ví, e yiì, é wù wáa kiíy jeéyjeéy fó kinyò, e kfə̀n yiì, é wù wáa dzə ŋgaà saʼ wo ghaʼán, a kiíy mó a kwàŋrì vinyo veé wòŋ. Kí wíy yiì, é wù kiíy Nyùy Tàr, a ghvəm wun woo Taà Vitu.

Aysaya 61:1

Kiyoy ke Nyùy Tàr woo Taà Ndzə ki shiy mo, bìʼ fo Nyùy Tàr yoʼon ne mo, e tùm ji m wáa fiʼtì sáʼka wo juŋ e vé ŋgeʼe. Wù‑uù tùm mo ji m rəər wír ve melív mev mè seèmèn ne, a tiisí e wír ve á koon é shùu rərí ji á yíi bòyìr áwune fó vikwàn, a tiisí e vé sháŋé ji á sí lo, e fəə́r áwune fó lav sháŋ.

Matio 1:23

«Wánlè ŋgòn wùmòʼ wíy tiím bvəm, a bó wù yóʼ ne kìíy lumèn, e dzəə́ wán lumèn, aá wíy a yòŋ ji Emmanuel.» A nsàv yìr rən dzə̀ jii, «Nyùy sì vèsən áwune.»

Ŋwàʼ Luk 2:17

Mo áwune yenen, e nèn kèʼ, a fèr vinyo ve nshìylav Nyùy kì suuyin kùm wán woo shooy vidzə̀m.

Ŋwàʼ Luk 2:38

Wù nèn kfə̀n lò, a wìy e lav cù, a dzə̀ é ghan se Maria wùn Joosev kì wìyìn e wàn sin. Wù yén wán, a beèrì Nyùy, a suŋnín kùm wán woo shooy e wìr dzə̀m wo wù‑uù sí shiy ji Nyùy fəə́r wír veé Jerusalem fo ŋgeʼ.

Joon 1:45

Filiv nèn dù, e yèn wír wo á yoŋ ji Nataniar, e sùúy sho jii, «Vèr yèn ne wír wo Mooser‑iì saŋen e wùn Ŋwàʼ Nsər, *aŋgàa ntum Nyùy ámóʼó kfən sàŋ sá ji wù wíy wìy. Ŋgaàŋ dzə̀ Jesus, a dzə̀ wír woó Naasarer, aá yoŋ tàr wov ji Joosev.»

Joon 4:25

Wiíy və̀y lò, e sùúy jii, «M kù yòʼ kì ji *Mfə̀ə́r wo Nyùy‑iì kàʼàn, wo á yoŋ ji Kristu wíy wìy, é wù naari ver vinyo vidzə̀m.»

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Lim Aŋgàa Ntum 4:27

Davir wáa yòŋ bèy, a kù dzə̀ kinyo ke kí‑iì kooyin é ntèʼ fen e ghan sin. Fòn Heror‑iì tàtí wùn à Poshur Payler, à wír ve bó yòʼ dzəə̀n veé Isray ámóʼó, à veé Israyi, a taŋ menàŋ e Jesus bàm. Jesus, wo dzəə̀n Ŋgaà wò Lìm wo juŋ wo wò‑oò yoʼon ji Mfə̀ə́r.

1 Joon 1:3

Kí nén a dzə jii, kinyo kidzə̀m ke vèr‑iì yenen, e kfə̀n yù, a dzə̀ vèr fèr sá, é vèn yú. Mo vèn yuun, é vèn nèn tàtí sa, é vèsən wáa yuurí kinyo kee shó kimòʼón. A vèr tàtí a dzə̀ vèr à Tàr wòsən Nyùy, à Wan və wo dzəə̀n Jesus Kristu.