Joon 1:3 - ŊWÀʼ NYÙY

³ a Nyùy‑iì wày vitaáví a dzə̀ e wùn kiwo, wù yiì, vifá vidzə̀m vi wáa dzə. A bó kifá kímóʼ kí yòʼ dzə̀ shó ke kí dzəə̀n, a bó yòʼ‑oò yiì wun, é bo kí keʼ, a dzə.

Joon 1:3 Iomraidhean Croise

Kèʼlo 1:1

Yì‑iì dzə̀ fó mbìy, Nyùy‑iì bòm yúv wùn à nsay.

Kèʼlo 1:26

Nyùy nèn sùúy jii, «Vèsən fer wíri e vèsə́n nshwìnín, aá wáa dzə moo vèsən, e yiì, aáwune wáa ker vitaáví vé a leéy sə́ si wùn à menə́n mè, à nyám seé laʼ wùn à seé kwaʼ si, à vifá vidzə̀m ve ví ŋaŋrì e nsay, e kfə̀n a saʼ kitú ke nsay kidzə̀m.»

Nsùyrì Nyùy 102:25

Wò‑oò tùúy ne kitú ke nsay fo yàŋgùʼ, a kù‑uù tàm wò yúv e wó yée.

Nsùyrì Nyùy 33:6

Nyùy‑iì sùŋnín suŋnín, yúví nèn a dzə e bómén, e yòŋ yòŋèn fó shuù, vifá veé yuv ví nèn a dzə.

Ŋgàn 8:30

Mò‑oò tíy e wun si ji wír və lìm woo jwáʼ, shéʼer wun kishiíy kidzə̀m, séŋ, yú vijuŋ e wun si ghán sidzə̀m,

Aysaya 45:12

Yì‑iì bòm mo nsay, e bòm wíri, e lèm ji á wáa dzə sho. Yì‑iì bòm mo yúv, e bòm vifá vee fó, e lèm fo.

Aysaya 45:18

Jí sìn si dzə̀ sé Nyùy Tàr. Dzə̀ wun Nyùy wo wù‑uù bomen yúv wùn à nsay. Wù‑uù lì ghán, e bònen nàvtì feyì ji ví fiʼ wìy shìíy. Wù yòʼ‑oò lo bòm nsay ji yì wáa tiy kisáŋ. Wù‑uù bòm ji wíri fíʼ a dzə sho. Kù dzə̀ wun wo wù yoŋ jii, «Dzə̀ mo Nyùy Tàr, a bó Nyùy wùmòʼ yòʼ kfə̀n dzə̀, e shaà mo.

Joon 1:10

Wun woo Jínyùy wáa dzə e ndzə fèn, la wír veé ndzəə yòʼ fə̀m kìíy wun, a kù dzə̀ wun wo wù‑uù fèrìn ndzə rə̀n.

Joon 1:2

Wù wáa dzə wùn Nyùy, é bo ndzə wìy a kèʼ bèy,

1 Korin 8:6

késən kí dzə̀ jii, Nyùy kù mày e mòʼón, a dzə̀ á wun wo dzəə̀n Tàr wòsən, a bòm wun vifá vidzə̀m, ví wáa yu a dzə̀ fo wun. Taà Ndzə kù mày sa e mòʼón, a dzə̀ Jesus Kristu. Vifá ve Nyùy‑iì bomen vidzə̀m vi‑iì shaà a dzə̀ e wun woo Kristu kiwo, a kù yii wun, bo vèsən wáa dzə sho.

Efesor 3:9

Kí kfə́n a dzə jii, m naari kinyo kìn, é wìr dzə̀m kiíy á ji Nyùy sí li wír ve bó yòʼ dzəə̀n veé Isray sa lèn ji və́ vee wír. Kù‑uù sìysì wun woo Nyùy wo wù‑uù bomen vifá vidzə̀m kinyo kìn fo ŋgùʼ, e lìtì, la wìr yòʼ kìíy, e shem lèn.

Hibru 11:3

Vèsən wáa dzə késən sá, aá kì mo Nyùy‑iì ghanen, e bóo bom ndzə, a dzə̀ bìʼ fo vèsən wáy shilív e wun wùn, biíme kinyo kfə́. A vèsən kì jii, Nyùy kù‑uù sùúy suuyín a dzə̀ á fo shuù, ndzə nèn a dzə. Kí nén a dzə ji vifá ve á yén lèn vìn vi kù‑uù lò a dzə̀ á fo ve bó á yòʼ yén vi.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Ŋgaà Yen 3:14

Wìr və̀y kfən sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Ladisia. A wú dzə̀ jii: «Kinyo kìn ki sùúy mo wo á yoŋ ji Amen. Kù yii din mo kinyo ke dzəə̀n ke ru kí, là kiloʼ. Nyùy‑iì mbaà a dzə̀ mo, e bóo bom vifá ve wù‑uù bomen vidzə̀m.

Ŋgaà Yen 4:11

«Nyùy, kù dzə̀ wò Tàr wor. Kér wò vitaáví vidzə̀m. Bòm wò vifá vidzə̀m. Wò‑oò bòm mo wò‑oò kòŋèn, ví wáa dzə sho a dzə̀ bìʼ wò. Dzə̀ wò wo dzə̀ á wàa ghvəm, a burí.»