Joon 1:16 - ŊWÀʼ NYÙY

¹⁶ Mo ŋgaàŋ wìyìn, vèsən adzə̀m nén a yu vijuŋ, bìʼ fo wù kòŋèn vèsən, e bùʼ e vijuŋ vi, e tòm e mbùʼmé.

Joon 1:16 Iomraidhean Croise

Nsùyrì Nyùy 84:7

Vitaáví vév ví kù kúy, du duùn fó mbìy, aá kù yíi dù, e yen Nyùy e Sion, wun woo Nyùy wo wù shaàn anyùy adzə̀m.

Sekariya 4:7

Vinyo ve ví sə́ti wò moo gwan vi yíi mày. À yíi bàʼrì lav cù Nyùy Tàr, e siìr fo. À lóo neèr tíy kinjòʼsìí, é wíri wáa ndzəʼ kikum ke lav kìn, a yòŋ jii, Nyùy ku səə̀vì. Nyùy ku səə̀vì.› »

Matio 13:12

A kí dzə̀ jii, wìr wo wù kér kifá, á yíi dzə̀sì, é kí kuʼ, e shaà mo kí dzəə̀n. Wìr wo wù buŋen, á yíi màysì shishàr she wù kérí, e ger gerín.

Matio 3:11

Joon kfə́n a suúy jii, «M wáy wíri é ndzəv lèn ji á bìnèr ne melív mev. Yii bèy, wìr wùmòʼ wiy fo mǒ bàm, a wù kùʼ, e shaà mo, a bó m yoʼ fə̀m ghèén fó keerí alábáʼ ŋgaàŋ. Wù yíi wìy, é wù wáa way kfə́ wíri a dzə̀ e Kiyoy ke Ranén kí kiwo, a way ámóʼó é və̀y.

Matio 3:14

Joon nèn a shaʼnín, a suúy jii, «Kì yíi way wò mo é ndzəv, kfən wìy wò ji m wáy wò e ndzəv moó le?»

Ŋwàʼ Luk 21:15

Wíy way mo jí si e věn shuù, e fo ven vifií, a bó yòʼ dzə̀ aŋgaà vén gòvi wìy kìíy mó a bìnèr, a kìnèn kinyo kén.

Joon 3:34

bìʼ fo wìr wo Nyùy tumen və̀n súŋnin a dzə̀ jí se dzəə̀n sé Nyùy, mo wù‑uù foon Kiyoy kfə́ shó là mfìʼ.

Ŋwàʼ woó Rom 5:17

Mo jay wo wìr mòʼón‑eè jayin yiìn ne, kpúu raár wir dzə̀m, bo kinyo ke wùmòʼ woo wír wo dzəə̀n Jesus Kristu yiìn kí yii kinyo e shaà kee shooy feyì. Kí yii ji wír ve Nyùy buʼ e mbùʼmé nyanyày kisáŋ, li liìn ji wír vee là jay adzə̀me wáa dzə, a yu a dzə̀ fo Jesus Kristu, a ghaʼ vinyo ve bi ví.

Ŋwàʼ woó Rom 5:2

Ku kfə̀n yiì wun, vèsən wáa dzə lèn, a koʼtí e Nyùy wo wù‑uù bùʼùn vèsə́n si, a leéy a dzə̀ fó mbìy, a sheʼrí ghán se vèsən à Nyùy wíy a dzə, é wù yii, é vèsən wáa dzə moo wun.

Ŋwàʼ woó Rom 5:20

Ké nsər ki nén a dzə kfə́ jii, Nyùy‑iì fó nsər, a wíri sí yii vinyo ve bi ví ji á fíʼ a yen ajay vév, a shaà bèy. Mo ajayi sí yénsin akuʼùn, dzə̀ sá mo wíri lón fo Nyùy, a wù buʼ áwune, laysìn ajay vév, shaa bèy.

Ŋwàʼ woó Rom 8:9

Yii bèy, kén kí yòʼ dzə̀ bey. Vèn yòʼ dzəə́ dzə́, yú a dzə̀ mo mensə́ mè lim e věn wùn. Vèn sí yú a dzə̀ fo Kiyoy ke Nyùy ki, a kí bèn dzə̀ rú e věn meliv mo m kiìn. Vèn wáa kuumé jii, a Kiyoy ke Kristu kìn ki bùŋ fo wìr shiliv, bo bó ŋgaàŋ yòʼ dzə̀ wir Kristu gheéy.

Efesor 1:23

A kintatì ki dzə̀ ji wún və́ mo wù taamen shó, e rùn, réŋréŋ mo wù tatin ndzə e dzə̀m, a taa e kitu wo.

Efesor 3:19

Á mo m lón ji vèn ku kìíy a mo Jesus Kristu koŋ ven. A bó yòʼ fə̀m dzə̀ wìr kìíy, e dù, e màysì. Vèn kiiyì, é wun woo Nyùy nèn a dzə e věn meliv, a dànèr ven, é vèn wáa yiì vinyo ve wù koŋ vidzə̀m.

Kolosia 1:19

A yì‑iì sìysì Nyùy bèy, bìʼ fo wù‑uù taʼ ji Wan və kú a dzə réŋréŋ vinyo vidzə̀m ji wun,

Kolosia 2:3

Kù mày wun woo Kristu wo dzə̀ wù mvə̀ʼ vifií vé wìr, bo wù yén rán, e kìíy kinyo ke dzəə̀n ke ru kí.

1 Pita 1:11

Kiyoy ke Kristu ke kí‑iì dzəə̀n aáwuné meliv kí‑iì rə́si yii, aáwune tiísi ji Kristu kù wíy yen ŋgeʼ, fo bàm, é bo Nyùy kóʼór á wun. Á ku nèn a sòvìr ji á kiíy á ghán se vinyo vìn vi wíy koóy, e kfə̀n kìíy saa mo ví wíy ghan, e bóo koóy.

1 Pita 1:2

Nyùy woo Tàr wòsən‑eè shòʼ ven a dzə̀ mo wù‑uù sìysìn ne fo ŋgùʼ. Wù nèn wìy tùm Kiyoy kfə́, kí wìy, e nàŋsín ven ji və́ vee wír. A wù‑uù yiì bey, ji vèn wáa dzə, a yu a dzə̀ á fo Jesus Kristu, é mensə́ mvə mè táŋrí ven, é vèn boy fó njò. M nén a lon jii, Nyùy kú a shaà fo mbìy, a leéy fo vèn, a yiì, é melív men mè wáa dzə nyaáŋ.