Joon 1:12 - ŊWÀʼ NYÙY

¹² Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Joon 1:12 Iomraidhean Croise

2 Samuel 7:24

À lì ne wír vé veé Isray ji wír vé ŋkuuŋkùŋ ji lì a wò, a wò woo Nyùy Tàr sì Nyùy wov.

Aysaya 56:5

bo m bóm kirə́v e mǒ lav, e saŋ yír sév shó wir dzə̀m. Kin ki wíy bòŋ, e shaà fo áwune wáa ker a dzə̀ wóné, bìʼ fo yír yéví kù wíy a tiy fo, e dù, e jòʼsì, aá yòʼ wíy làysìn.

Jeremia 3:19

«Wír veé Isray, mò‑oò yén jii, m yíi lèm a ven jeéy e wón vém adzə̀mé mvəm, e fo ven nsay ye juŋ, vitsə́ʼ, a ví bòŋ feyì, e shaà ve ví dzəə̀n é vitum vímóʼ ví. M kfə́n a ki ji vèn yíi a yòŋ a mo ji Tàr won, a ghan e mǒ mbòv, e làa yòʼ bìn ndzə̀m e mò.

Hosea 1:10

«Yii bèy, wír veé Israyi dzəə́ wìy kùʼ, a dzə moo síy seé rìbà ndzə̀v, a bó á yòʼ wíy yu fó taŋ. A kí dzə̀ jii, e kirə̀ʼ fo vé‑eè yoŋ áwune ji ‹Vèn yòʼ dzə̀ə́ wír vém›, dzə̀ fo á wíy a yòŋ áwune ji ‹Wón Nyùy wo wù gòʼòn kàŋ mòʼón.›

Matio 10:40

«A wìr səə́si ven, bo ŋgaàŋ səə́si a dzə̀ mo. Wìr səə́sí mo, bo wù səə̀sí a dzə̀ Tàr wor wo wù tumen mo.

Matio 12:21

Vitúm vidzə̀m vi wíy tiír vifií a dzə̀ e wun wùn ji á fíʼ lùŋ.»

Matio 18:5

«Kí nén a dzə jii, a wìr yén wán wo terí moo və̀n bèn ji wír bìʼ mo, bo ŋgaàŋ yén a dzə̀ mo.

Joon 1:11

Wù‑uù wìy, e dù a dzə̀ e wír ve wù‑uù shoʼon ji vəə́ wòŋ, la áwune yòʼ a yen wun gheéy.

Joon 1:7

Wù wìy ji wun fiʼti Ŋgaà Ran woo shooy e wíri, aá kiíy, e fíʼ way shilív é wùn wó.

Joon 11:52

A bó kí yòʼ‑oò dzə̀ ji Jesus kpú a dzə̀ fo wír veé wòŋ foo fèyi cáʼcáʼ. Wù‑uù wíy kpu ji wù fiʼ bàʼtí wír ve dzəə̀n vé Nyùy fo kitu ke nsay adzə̀m, aá wáa dzə kintatì kimòʼón.

Joon 2:23

Jesus ku nèn a dzə e Jerusalem e ghan sé Ŋkǎʼ Yáʼayshaà sìn, a yiì viŋgaʼnìn ve vinyò, ví wáa dìn vitaáví vé Nyùy. Wír aníne wáa yen, a way shilív é wùn wó.

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

Joon 3:18

Wír wo wù wáy shilív e Wàn Nyùy wùn bòy ne fo lòn. Wìr wo wù tén fó way lì ne lòn, bìʼ fo wù leeyin wír wo dzəə̀n Wan Nyùy ntéŋ, a bó wùmòʼ yòʼ kfə̀n dzə̀.

Lim Aŋgàa Ntum 3:16

A yiì vitaáví vé Jesus woo shooy, bo ndzə́m wo vèn yén, kiiy və̀n bónén, bìʼ fo vèr wáy shilív a dzə̀ e wun woo Jesus wùn. A kù yiì shilív she vèr wayin é wùn wó, bo vèn wáa yen, a ndzə́m və̀n bónén ne, e tàv kijuŋ bèn.

Ŋwàʼ woó Rom 8:14

Wír ve dzəə̀n rú wón Nyùyi nén a dzə ve á yú a dzə̀ fo Kiyoy ke Nyùy ki, a kí danèr áwune.

Ŋwàʼ woó Rom 8:16

A yii Kiyoy ke wun woo Nyùy ke kí bánri melív mèsən, aá kiiy rú ji vèsən sì á wón və́.

Ŋwàʼ woó Rom 8:19

Vifá ve Nyùy bomen vidzə̀m vi sí shiy, njeʼ feyì jii, á yén á mo Nyùy wíy yiì e wón vəə́ e ghan foo fèy.

Galatia 3:26

Sí kér Nyùy, bìʼ fo ven ve á wayin shilív e Jesus Kristu wùn adzə̀me siìn wón Nyùy.

Galatia 4:6

Mo wù liìn vèsən ji wón və́, e nèn tùm Kiyoy ke Wan və və̀n, kí wíy, e nə̀ə́ e vèsə́n meliv, a yiì, vèsən wáa yòŋrì Nyùy ji Tàr, Tàr.

Kolosia 2:6

Mo vèn biimen ne ji Tàr won sì Jesus Kristu, vèn ku nèn a yiì vinyo a dzə̀ vé wìr ve dzəə̀n və́.

2 Pita 1:4

Á mo Nyùy‑iì ghanen, é bo vèsən nəə́ e wùn mvə̀m vinyò ve wù‑uù kàʼàn wíri shó fo ŋgùʼ, a dzə̀ aŋkàʼmé ve ghaʼtíné ve dzə̀ á sə̀ vèsən féyì. Vèsən nén a dzə lèn, aá bóy ne fo vinyò ve mensə́ me dom wíri, aá buʼtì e ndzə fèn. A vèsən sí yú a dzə̀ fo Nyùy, kér liì a dzə̀ və́ə.

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

1 Joon 3:10

Kinyo ke kí din jeéyjeéy fo wón Nyùy wùn à vé Satan ki dzə̀ jii, wír ve bó á yòʼ yii kinyo ke ru kí, a bó á yòʼ koŋ afə́r véví yòʼ dzə̀ á wón Nyùy gheéy. Vee shooyi dzə̀ vé Satan.

1 Joon 3:2

Ŋkàr sem, vèsən dzə̀ rú wón Nyùy lèn. A bó vèsən yóʼ ne kìíy mo vèsən wíy a dzə e ghan se sí wiyì. Ke vèsən kiìn kí dzə̀ ji Jesus wíy wìy, é vèsən wáa dzə réŋréŋ moo wun, a vèsən wíy yen rú mo wù dzəə̀n.

1 Joon 3:23

A sáʼ rə́ rə́ne dzə̀ jii, vèsən wáy á shilív e Wan və Jesus Kristu wùn, e kfə̀n a kòŋnìn. Á mo wù‑uù suuyin ji vèsən wáa yiì.