Joon 1:11 - ŊWÀʼ NYÙY

¹¹ Wù‑uù wìy, e dù a dzə̀ e wír ve wù‑uù shoʼon ji vəə́ wòŋ, la áwune yòʼ a yen wun gheéy.

Joon 1:11 Iomraidhean Croise

Matio 15:24

Jesus bìnèr jii, «Nyùy‑iì tùm mo ji m wiy, a sə a dzə̀ wír və́ veé Isray ve á loòn, a jan moo njiì.»

Ŋwàʼ Luk 19:14

«Wù nèn lò, a wír vee wùn wòŋe‑eè ban wun e ŋàŋ, á nèn sìíy, e tsə̀nsí aŋgàa ntum fo bàm jii, bó á yòʼ koŋ a ji wìr və̀n wáa saʼ áwune.

Joon 1:10

Wun woo Jínyùy wáa dzə e ndzə fèn, la wír veé ndzəə yòʼ fə̀m kìíy wun, a kù dzə̀ wun wo wù‑uù fèrìn ndzə rə̀n.

Joon 1:12

Yii bèy, a wír ámóʼó‑oò ló a yen wun feyì, a way shilív é wùn wó. Wù nèn lì vee shooy adzə̀m, e bùʼ ji wáa dzə wón Nyùy.

Joon 19:27

e kfə̀n sùúy e wan və lìm və̀y jii, «Yè won və̀ne.» Kèʼ fo ghan see shooy, wàn lìm və̀y nèn lì yìy à Jesus, wù wáa dzə e wùn laʼ.

Joon 3:32

wù nén a fìʼtì sa a dzə̀ vinyo ve kù‑uù yén wun, kfə̀n yú e vituʼùr və́ ví. A bó wíri yòʼ fə̀m biíme kinyo kfə́ gheéy.

Lim Aŋgàa Ntum 13:26

Por kfən yòŋ áwune jii, «Afə̀r vem, ven vee rám Abraham, e lì wír ve á ghvə́m sa Nyùy adzə̀m, Nyùy‑iì tiìsí ntum yee mo á wíy lùŋ rə̀n a dzə̀ e vèsən.

Lim Aŋgàa Ntum 13:46

Wùn Banabar kú a suŋnín tèéter, a suúy jii, «Vèr kù‑uù kér fó tòmbìy fìʼtì kinyo ke Nyùy a dzə̀ e vèn vee wír veé Juda. Mo vèn tenen, e màʼày vitú vén ji bó á yoʼ ghèén fó wìy nəə́ e dzə̀ʼə̀m yee là may, bo vèr sí binkìr, a fìʼtì a dzə̀ e wír ve bó yòʼ dzəə̀n veé Judàa.

Lim Aŋgàa Ntum 21:6

Vèr nèn nə̀ə́ e kikoŋ, áwune wáa kfən fo laʼ.

Ŋwàʼ woó Rom 15:8

Vèn wáa kiíy jii, Kristu‑uù wìy, e lì kitú kfə́ ji wánlè wìr veé Juda, e fíʼ dìn aáwune ji Nyùy kù yii yii kinyo ke wù kàʼàn, a wù yiì ne kíwun lèn ke wù‑uù kàʼàn atǎr ram vév vee fó mbìy sho.

Ŋwàʼ woó Rom 9:1

Kinyo kímóʼ kí nén a dzə sho ke kí yii, la m yòʼ a yu vijuŋ gheéy, a m rə́si sov kitú, a mendzən mè rə́r mo féyì. A dzə̀ bìʼ afə́r vém vee wír veé Isray ve á tenen fó way shilív e Jesus Kristu wùn. A m suuy a dzə̀ kinyo ke ru kí jii, a yì‑iì dzə̀ ji vèr Kristu javsin, é lòn wo wú dzəə̀n aáwuné kitu və̀ne kfə́n a dzə̀ e mǒ kitu, é wùn à Kristu tátí, aá fíʼ lùŋ, m wàa kòŋ kee shooy. A m suuy kinyo kìn moo wir wun woo Kristu, a Kiyoy ke Ranén ke kí dzəə̀n e mǒ shiliv kí kì sá ji m yòʼ waà bóʼti.

Ŋwàʼ woó Rom 9:5

aá ràm a dzə̀ fo wír ve vé‑eè súŋnin wùn à Nyùyi. Jesus Kristu woo *Mfə̀ə́r wìy wìy, e lì mbom wìr, á dzəə́ wun a dzə̀ aáwuné ram, a dzə̀ wun wo Nyùy lèmèn lèn ji vitú ve saʼ. Á ku nèn a burí Nyùy ghán sidzə̀m. Amen.

Galatia 4:4

Ghán sí nèn wìy ghèén se Nyùy‑iì sìysìn ji wun wíy yiì kinyo ke wù‑uù kàʼàn. Wù túm Wán və é ndzə fèn, wù wìy, wiíy wùmòʼ dzəə́ wun, wù wáa dzə sa, a yu a dzə̀ fó nsər réŋréŋ mo vèsən‑eè yú.