Joon 1:10 - ŊWÀʼ NYÙY

¹⁰ Wun woo Jínyùy wáa dzə e ndzə fèn, la wír veé ndzəə yòʼ fə̀m kìíy wun, a kù dzə̀ wun wo wù‑uù fèrìn ndzə rə̀n.

Joon 1:10 Iomraidhean Croise

Kèʼlo 16:13

Hagar nèn a ghay wún jii, «M yèn ne rú Nyùy, e gòʼ e tin à?» Wù nèn yòŋ yír Nyùy Tàr wo wù‑uù suŋnin e wun jii, «Nyùy wo wù yén mo.»

Kèʼlo 17:1

Abram meé kiyá nshòv bvə̀ʼə̀ e mbvə̀ʼə̀ (99), Nyùy Tàr wìy fo wun wùn, e sùúy sho jii, «M dzə̀ Nyùy woo Ŋgaà Vitaàví Vidzə̀m. Á yunín mo, a yiì vinyo vee tìítiy vi, a dzə là nsem,

Kèʼlo 18:33

Nyùy Tàr màysì, e sùŋnín wùn Abraham, e nèn lò, a dù. Abraham nèn kfə̀n fo wù‑uù dzə́.

Aysaya 53:3

Wíri‑iì leey wun fo kisaŋ, kù nyaysì nyàysìn. Wù‑uù dzə̀ wír, a wù‑uù toòmé ŋgeʼ, e toòmé nyár. Wìr yòʼ kfə̀n‑eè kóŋ a leéy wun. Vèr kù‑uù sí ŋwáy wun ŋwáyín, yén wun ji kifá ke kisaŋ ki.

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Joon 1:11

Wù‑uù wìy, e dù a dzə̀ e wír ve wù‑uù shoʼon ji vəə́ wòŋ, la áwune yòʼ a yen wun gheéy.

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

Joon 1:3

a Nyùy‑iì wày vitaáví a dzə̀ e wùn kiwo, wù yiì, vifá vidzə̀m vi wáa dzə. A bó kifá kímóʼ kí yòʼ dzə̀ shó ke kí dzəə̀n, a bó yòʼ‑oò yiì wun, é bo kí keʼ, a dzə.

Joon 1:5

Rán yee shooyi ku nèn a ban, a kàʼày ndzə vitsə̀ʼ, a bó ndzə vitsə̀ʼ yòʼ‑oò lo ndzə̀mér gheéy.

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Joon 5:17

Jesus nèn lò, e tòʼ lám aáwune jii, «Bó Tàr wor yòʼ yii meemè lim, a bó yòʼ dzə̀ sá, m meèmè.»

Lim Aŋgàa Ntum 14:17

Yii bèy, wù kú a yiì vinyo ve juŋ vi e wíri, aá fíʼ a kiíy ji wun dzə̀ á sho. Wù fó ven wuú é ghan se gheenén sí, a vifá vi kúyí, a vèn kér vifá ve yi, yí, shéʼri.»

1 Korin 1:21

A bó wun woo Nyùy wo wù kiìn vinyo vidzə̀m yòʼ‑oò lo biìmé ji dzə̀ wíri kìíy wun a dzə̀ fo áwuné vifii. Wù‑uù sìysì ji wun luŋer a dzə̀ á wír ve á biimen kinyo ke vèr fiʼtì, aá shéʼ sheʼén ji vinjeenjèm kìn.

1 Korin 2:8

A bó wír ve á sáʼ ndzə yee lèn rə̀ne yòʼ‑oò lo kìíy sa kinyo kee shooy. A vé‑eè bóo kiíy, bo bó á yòʼ‑oò lo kùm Taàtá Jesus e kici, a tíy wun vitú ve saʼ e dzə̀m.

1 Korin 8:6

késən kí dzə̀ jii, Nyùy kù mày e mòʼón, a dzə̀ á wun wo dzəə̀n Tàr wòsən, a bòm wun vifá vidzə̀m, ví wáa yu a dzə̀ fo wun. Taà Ndzə kù mày sa e mòʼón, a dzə̀ Jesus Kristu. Vifá ve Nyùy‑iì bomen vidzə̀m vi‑iì shaà a dzə̀ e wun woo Kristu kiwo, a kù yii wun, bo vèsən wáa dzə sho.

Kolosia 1:16

A kí dzə̀ jii, Nyùy‑iì wày á vitaáví vidzə̀m a dzə̀ e wùn kiwo, wù bóm vifá vidzə̀m. Wù bóm veé yuv, e bòm veé nsay, kìn dzə̀ vifá ve á yéné, kìn dzə̀ ve bó á yòʼ yéné. Ku kfə̀n bòm wun vifá ve ví kér vitaáví é ndzə vidzə̀m, kìn dzə̀ nshèelav se Nyùy, kìn dzə̀ *anyùy ve á ghán e shwer. A Nyùy‑iì fò vitaáví, wù bóm vifá vidzə̀m bèy ji ví wáa yu a dzə̀ á fo fo.

Hibru 11:3

Vèsən wáa dzə késən sá, aá kì mo Nyùy‑iì ghanen, e bóo bom ndzə, a dzə̀ bìʼ fo vèsən wáy shilív e wun wùn, biíme kinyo kfə́. A vèsən kì jii, Nyùy kù‑uù sùúy suuyín a dzə̀ á fo shuù, ndzə nèn a dzə. Kí nén a dzə ji vifá ve á yén lèn vìn vi kù‑uù lò a dzə̀ á fo ve bó á yòʼ yén vi.

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.